29-Aug-2024

ସିନାପାଲି (ଚିନ୍ତାମଣି ନେତାମ )ନୂଆପଡା ଜିଲ୍ଲା ସିନାପାଲି ବ୍ଲକ୍ କାର୍ଯ୍ୟଳୟ ଠାରେ ଜିଲ୍ଲାପାଳଙ୍କ ଅଭିଯୋଗ ଶୁଣାଣୀ ଶିବିର କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ଉକ୍ତ କାର୍ଯ୍ୟକ୍ରମରେ ଜିଲ୍ଲାପାଳ ମଧୁସୂଦନ ଦାସ, ପୋଲିସ୍ ଆରକ୍ଷୀ ଅଧିକ୍ଷକ ଆର ଏସ ରାଘବେନ୍ଦ୍ର ଯୋଗଦେଇ ଗୋଷ୍ଠି ଏବଂ ବ୍ୟକ୍ତିଗତ ଶୁଣାଣୀ କରିଛନ୍ତି । ଏହି କାର୍ଯ୍ୟକ୍ରମରେ  ସିଂଙ୍ଗଝର ଠାରେ ଗ୍ରାମ ପଞ୍ଚାୟତ ସ୍ତରୀୟ ମିନି ଷ୍ଟାଡିୟମ ନିର୍ମାଣ ପାଇଁ ଦାବି ଉପସ୍ଥାପନ କରିଥିଲେ ।ଆଦିବାସୀ ଅଧ୍ୟୁସିତ ଓଡ଼ିଶା ଛତିଶଗଡ
ସୀମାନ୍ତ ବର୍ତ୍ତି ସିନାପାଲି ବ୍ଲକ ସିଙ୍ଗଝର ଗ୍ରାମ ପଞ୍ଚାୟତ ର କ୍ରିଡା ଭିତ୍ତି ଭୂମି ର ବିକାଶ ନିମନ୍ତେ ଏଇ ଅଞ୍ଚଳର କ୍ରୀଡ଼ା ପ୍ରେମୀ ସଦା ସର୍ବଦା  ଚେଷ୍ଟିତ ଅଛନ୍ତି I ପ୍ରାୟ ୧୦ ବର୍ଷ ହେଲା ଏହି ଗ୍ରାମରେ ଅଞ୍ଚଳ ତଥା ପଶ୍ଚିମ ଓଡ଼ିଶା ର ଅନ୍ୟତମ ସର୍ବ ବୃହତ ଅନ୍ତଃ ରାଜ୍ୟ କ୍ରିକେଟ ଟୁର୍ଣ୍ଣାମେଣ୍ଟ ଆୟୋଜନ କରି ଆସୁଛନ୍ତି । ହେଳେ ଅତ୍ୟନ୍ତ ଦୁଃଖ ଓ ପରିତାପ ର ବିଷୟ ଏହି ଯେ, ଏଠାରେ କ୍ରିଡା ଓ କ୍ରିଡା ପ୍ରେମୀ ଙ୍କ ନାହି ନ ଥ‌ିବା କ୍ରୀଡାପ୍ରେମ ଥିବା ସତ୍ତ୍ୱେ ଆବଶ୍ୟକୀୟ କ୍ରିଡା ଭିକ୍ତି ଭୂମି ନଥ‌ିବାରୁ ଏହି ଉପାନ୍ତ ଅଞ୍ଚଳରେ କ୍ରିଡାର ଆଶାନୁରୂପ ବିକାଶ ହୋଇପାରୁ ନାହିଁ । ଏବଂ ଅନ୍ୟତମ ସମସ୍ୟା ଯାହାକି ଆବଶ୍ୟକୀୟ ସରକାରୀ ଜମି ନଥିବାରୁ ଖେଳ ପଡିଆ ନିର୍ମାଣ ତଥା କ୍ରିଡାର ବିକାଶ ପାଇଁ ଖେଳ ପଡିଆ ର ଅଭାବ ପରିଲକ୍ଷିତ ହେଉଅଛି । ସରକାରୀ ଜମିର ଅଭାବ କୁ ଦୃଷ୍ଟିରେ ରଖି କ୍ରିଡା ଭିକ୍ତି ଭୂମି ର ବିକାଶ ପାଇଁ ଗ୍ରାମ ଗୌନ୍ତିଆ ସ୍ବର୍ଗତ ନୀଳାମ୍ବର ମାଝୀ ଙ୍କ ଧର୍ମ ପତ୍ନୀ ଓ ତାଙ୍କ ପରିବାର ଜମି ଦାନ ଦେଇ ବଦାନ୍ୟତାର ଅନନ୍ୟ ପରିଚୟ ସୃଷ୍ଟି କରିଛନ୍ତି । ଗତ ତା ୧୬/୦୩/୨୦୨୪ ରିଖ ଦିନ ଭକ୍ତ ପରିବାର ଗୋଷ୍ଠୀ ଉନ୍ନୟନ ଅଧିକାରୀ ସିନାପାଲି ଙ୍କୁ ଖେଳ ପଡିଆ ନିର୍ମାଣ ନିମନ୍ତେ ଏକର ୪,୦୬ ପରିମାଣ ଦାନ ସ୍ୱରୂପ ପ୍ରଦାନ କରିଛନ୍ତି । ଯାହାକି ମ୍ୟୁ, କେ ନଂ ୪୦୪/୨୪ ତା ୦୧/୦୭/୨୪, ଖାତା ନଂ ୨୫୪ ର ପ୍ଲଟ ନଂ ୧୬୯୩ରୁ ଏକର ୧.