01-Aug-2024

ବଲାଙ୍ଗୀର/ପାଟଣାଗଡ଼(ପ୍ରେରଣା ଖବର): ବଲାଙ୍ଗିର ଜିଲ୍ଲା ପାଟଣାଗଡ଼ ଉପଖଣ୍ଡର ବିଭିନ୍ନ ଅଞ୍ଚଳରେ  ଦିନକୁ ଦିନ ସାରର କଳାବେପାରୀଙ୍କ ପ୍ରାଦୁର୍ଭାବ ବୃଦ୍ଧି ପାଇବାରେ ଲାଗି ଥିବା ବେଳେ ଜିଲ୍ଲା ପ୍ରଶାସନ ନିଦାବିଷ୍ଣୁ ପାଲଟିଛନ୍ତି l ରାଜ୍ୟ ବାହାରର ଅଣଓଡ଼ିଆ ବେପାରୀ ମାନେ ଗତ ଜୁନ୍ ମାସରେ ପାଟଣାଗଡ଼ ବ୍ଲକର ବିଭିନ୍ନ ଗାଁଗଣ୍ଡାରେ ବୁଲି ଚାଷୀ ମାନଙ୍କ ସରଳତାର ସୁଯୋଗ ନେଇ କମ ଦରରେ ସାର ବିକ୍ରୟ କରିଥିବା ବେଳେ ଆଜି ଏହି ଶସ୍ତା ସାର ପ୍ରୟୋଗ କରିଥିବା ଚାଷୀ ମାନେ ମୁଣ୍ଡରେ ହାତ ଦେଇ ବସିଛନ୍ତି l ଏହି ସାର ପ୍ରୟୋଗ କରିଥିବା ଜମିରେ ନା ଫସଲ ର ଅମଳ ବଢିଛି ନା ଶସ୍ୟର ଗୁଣାତ୍ମକ ମାନ ବୃଦ୍ଧି ପାଇଛି l ଅଣଓଡିଆ ବେପାରୀଙ୍କ ନକଲି ସାର ପ୍ରୟୋଗ କରି ବିଚରା ଚାଷୀ ଠକାମିର ଶିକାର ହୋଇଛି l ବେଶ କିଛି ବର୍ଷ ହେଲା ଏହି ବେପାରୀ ମାନେ ନିୟମିତ ଭାବରେ ଏପରି କାରବାର ଚଳାଇ ଆସିଥିବା ଚାଷୀ ମାନେ ଅଭିଯୋଗ କରିଛିନ୍ତି l ସୂଚନାକୁ ପ୍ରକାଶ ଯେ, ସୁଦୂର ହରିୟାନା ରୁ ଆସିଥିବ ବିଭିନ୍ନ ସାର କମ୍ପାନୀର ଏଜେଣ୍ଟ ମାନେ ପାଟଣାଗଡ଼ ଅଞ୍ଚଳରେ ଠକାମି ର ଜାଲ ବିଛାଇ ଥିଲେ l ପାଟଣାଗଡ ବ୍ଲକ ଭାଲୁଜୁରୀ,ଉଲବା ଭଇଁଷା, ଠକପଡା, ଟେଣ୍ଡlପଦର ଆଦି ଗ୍ରାମରେ ଏହି ନକଲି ସାର ବେପାରୀ ମାନେ ଚାଷୀ ମାନଙ୍କୁ ବିଭିନ୍ନ ପ୍ରଲୋଭନ ଦେଖାଇ ସାର ବିକ୍ରି କରୁଥିବା ଚାଷୀ ମାନେ ଅଭିଯୋଗ କରିଛନ୍ତି l ଭାଲୁଜୁରୀ ଗାଁ ରେ ଏହି  କିଛି ଗ୍ରାମବାସୀ ମୋବାଇଲ୍ ରେ ଏ ମାନଂକର ଫଟୋ ଉଠାଇବା ପରେ ଏମାନେ ଭୟରେ ସେଠାରୁ ଛାଡି ଚାଲି ଯାଇଥିଲେ l ସାର ବେପାରୀଙ୍କ ଏହି ସାର ପ୍ରୟୋଗ କରିବା ପରେ ଯେତେବେଳେ ଫସଲ ଅମଳରେ କୌଣସି ଆଖିଦୃଶିଆ ପରିବର୍ତ୍ତନ ଦେଖିବାକୁ ମିଳିଲା ନାହିଁ, ସେତେବେଳେ ଚାଷୀ କ୍ଷତି ସହିବା ସୁନିଶ୍ଚିତ ହୋଇଯାଇଥିଲା l ଏହି ଅସାଧୁ ବେପାରୀଙ୍କ ଯୋଗୁଁ ପାଟଣାଗଡ଼ ଅଞ୍ଚଳର ଲାଇସେନ୍ସପ୍ରାପ୍ତ ସାର ବ୍ୟବସାୟୀ ମାନେ ଅନେକ କ୍ଷତିର ସମ୍ମୁଖୀନ ହେଉଛନ୍ତି l ଏହି ନକଲି ସାର୍ ବେପାରୀ ମାନଙ୍କ ... କବଳରୁ  ଚାଷୀ ମାନଙ୍କୁ ରକ୍ଷା କରିବା ପାଇଁ ଜନମତ ପ୍ରକାଶ ପାଇଛି l ଏପରି ଅସାଧୁ ବେପାରୀ ଙ୍କ ବିରୁଦ୍ଧରେ ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ କରିବା ପାଇଁ ବଲାଙ୍ଗୀର ଜିଲ୍ଲା କୃଷି ଅଧିକାରୀ ସ୍ଵତନ୍ତ୍ର ଦୃଷ୍ଟି ଦେବାକୁ ଦାବି ହେଉଛି l