19-Jul-2024

ପାଟଣାଗଡ଼(ପୂର୍ଣ୍ଣ ଶଶୀ ଶେଖର ରାଓ): ବଲାଙ୍ଗିର ଜିଲ୍ଲା ଖପ୍ରାଖୋଲ ଥାନା ଅଞ୍ଚଳରେ ଶେଷ ବାହୁଡ଼ା ରଥଯାତ୍ରା ପାଳନ ହୁଏ ଖପ୍ରାଖୋଲ ଥାନା ଗମ୍ଭାରୀ ପଞ୍ଚାୟତ କ୍ରିନ୍ଦ୍ରିଟାଲ ଗ୍ରାମରେ। ସେହି ବାହୁଡ଼ା ଯାତ୍ରାର ଆନନ୍ଦ ନେବାକୁ ଅଞ୍ଚଳର ହଜାରରୁ ଅଧିକ ଲୋକଙ୍କ ଭିଡ଼ ଜମିଥାଏ। ସେହି ବାହୁଡ଼ା ଯାତ୍ରାର ଆନନ୍ଦ ନେବାକୁ ବଲାଙ୍ଗିର ଜିଲ୍ଲା ବେଲପଡା ବ୍ଳକ ଅନ୍ତର୍ଗତ ଗମ୍ଭାରୀ ଗ୍ରାମ ପଞ୍ଚାୟତ ବୈଜଳସାଗର ଗାଁର ବେଣୁ ବରିହା (୫୫) ସାଇକେଲ ଯୋଗେ ଯାଇଥିଲେ। ବାହୁଡ଼ା ଯାତ୍ରା ଦେଖି ସାରି ସନ୍ଧ୍ୟା ୭ ଟା ସମୟରେ ସାଇକେଲ ଯୋଗେ ଘରକୁ ବାହୁଡ଼ି ଆସୁଥିବା ବେଳେ ଖପ୍ରାଖୋଲ ପଟରୁ ଯାଉଥିବା ଏକ ପିକ ଅପ ଭ୍ୟାନ (ଓଡି୦୩-ଭି୩୪୬୦)ଗାଡ଼ି ଦ୍ରୁତ ଗତିରେ ଯାଇ ବେଣୁ 

ବରିହଙ୍କୁ ପିଟି ଦେଇଥିଲା । ଘଟଣାସ୍ଥଳରେ ହିଁ ବେଣୁ ଆଖି ବୁଜି ଦେଇଥିବା ବେଳେ ଉକ୍ତ ଗାଡ଼ିକୁ ଅଞ୍ଚଳର ଲୋକମାନେ କାବୁ କରି ଖପ୍ରାଖୋଲ ପୋଲିସରେ ଜମା ଦେଇଛନ୍ତି। ଉକ୍ତ ଗାଡ଼ିର ଡ୍ରାଇଭର ହେଲପରକୁ ଖପ୍ରାଖୋଲ ଥାନାରେ ଅଟକ ରଖାଯାଇଛି ଏବଂ ବେଣୁ ବରିହାଙ୍କ ମୃତଦେହକୁ ମେଡିକାଲ ନିଆଯାଇଛି। ବେଣୁ ଜଣେ ଗରିବ ଶ୍ରମିକ ହୋଇଥିବାରୁ ତାଙ୍କ ତିନି ପୁଅ ଭାଙ୍ଗି ପଡିଛନ୍ତି। ମୃତକଙ୍କ ପରିବାରକୁ କିଛି ସରକାରଙ୍କ ପକ୍ଷରୁ କ୍ଷତିପୂରଣ ଦିଆଯିବା ସହ ଅପରାଧୀ ମାନଙ୍କ  ବିରୁଦ୍ଧରେ ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ଅଞ୍ଚଳବାସୀ ଦାବି କରିଛନ୍ତି ।