25-Aug-2024

ସମ୍ବଲପୁର:(ପ୍ରେରଣା ଖବର)-ଅଖିଳ ଭାରତୀୟ କଂଗେସ କମିଟିର ଏକ ଛାମୁଆ ଶାଖା ରାଜୀବ ଗାନ୍ଧୀ ପଞ୍ଚାୟତି ରାଜ ସଂଗଠନର ଦୁଇ ଦିନିଆ ସର୍ବୋଦୟ ଶିବିର ଅଗଷ୍ଟ ୨୪ ଓ ୨୫ ତାରିଖ ଦୁଇଦିନ ଧରି ସ୍ଥାନୀୟ ଓଡ଼ିଶା ସାଂସ୍କୃତିକ ସମାଜ ଭବନ ଠାରେ  ଅନୁଷ୍ଠିତ ହୋଇଯାଇଛି l ତୃଣମୂଳ ସ୍ତରରେ ସଂଗଠନ କୁ ସଶକ୍ତ ଓ ପ୍ରସାରିତ କରିବାକୁ ଏଥିରେ ନିଷ୍ପତି ନିଆଯାଇଛି lଦୁଇ ଦିନ ଧରି ଅନୁଷ୍ଠିତ ଶିବିରରେ ବିଭିନ୍ନ ବିଷୟରେ ଅଧିବେଶନ ମାନ ଅନୁଷ୍ଠିତ ହୋଇଥିଲା l ଭାରତର ସ୍ଵାଧୀନତା ସଂଗ୍ରାମ ଓ ଦେଶ ନିର୍ମାଣରେ କଂଗ୍ରେସ ର ଭୂମିକା, ଦେଶର ସମ୍ବିଧାନ ଓ ଏହାର ସୁରକ୍ଷା, ସ୍ଵରାଜ ଓ ବିକଳ୍ପ ବିକାଶ, ସାମାଜିକ ନ୍ୟାୟ ଆନ୍ଦୋଳନ, ପଞ୍ଚାୟତି ରାଜ ବ୍ୟବସ୍ଥା ଓ କ୍ଷମତାର ବିକେନ୍ଦ୍ରୀକରଣ  ଇତ୍ୟାଦି ବିଷୟ ବସ୍ତୁ ଉପରେ ଶ୍ରୀ ଶିବ ପ୍ରସାଦ ନନ୍ଦ, ନିରାକାର ବେଉରା, ସୁଦର୍ଶନ ଦାସ, ମହେଶ ସତ୍ୟ ପ୍ରମୁଖ ସେମାନଙ୍କ ବକ୍ତବ୍ୟ ରଖିଥିଲେ lଉଦଘାଟନୀ ଓ ଉଦଯାପନୀ ଉତ୍ସବରେ ପୁର୍ବତନ କେନ୍ଦ୍ର ମନ୍ତ୍ରୀ ଭକ୍ତ ଚରଣ ଦାସ, ବଲାଙ୍ଗୀର ଲୋକ ସଭା ପ୍ରାର୍ଥୀ ମନୋଜ ମିଶ୍ର, ରେଙ୍ଗାଲି ବିଧାନସଭା ପ୍ରାର୍ଥୀ ଦିଲ୍ଲୀପ ଦାସ, ସୋନପୁର ବିଧାନସଭା ପ୍ରାର୍ଥୀ ପ୍ରିୟବ୍ରତ ସାହୁ, ବୀରମହାରାପୁର ବିଧାନ ସଭା ପ୍ରାର୍ଥୀ ପ୍ରଦୀପ ସେଠୀ, ନାରୀନେତ୍ରୀ ବିଜୟଲକ୍ଷ୍ମୀ ବେହେରା, ଜିଲ୍ଲା ପରିଷଦ ସଭ୍ୟ ଲବ କୁମାର ସାହୁ, ସୁନ୍ଦରଗଡ଼ର କଂଗ୍ରେସ ନେତା ନିର୍ମଳ କୁମାର ନାୟକ, ବଲାଙ୍ଗୀରର ଯୁବ ନେତା ଗଣେଶ ସାହୁ ପ୍ରମୁଖ ଯୋଗ ଦେଇଥିଲେ lଏହି ଶିବିରରେ ପଶ୍ଚିମ ଓଡ଼ିଶା ର ୮ ଟି ଜିଲ୍ଲାର ପ୍ରତିନିଧି ମାନେ ଯୋଗ ଦେଇଥିଲେ l ଶିବିରର ଦ୍ଵିତୀୟ ଦିନରେ ଶିବିର ରେ ଯୋଗ ଦେଇଥିବା ସାଥୀମାନେ ଧନୁପାଲି ସ୍ଥିତ ଭତରା ଗାଁ ରେ ଥିବା ଗାନ୍ଧୀ ମନ୍ଦିର କୁ ଯାଇ ରାମ ଧୁନ ଗାନ କରିବା ସହିତ ସେଠାରେ ଶ୍ରମଦାନ କରିବା ସହ ସଫେଇ କାର୍ଯ୍ୟକ୍ରମ କରିଥିଲେ l ଅନ୍ୟମାନଙ୍କ ମଧ୍ୟରେ ଶ୍ରୀନିବାସ ଖମାରୀ, ପାଣ୍ଡବ କର୍ଣ୍ଣ, କିଶୋର ସାହୁ, ବିଘ୍ନେଶ୍ୱର ସେଠ, ଦିଲ୍ଲୀପ ପଣ୍ଡା, ସୁନିଲ ପ୍ରଧାନ ପ୍ରମୁଖ ଶିବିର ପରିଚାଳନା କରିଥିଲେ l
ରାଜୀବ ଗାନ୍ଧୀ ପଞ୍ଚାୟତି ରାଜ ସଂଗଠନର ଓଡ଼ିଶା ପ୍ରଭାରୀ ଶ୍ରୀ କୁନାଲ ବାନାର୍ଜୀ, ପର୍ଯ୍ୟବେକ୍ଷକ ଶ୍ରୀ ରଞ୍ଜନ ବ୍ୟାଇପୋଇ, ରାଜ୍ୟ ଅଧ୍ୟକ୍ଷ ଶ୍ରୀ ସୁଦର୍ଶନ ଦାସ ଏହି ଶିବିରରେ ବିଶେଷ ଅତିଥି ଭାବରେ ଯୋଗ ଦେଇଥିଲେ l
ବନ୍ଦେ ମାତରଂ ଗାନ ରୁ ଆରମ୍ଭ ହୋଇ ଜନ ଗଣ ମନ ଜାତୀୟ ସଙ୍ଗୀତ ଗାନ ରେ ଏହି ଶିବିର ସମାପ୍ତ ହୋଇଥିଲା l