09-Jun-2024

ବଲାଙ୍ଗିର (ଚିତ୍ରସେନ ବେହେରା ): ଆମେ ଗୋଟିଏ ବହୁତ ବଢିଆ ନିର୍ବାଚନ ଲଢ଼ିଛୁ l ଦୀର୍ଘ ଏକ ମାସ ଧରି କଠିନ ପରିଶ୍ରମ କରିଛୁ l ଆମେ ଯେଉଁଟା ଚାହୁଁ ଥିଲୁ ତାହା ହୋଇ ପାରିଲା ନାହିଁ l ତଥାପି ଆମର ସମସ୍ତ ଭୋଟର ଭାଇ ଭଉଣୀ ମାନେ ଆମକୁ ସମର୍ଥନ କରିଥିବାରୁ ଧନ୍ୟବାଦ ଜ୍ଞାପନ କରୁଛୁ l ଆମେ ହାର୍ ଜିତ୍ ସବୁ ଦେଖିଛୁ l ଆମେ ପରାଜୟକୁ ସ୍ଵୀକାର କରୁଛୁ କିନ୍ତୁ ଆାଗାମୀ ଦିନରେ ଲୋକଙ୍କ ବିଶ୍ବାସଭlଜନ ହେବା ପାଇଁ ଆମେ ନିଜକୁ ଆତ୍ମସମୀକ୍ଷା କରିବୁ l
ଆଜି ସ୍ଥାନୀୟ ସାମ୍ବାଦିକ ଭବନ ଠାରେ ଅନୁଷ୍ଠିତ ଏକ ସାମ୍ବାଦିକ ସମ୍ମିଳନୀରେ ଏହା କହିଛନ୍ତି ଚଳିତ ବିଧାନସଭା ନିର୍ବାଚନରେ  କଂଗ୍ରେସ ଦଳରୁ ବଲାଙ୍ଗିର ବିଧାୟକ ପ୍ରାର୍ଥୀ ହୋଇଥିବl ଯୁବ ନେତା ସମରେନ୍ଦ୍ର ମିଶ୍ର l ଚଳିତ ନିର୍ବାଚନରେ କଂଗ୍ରେସର ସମସ୍ତ କର୍ମକର୍ତ୍ତା ନିର୍ବାଚନ ପ୍ରଚାରରେ ସହଯୋଗ କରିଥିବାରୁ ସମସ୍ତଙ୍କୁ ନିଜର ଆଭାର ପ୍ରକଟ କରୁଛନ୍ତି l ଆଗକୁ ବଲାଙ୍ଗିରର ବିକାଶ ପାଇଁ  ପୂର୍ବପରି ନିଜର କାର୍ଯ୍ୟକ୍ରମ ଜାରି ରହିବ ଓ ଗୋଟିଏ ବିରୋଧୀ ଦଳ ଭlବରେ ସରକାରୀ ଦଳ ଲୋକଙ୍କ ପାଇଁ କେଉଁ କେଉଁ କାମ କରିଛନ୍ତି ସେ ବାବଦରେ ଆମେ ପ୍ରଶ୍ନ କରିବୁ ବୋଲି ସମରେନ୍ଦ୍ର ମିଶ୍ର ଦୃଢୋକ୍ତି ପ୍ରକାଶ କରିଛନ୍ତି l ଆଜିର ସାମ୍ବାଦିକ ସମ୍ମିଳନୀରେ କଂଗ୍ରେସ ନେତା ବୁଲୁ ଦାନୀ, ସନ୍ତକ ବହିଦାର, ମନୀଷ ମିଶ୍ର, ଅଜୟ ବାଲି, ଅଙ୍କିତ ସାହୁ , ନାସିର ଖାଁ ପ୍ରମୁଖ ଉପସ୍ଥିତ ଥିଲେ l