24-Jul-2024

ବରଗଡ଼(ପବିତ୍ର ବେହେରା): ବରଗଡ଼ ଜିଲ୍ଲା ଅମ୍ବାଭୋନା ବ୍ଲକ ଅନ୍ତର୍ଗତ ଜନତା ସରକାରୀ ଉଚ୍ଚ ବିଦ୍ୟାଳୟ ଭୁକ୍ତାରେ ଶିକ୍ଷା ସପ୍ତାହ ପାଳନ ଅବସରରେ କ୍ରୀଡା ଦିବସ ଅନୁଷ୍ଠିତ ହୋଇଯାଇଛି। ଏହି ଅବସରରେ ବିଦ୍ୟାଳୟର ପ୍ରଧାନ ଶିକ୍ଷକ ଶ୍ରୀଯୁକ୍ତ ଦୁର୍ଗା ପ୍ରସାଦ ନାୟକଙ୍କ ପ୍ରତ୍ୟକ୍ଷ ତତ୍ତ୍ଵାବଧାନରେ ଛାତ୍ରଛାତ୍ରୀମାନେ ବିଭିନ୍ନ ପ୍ରକାରର କ୍ରୀଡା ପ୍ରଦର୍ଶନ କରିଥିଲେ  ।ପ୍ରଧାନ ଶିକ୍ଷକ ଶ୍ରୀଯୁକ୍ତ ନାୟକ ଛାତ୍ରଛାତ୍ରୀମାନେ ବିଦ୍ୟାଳୟରେ ଶିକ୍ଷା ଆହରଣ କରିବା ସହିତ କ୍ରୀଡ଼ାର ଆବଶ୍ୟକତାକୁ ଉପଲବଧି କରିବା ଉଚିତ ବୋଲି

ମତବ୍ୟକ୍ତ କରିଥିଲେ।କ୍ରୀଡ଼ା ଶିକ୍ଷକ ଜ୍ୟୋତିଶ୍ଚନ୍ଦ୍ର ପଧାନ ଏବଂ ରଂଜିତ ସାହୁ ଛାତ୍ରଛାତ୍ରୀମାନେ କ୍ରୀଡା କ୍ଷେତ୍ରରେ ସଫଳତା ହାସଲ କରିବାକୁ ହେଲେ କିପରି ପ୍ରୟାସ କରିବେ ସେହି ସମ୍ବନ୍ଧୀୟ ସୂଚନା  ପ୍ରଦାନ କରିଥିଲେ।  ଛାତ୍ରଛାତ୍ରୀମାନେ  ବିଭିନ୍ନ ପ୍ରକାରର ପାରମ୍ପରିକ କ୍ରୀଡା

ପ୍ରଦର୍ଶନ କରିଥିଲେ। କ୍ରୀଡା ଦିବସ ପାଳନର ସମସ୍ତ କାର୍ଯ୍ୟକ୍ରମରେ କ୍ରୀଡା ଶିକ୍ଷକଙ୍କ ସମେତ ଶିକ୍ଷକ  ଅଶୋକ ଦାସ, ଆଲୋକ ଭୋଇ , ଦେବାଶିଷ ଭୁଏ,ଶିକ୍ଷୟିତ୍ରୀ  ସୌଦାମିନୀ ବାରିକ,ରାଜକୁମାରୀ ଭୁଏ, ତାରାବତୀ ସାହୁ, ରଞ୍ଜୁ ବଣିଆ ସକ୍ରିୟ ସହଯୋଗ କରିଥିଲେ। କ୍ରୀଡାଙ୍ଗନ କ୍ଲବ, ନେତାଜୀ ସ୍କାଉଟ, ଜୁନିଅର୍ ରେଡ୍ କ୍ରସର ସମସ୍ତ ସଦସ୍ୟ ଏବଂ ପ୍ରାଥମିକ ଛାତ୍ରଛାତ୍ରୀ ଅଂଶଗ୍ରହଣ କରିଥିଲେ।ଶେଷରେ ଶିକ୍ଷକ ଜୁନିଅର୍ ରେଡ୍ କ୍ରସର ମାର୍ଗ ଦର୍ଶକ ଶିକ୍ଷକ ସଞ୍ଜୟ ଖମାରୀ ଧନ୍ୟବାଦ ଅର୍ପଣ କରିଥିଲେ।