31-Aug-2024

ବଲାଙ୍ଗୀର(ପ୍ରେରଣା ଖବର): ବଲାଙ୍ଗୀର ପୌରପାଳିକା ପୂର୍ବରୁ ଅନେକଥର ରାଜ୍ୟସ୍ତରୀୟ ପୁରସ୍କାର ମିଳିଛି । ଏବେ ଜାତୀୟସ୍ତରର ପୁରସ୍କାର ପାଇଁ ମନୋନୀତ ହୋଇ ପିଏମ ସେବାନିଧି “ପ୍ରେଜ” ପାଇବାକୁ ମନୋନୀତ ହୋଇଛି । ଆଜି ଅଗଷ୍ଟ ୩୧ ତାରିଖରେ ରାଜ୍ୟସ୍ତରୀୟ ସ୍ୱାୟ୍‌ତଶାସନ ଦିବସ ପାଳନ ଉତ୍ସବରେ ଭୁବନେଶ୍ୱର ଲୋକସେବା ଭବନ ଠାରେ ମୁଖ୍ୟମନ୍ତ୍ରୀ ମୋହନ ମାଝୀ ଠାରେ  ଏହି ପୁରସ୍କାର ପ୍ରଦାନ କରିଛନ୍ତି l ପ୍ରକାଶ ଯେ,ଗତ ୨୮ ତାରିଖରେ ରାଜ୍ୟସରକାର ବଲାଙ୍ଗୀର ପୌରପାଳିକାକୁ ପଠାଇଥିବା ଚିଠିରେ ଉଲ୍ଲେଖ ରହିଛି ଯେ,ଜାତୀୟସ୍ତରର ପୁରସ୍କାର ପାଇଁ ଚୟନ କରାଯାଇ ପୁରସ୍କୃତ କରିବାକୁ ଭାରତସରକାର ତାଙ୍କର ଡିଓ ଲେଟର-କେ-୧୨୦୨୦(୬)୧୪/୨୦୨୪ପିଏମଏସ-ବି-ଏମଓଏଚୟୁଏ ତା.୨୯ ଜୁଲାଇ ୨୦୨୪ରେ ରାଜ୍ୟସରକାରଙ୍କୁ ଜଣାଇଥିଲେ । ସେହି ଚିଠି ଆଧାରରେ ରାଜ୍ୟସରକାରଙ୍କ ସହରାଞ୍ଚଳ ବିକାଶମନ୍ତ୍ରଣାଳୟ ତାଙ୍କ ପତ୍ର ସଂଖ୍ୟା-୨୩୪୯/ସୁଡା ତା.୨୮.୮.୨୦୨୪ ପ୍ରେରଣ କରି ବଲାଙ୍ଗୀର ପୌରପାଳିକା, ଯାଜପୁର, ଢେଙ୍କାନାଳ ଓ ରାୟଗଡା ମ୍ୟୁନିସିପାଲିଟିର ନିର୍ବାହୀଅଧିକାରୀମାନେ ରାଜ୍ୟସ୍ତରରେ ହେବାକୁ ଥିବା ସ୍ୱୟତ୍ତଶାସନ ଦିବସ ପାଳନ ଉତ୍ସବରେ ଯୋଗଦେଇ ପୁରସ୍କାର ଗ୍ରହଣ କରିବାକୁ କୁହାଯାଇଥିଲା । ଏମାନଙ୍କ ସହିତ ଭୁବନେଶ୍ୱର, କଟକ ଓ ସମ୍ବଲପୁର ନଗରନୀଗମ ମଧ୍ୟ ପୁରସ୍କୃତ  ହୋଇଛନ୍ତି । ରାଜ୍ୟରେ ଥିବା ୧୩୦ଟି ସହରାଞ୍ଚଳ ମଧ୍ୟରୁ ୪ଟି ପୌରାଞ୍ଚଳ ମଧ୍ୟରେ ବଲାଙ୍ଗୀର ପୌରପାଳିକା ମନୋନୀତ ହୋଇ ପୁରସ୍କୃତ ହୋଇଥିବାରୁ ବଲାଙ୍ଗୀରରେ ଖୁସିର ମାହୋଲ ରହିଛି । ପ୍ରକାଶ ଯେ,୧୯୫୦ ମସିହାରେ ବଲାଙ୍ଗୀର ପୌରାଞ୍ଚଳ ଗଠିତ ହୋଇ ଏବେ ଏହାର କଳେବର ବୃଦ୍ଧି ପାଇଛି । ଲୋକଙ୍କ ସୁବିଧାସୁଯୋଗ ପାଇଁ ରାଜ୍ୟସରକାର ଓ କେନ୍ଦ୍ରସରକାରଙ୍କ ଦ୍ୱାରା ପ୍ରଣିତ ଯୋଜନାର ସଫଳ ରୂପାୟନ ହେଉଛି । ଲୋକଙ୍କ ଆବଶ୍ୟକତା ତଥା ସହଭାଗିତାରେ ପୌରପାଳିକା ତାର କାମ କରିଚାଲିଛି । ଏବେ ପୌରାଧ୍ୟକ୍ଷା ଥିବା ଲିକା ସାହୁ ଲୋକଙ୍କ ସହିତ ସିଧାସଳଖ ସମ୍ପର୍କରେ ରହି ଲୋକଙ୍କ ସମସ୍ୟା ସମାଧାନ ପାଇଁ କାମକରି ପ୍ରଶଂସିତ ମଧ୍ୟ ହେଉଛନ୍ତି । ଏବେ ରାଜ୍ୟସରକାର ବଲାଙ୍ଗୀର ପୌରପାଳିକାକୁ ପୁରସ୍କୃତ କରିଥିବାରୁ ଏହା ଜନସାଧାରଣଙ୍କ ସହଭାଗିତାର ପ୍ରତିଫଳନ ବୋଲି ପୌରାଧ୍ୟକ୍ଷା ଲିକା ସାହୁ କହିଛନ୍ତି ।