15-Jun-2024

ମନମୁଣ୍ଡା (ପ୍ରେରଣା ଖବର ): ଚଳିତ ବର୍ଷ ମନମୁଣ୍ଡାର ରଥଯାତ୍ରାକୁ ଖୁବ୍ ଧୁମଧାମ୍ ରେ ପାଳନ କରିବା ପାଇଁ ଆଜି ମନମୁଣ୍ଡା ସରପଞ୍ଚ  ରଞ୍ଜୁ ବେହେରାଙ୍କ ସଭାପତିତ୍ୱରେ ଏକ ପ୍ରସ୍ଥୁତି ବୈଠକ ଅନୁଷ୍ଠିତ ହୋଇଯାଇଅଛି l ମନମୁଣ୍ଡା ଗ୍ରାମ ପଞ୍ଚାୟତର ସଭାଗୃହ ଠାରେ ଅନୁଷ୍ଠିତ ବୈଠକରେ ରଥଯାତ୍ରା ପରିଚାଳନା କମିଟି,  ଦଧିବାମନ ମନ୍ଦିର ପରିଚାଳନା କମିଟି ଓ ମାଉସୀ ମା (ଭାଗବତ ମନ୍ଦିର ) ମନ୍ଦିର ପରିଚାଳନା କମିଟି ର ସଦସ୍ୟ ବୃନ୍ଦ ଯୋଗଦେଇ ଆଲୋଚନାରେ ଅଂଶଗ୍ରହଣ କରିଥିଲେ l ବୈଠକରେ ରଥଯାତ୍ରା ପରିଚାଳନା କମିଟିର ସମ୍ପାଦକ ଗଣେଶ ତ୍ରିପାଠୀ ଙ୍କ ଦ୍ୱାରା ଗତବର୍ଷ ରଥଯାତ୍ରା ସମୟର ଆୟବ୍ୟୟର ହିସାବ ପଠନ କରାଯାଇଥିଲା l କମିଟି ତରଫରୁ ପୁରୁଣା ରଥ ର ସ୍ଥିତି ଅନୁଧ୍ୟାନ ପୂର୍ବକ ରଥ, ଶ୍ରୀ ଜୀଉଙ୍କ ଅଳଙ୍କାର ଓ ସୁଦର୍ଶନଚକ୍ରର ମରାମତି ପାଇଁ ଆଲୋଚନା କରାଯାଇ ନିଷ୍ପତି ଗ୍ରହଣ କରାଥିଲା ଓ ରଥଯାତ୍ରା ପୂର୍ବରୁ ମନ୍ଦିର ଚତୁଃପାର୍ଶ୍ଵ ଓ ରଥ ଖଳା ରାସ୍ତାର ସଫେଇ କାର୍ଯ୍ୟ ସମ୍ପୂର୍ଣ୍ଣ କରିବା ପାଇଁ ଆଲୋଚନା କରାଯାଇଥିଲା ପୁଣି ମନମୁଣ୍ଡା ସ୍ଥିତ ଶ୍ରୀ ଶ୍ରୀ ଦଧିବାମନ ମନ୍ଦିରଟି ବୌଦ୍ଧ ଦେବୋତ୍ତରଙ୍କ ଅନ୍ତର୍ଗତ ହୋଇଥିଲେ ମଧ୍ୟ୍ୟ ମନ୍ଦିରର ନୀତିକାନ୍ତି ପାଇଁ ବର୍ଷ ବର୍ଷ ଧରି ଅନୁଦାନ ନ ଯୋଗାଇ କେବଳ ବୌଦ୍ଧ ଜଗନ୍ନାଥ ମନ୍ଦିରକୁ ଅନୁଦାନ ଯୋଗାଇଦେଇ ଉକ୍ତ ମନ୍ଦିରକୁ ଜିଲ୍ଲା ପ୍ରଶାସନ ତଥା ଦେବୋତ୍ତର ବିଭାଗ ଅଣଦେଖା କରୁଥିବାରୁ ବୈଠକରେ କ୍ଷୋଭ ପ୍ରକାଶ ପାଇବା ସହିତ ଚଳିତ ବର୍ଷ ଠାରୁ ପ୍ରତି ବର୍ଷ ଅନୁଦାନ ଯୋଗାଇ ଦେବାକୁ ଅନୁରୋଧ କରାଯାଇଥିଲା l 
        ଏହି ବୈଠକରେ ଶ୍ରୀ ଶ୍ରୀ ଦଧିବାମନ ମନ୍ଦିର ପରିଚାଳନା କମିଟି ତରଫରୁ ସଭାପତି ବିପ୍ର ଚନ୍ଦ୍ର ବେହେରା, ସମ୍ପାଦକ ଗଣେଶ ଲୋଇ, କୋଷାଧକ୍ଷ ନରେନ୍ଦ୍ର ମେହେର ସଭ୍ୟ ତଥା ପ୍ରାଧ୍ୟାପକ ନିରଞ୍ଜନ ହୋତା, ଅବସରପ୍ରାପ୍ତ ପ୍ରଧାନ ଶିକ୍ଷକ ବିଜୟ କୁମାର ତ୍ରିପାଠୀ, ଚନ୍ଦ୍ରଶେଖର ମେହେର ମାଉସୀ ମା ମନ୍ଦିର ତରଫରୁ ନାରାୟଣ ମେହେର, ଭୁବନ ମେହେର, ପ୍ରଭାତ ମେହେର ରଥଯାତ୍ରା ପରିଚାଳନା କମିଟି ତରଫରୁ ସରପଞ୍ଚ ତଥା ସଭାନେତ୍ରୀ ରଞ୍ଜୁ ବେହେରା, ଉପସଭାନେତ୍ରୀ ତନୁପ୍ରିୟା ସେନାପତି, ସମାଜସେବୀ ଜାନୀ ସେନାପତି ଓ ସମାଜସେବୀ ସମ୍ବିତ ନନ୍ଦ ପ୍ରମୁଖ ଉପସ୍ଥିତ ଥିଲେ l