୦୬, ୧୬୯୪ ରୁ ଏକର ୦.୯୮,୧୬୯୫ ରୁ ଏକର ୨ .୦୨, ମୋଟ ଏକର ୪.୦୬ ପ୍ରଦାନ କରି ନୂତନ ଖାତା ନଂ ୪୮୪/୫୬୪, ଏହି ସ୍ଥାନରେ  ସିଙ୍ଗଝର ବୁଢାରାଜା ଷ୍ଟାଡିୟମ ନିର୍ମାଣ ପାଇଁ ପ୍ରସ୍ତୁତ କରାଗଲା । ଖେଳ ପଡିଆ ଅଭାବ ରୁ ବିଗତ ଦିନ ରେ ଯାହା ସବୁ କ୍ରିଡା ପ୍ରତିଯୋଗିତା ଆୟୋଜନ କରାଯାଇଛି ତାହା ଅସ୍ଥାୟୀ ସ୍ଥାନ ରେ ହେଉଥିଲା ଏବଂ ରାଜ୍ୟ ର ତଥା ରାଜ୍ୟ ବାହାରୁ ଆସୁଥ‌ିବା ବିଭିନ୍ନ ଦଳ କୁ ନେଇ ଆୟୋଜିତ କ୍ରିଡ଼ାର ବିକାଶ ତଥା ପ୍ରତିଯୋଗିତା କୁ ଉନ୍ନତ ମାନ ର କରିବା ପାଇଁ ଉଦ୍ଦିଷ୍ଟ ସ୍ଥାନ ରେ ଷ୍ଟାଡିୟମ ନିର୍ମାଣ ଆବଶ୍ୟକୀୟ ଅନୁମତି ପ୍ରଦାନ ତଥା ଆକଳନ ଅନୁଯାୟୀ ପାଣ୍ଠି ଅନୁମୋଦନ ଏବଂ ମହାତ୍ମା ଗାନ୍ଧୀ ଜାତୀୟ କର୍ମ ନିଯୁକ୍ତି ଯୋଜନା (ମନରେଗା) ମାଧ୍ଯମରେ
ଖେଳ ପଡିଆର ଉନ୍ନତିକରଣ ତଥା ଅନନ୍ୟ ପାଣ୍ଠି ଦ୍ବାରା କିଛି ଅର୍ଥ ଅନୁମୋଦନ ହେଲେ ଏହି ଗ୍ରାମ ର ବହୁ ପ୍ରତିକ୍ଷିତ କ୍ରିଡା ଭିତ୍ତି ଭୂମିର ବିକାଶ ନିମନ୍ତେ ସହାୟକ ହେବବୋଲି ଲିଖିତ ଦାବିପତ୍ର ପ୍ରଦାନ କରିଥିଲେ ।ଏହି ଦାବି ପତ୍ର ପ୍ରଦାନ ସମୟରେ ପ୍ରେମଚାନ୍ଦ୍ ବୈଠାରୁ, ରାମ ବିଶି, ଦେବବ୍ରତ ମାଝି, ଗୌରୀଶଙ୍କର ମାଝି, ଭୁବନ ବୈଠାରୁ,ସୁବାସ ବୈଠାରୁ,ପ୍ରେମସିଂ ମାଝି, କମଳାକାନ୍ତ ସେଠି,କ୍ଷୀରୋଦ ବୈଠାରୁ,ଜଗନ୍ନାଥ ନାଏକ, ଧର୍ମେନ୍ଦ୍ର ବୈଠାରୁ,ଭୂତେ ବୈଠାରୁ,ତିରନ୍ ମାଝି ଙ୍କ ସମେତ ଅନେକ ଖେଳାଳି ଓ କ୍ରୀଡ଼ାପ୍ରେମୀ ଉପସ୍ଥିତ ଥିଲେ । ଏହି ଦାବିପତ୍ର ପ୍ରଦାନ ପରେ ନୂତନ ଭାବେ ଯୋଗ ଦେଇଥିବା ନୂତନ ଜିଲ୍ଲାପାଳ ଶ୍ରୀ ଦାସ ବିଭାଗୀୟ କର୍ତ୍ତୃପକ୍ଷ ଓ ସିନାପାଲି ଗୋଷ୍ଠି ଉନ୍ନୟନ ଅଧିକାରୀଙ୍କୁ ନିର୍ଦ୍ଦେଶ ଦେଇଛନ୍ତି ଏବଂ ଏହା ଖୁବ୍ ଶୀଘ୍ର କାର୍ଯ୍ୟକାରୀ ହେବ ବୋଲି ପ୍ରତିଶ୍ରୁତି ଦେଇଛନ୍ତି ।