19-Jul-2024

ପାଟଣାଗଡ଼ (ପୁର୍ଣ୍ଣ ଶଶୀ ଶେଖର ରାଓ) ଆଜି ବଲାଙ୍ଗିର ଜିଲ୍ଲା ଖପ୍ରାଖୋଲ ଥାନା ଅଞ୍ଚଳରେ ଶେଷ ବାହୁଡ଼ା ରଥଯାତ୍ରା ପାଳନ ହୁଏ ଖପ୍ରାଖୋଲ ଥାନା ଗମ୍ଭାରୀ ପଞ୍ଚାୟତ କ୍ରିନ୍ଦ୍ରିଟାଲ ଗ୍ରାମ ରେ।ସେହି ବାହୁଡ଼ା ଯାତ୍ରା ର ଆନନ୍ଦ ନେବାକୁ ଅଞ୍ଚଳର ହଜାର ରୁ ଅଧିକ ଲୋକଙ୍କ ଭିଡ଼ ଜମିଥାଏ। ସେହି ବାହୁଡ଼ା ଯାତ୍ରା ର ଆନନ୍ଦ ନେବାକୁ ବଲାଙ୍ଗିର ଜିଲ୍ଲା ବେଲପଡା ବ୍ଳକ ଅନ୍ତର୍ଗତ ଗମ୍ଭାରୀ ଗ୍ରାମ ପଞ୍ଚାୟତ ବୈଜଳସାଗର ଗାଁ ର ବେଣୁ ବରିହା (୫୫) ସାଇକେଲ ଯୋଗେ ଯାଇଥିଲେ। ବାହୁଡ଼ା ଯାତ୍ରା ଦେଖି ସାରି ସନ୍ଧ୍ୟା ୭:୦୦ ଟା ସମୟରେ ସାଇକେଲ ଯୋଗେ ଘରକୁ ବାହୁଡ଼ି ଆସୁଥିବା ବେଳେ ଖପ୍ରାଖୋଲ ପଟରୁ ଯାଉଥିବା ଏକ ପିକ ଅପ ଭ୍ୟାନ OD 03 V 3460   ଗାଡ଼ି ଦ୍ରୁତ ଗତିରେ ଯାଇ ବେଣୁ ବରିହା ଙ୍କୁ ପିଟି ଦେଇଥିଲା । ଘଟଣା ସ୍ଥଳରେ ହିଁ ବେଣୁ ଆଖି ବୁଜି ଦେଇଥିବା ବେଳେ ଉକ୍ତ ଗାଡ଼ି କୁ ଅଞ୍ଚଳର ଲୋକମାନେ କାବୁ କରି ଖପ୍ରାଖୋଲ ପୋଲିସ ରେ ଜମା ଦେଇଛନ୍ତି। ଉକ୍ତ ଗାଡ଼ି ର ଡ୍ରାଇଭର ହେଲପର କୁ ଖପ୍ରାଖୋଲ ଥାନା ରେ ଅଟକ ରଖାଯାଇଛି ଏବଂ ବେଣୁ ବରିହା ଙ୍କ ମୃତଦେହ କୁ ମେଡିକାଲ ନିଆଯାଇଛି। ବେଣୁ ଜଣେ ଗରିବ ଶ୍ରମିକ ହୋଇଥିବାରୁ ତାଙ୍କ ତିନି ପୁଅ ଭାଙ୍ଗି ପଡିଛନ୍ତି। ମୃତକଙ୍କ ପରିବାରକୁ କିଛି ସରକାର ଙ୍କ ପକ୍ଷରୁ କ୍ଷତିପୂରଣ ଦିଆଯିବା ସହ ଅପରାଧୀ ମାନଙ୍କୁ ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ଅଞ୍ଚଳବାସୀ ଦାବି କରିଛନ୍ତି ।