24-Jun-2024

ବ୍ରହ୍ମପୁର: ସ୍ଥାନୀୟ ବିଜିପୁର ସ୍ଥିତ ମାଁ କାଳୁଆ ମନ୍ଦିର କଲ୍ୟାଣ ମଣ୍ଡପ ପରିସରରେ ୨୫ନଂ ୱାର୍ଡବାସୀଙ୍କ ତରଫରୁ କେ ଅନିଲ କୁମାରଙ୍କୁ ସମ୍ୱର୍ଦ୍ଧନା ପ୍ରଦାନ କରାଯାଇଛି । ବିଜିପୁର ଅଞ୍ଚଳର ଯୁବ ନେତା ଗାଣା ସ୍ୱାମୀଙ୍କ ନେତୃତ୍ବରେ ବହୁ ସଂଗଠନର କର୍ମକର୍ତ୍ତାଙ୍କ ସମେତ ବିଭିନ୍ନ ସାହିର ସାହି ବାସିନ୍ଦା ଏହି ସମ୍ୱର୍ଦ୍ଧନା କାର୍ଯ୍ୟକ୍ରମରେ ଉପସ୍ଥିତ ରହି ନବନିର୍ବାଚିତ ବିଧାୟକ କେ.ଅନିଲ କୁମାରଙ୍କୁ ସମ୍ୱର୍ଦ୍ଧନା କରିଥିଲେ । ଏହି ଅବସରରେ ଯଶସ୍ୱୀ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ବିକାଶ ଧାରାରେ ବ୍ରହ୍ମପୁରକୁ ସାମିଲ୍ କରିବା ସହ ବ୍ରହ୍ମପୁର ସହରକୁ ଅପରାଧ ମୁକ୍ତ କରିବା ମୁଳ ଲକ୍ଷ ବୋଲି ନବନିର୍ବାଚିତ ବିଧାୟକ କେ.ଅନିଲ କୁମାର କହିଥିଲେ । ଏହା ସହ ବିଜିପୁର ଅଞ୍ଚଳବାସୀ ବିଭିନ୍ନ ସମସ୍ୟା ଉପରେ ବିଧାୟକ କେ.ଅନିଲ କୁମାରଙ୍କୁ ଅବଗତ କରାଇଥିଲେ । ଏହି ସମ୍ୱର୍ଦ୍ଧନା ସଭାରେ ଅନ୍ୟ ମାନଙ୍କ ମଧ୍ୟରେ ଗୋସାଇଁନୂଆଗାଁ ମଣ୍ଡଳ ସଭାପତି କୃଷ୍ଣ ଚନ୍ଦ୍ର ଚୌଧୁରୀ,ବିଜେପିର ବରିଷ୍ଠ ନେତା ତଥା ବ୍ରହ୍ମପୁର ଜୋନ୍ ମିଡ଼ିଆ ସଂଯୋଜକ ସୁନିଲ କୁମାର ସାହୁ,ଜିଲ୍ଲା ସାଧାରଣ ସମ୍ପାଦକ ପ୍ରଭାତ କିରଣ ଷଡ଼ଙ୍ଗୀ,ମଣ୍ଡଳ ଉପସଭାପତି ଏସ୍.ଶ୍ରୀନିବାସ,ରବି ନାରାୟଣ ସାବତ,ସାଧାରଣ ସମ୍ପାଦକ ମନୋଜ ପାଢ଼ୀ,ବରିଷ୍ଠ ଆଇନଜୀବି ପିତବାସ ପଣ୍ଡା,ଲଳିତ ମଙ୍ଗରାଜ,ଅଶୋକ ଶୁକ୍ଳା,ସଞ୍ଜୟ ଜେନା,ପତିତପାବନ ଗନ୍ତାୟତ,ଜିଲ୍ଲା ମହିଳା ମୋର୍ଚ୍ଚା ସାଧାରଣ ସମ୍ପାଦିକା ବର୍ଷା ବିଦ୍ୟୁସ୍ମିତା,ମଣ୍ଡଳ ସମ୍ପାଦକ ଶୀତଲ୍ ଜେନା,ଯୁବମୋର୍ଚ୍ଚା ସଭାପତି ଡ଼ି.ଅନିଲ ରାଓଙ୍କ ସମତେ ବହୁ ଅଂଚଳବାସୀ ଉପସ୍ଥିତ ରହି ନବନିର୍ବାଚିତ ବିଧାୟକ କେ.ଅନିଲ କୁମାରଙ୍କୁ ସମ୍ୱର୍ଦ୍ଧନା ଜ୍ଞାପନ କରିଥିଲେ l (ଦିଗପହଣ୍ଡି ରୁ ରବି କୁମାର ଶର୍ମାଙ୍କ ରିପୋର୍ଟ )