06-Jun-2024

ବଲାଙ୍ଗୀର(ମହେନ୍ଦ୍ର ଦର୍ଜି ଙ୍କ ରିପୋର୍ଟ): ସାବିତ୍ରୀ ବ୍ରତ ସକାଶେ ଗ୍ରାମାଞ୍ଚଳରୁ ଅନେକ ବ୍ୟବସାୟୀ ବ୍ରତ ସାମଗ୍ରୀ ଆଣି ଦୈନିକ ବଜାରର ରାସ୍ତା ଉପରେ ତାଙ୍କ ପସରା ବସାଇଥିଲେ । ଫଳସା ପତ୍ରରେ ନିର୍ମିତ ଠୋଲା, ଅନେକ ପ୍ରକାରର ଜଂଗଲୀ ଫଳ ମୂଳ, ଆମ୍ବ, ପଣସ, ସପୁରୀ ପଣସ,କଦଳୀ,ସେଓ ସହ ୨୧ ପ୍ରକାରର ଫଳ ଏହି ରାସ୍ତା ଉପର ବଜାରରେ ବିକ୍ରି ହେଉଥିଲା।ଲୋକଙ୍କ ଭିଡ଼ ଲାଗି ରହିଥିଲା।ସାବିତ୍ରୀ ବ୍ରତ ସକାଳ ପର୍ଯ୍ୟନ୍ତ ଚାହିଦା ଥିବା ସାମଗ୍ରୀର ବିକ୍ରି ପରେ ଅଲୋଡ଼ା ସାମଗ୍ରୀକୁ ଗ୍ରାମାଞ୍ଚଳ ବ୍ୟବସାୟୀ ମାନେ ମୁଖ୍ୟ ରାସ୍ତା ଉପରେ ଫୋପାଡି ଚାଲି ଯାଇଥିଲେ।ମୁଖ୍ୟ ରାସ୍ତା ଆବର୍ଜନା ପୂର୍ଣ୍ଣ ହୋଇଥିବା ବେଳେ ବୁଲା ଗାଈ ମାନଙ୍କ ପାଇଁ ଭୂସ୍ବର୍ଗ ପାଲଟି ଯାଇଛି। ବୁଲା ଷଣ୍ଢ ମାନଙ୍କ ର ଲଢେଇ ଯୋଗୁ ରାସ୍ତାରେ ଯିବା କଷ୍ଟକର ହେଉଛି।ବଲାଙ୍ଗୀର ମ୍ୟୁନିସପାଲିଟିର ରଜସ୍ୱଖୋର୍ ମନୋଭାବ ଯୋଗୁଁ ବ୍ୟବସାୟୀ ମାନେ ରାସ୍ତା ମଝି କୁ ନିଜର ସମ୍ପତ୍ତି ଭାବି ଏଭଳି ବ୍ୟବହାର କରୁଥିବା ପରିଲକ୍ଷିତ ହୁଏ।ଯାହାର ପରିଣାମ ଆଜି ମୁଖ୍ୟ ରାସ୍ତା ଅବର୍ଜନମୟ ହୋଇଛି।ବଲାଙ୍ଗୀର ମ୍ୟୁନିସପାଲିଟି ଦୃଷ୍ଟି ଦେଲେ ମୁଖ୍ୟ ରାସ୍ତା ଅବର୍ଜନମୁକ୍ତ ହେବ।