19-Jul-2024

କଣ୍ଟାମାଳ(ଜୟ କୁମାର ମହାରଣାଙ୍କ ରିପୋର୍ଟ ): କଣ୍ଟାମାଳ ବ୍ଲକର ସମସ୍ତ ଚାଷୀଙ୍କୁ ନେଇ ଏକ କୃଷକ ସଂଘ ଗଠନ କରାଯାଇଛି । ଆଜି ଅପରାହ୍ନରେ ମନମୁଣ୍ଡା ପୂର୍ତ୍ତ ବିଭାଗ ଡାକ ବଙ୍ଗଳା ଠାରେ ବ୍ଲକର ସମସ୍ତ ଚାଷୀଙ୍କୁ ନେଇ ଏକ ବୈଠକ ଅନୁଷ୍ଠିତ ହୋଇଥିଲା । ଚାଷୀଙ୍କ  

ସୁବିଧାକୁ ଦୃଷ୍ଟିରେ ରଖି ଏକ ସଂଘ ଗଠନ କରିବାକୁ ସର୍ବସମ୍ମତିକ୍ରମେ ନିଷ୍ପତ୍ତି ଗ୍ରହଣ କରାଗଲା । ନିରଞ୍ଜନ କର୍ଣଙ୍କୁ ସଭାପତି ଓ ଦାମୋଦର ମହାକୁଡ ଙ୍କୁ ଉପସଭାପତି ଭାବରେ ମନୋନୀତ କରାଗଲା ।ପରିଚାଳନା କମିଟି ସଭ୍ୟ ଭାବରେ ପ୍ରଭାତ ବିଶ୍ଵାଳ, ମଙ୍ଗଳୁ ପ୍ରଧାନ, ସାରଥୀ ସେଠୀ, ବିଦ୍ୟାଧର ମହାକୁଡ, ସିଦ୍ଧେଶ୍ୱର କର୍ମୀ ଓ ରଞ୍ଜନ କ୍ଷେତିଙ୍କୁ ସର୍ବସମ୍ମତିକ୍ରମେ ମନୋନୀତ କରାଗଲା । ଏହି ବୈଠକରେ ବ୍ଲକର ଶତାଧିକ ଚାଷୀ ଯୋଗ ଦେଇଥିଲେ ।