05-Jun-2024

କଣ୍ଟାମାଳ(ଜୟ କୁମାର ମହାରଣାଙ୍କ ରିପୋର୍ଟ): ବୌଦ୍ଧ ଜିଲ୍ଲା ବିରନରସିଂହପୁରସ୍ଥିତ ବନବିହାରଠାରେ ବିଶ୍ୱ ପରିବେଶ ଦିବସ ପାଳିତ ହୋଇ ଯାଇଛି l ଖଣ୍ଡିୟ ବନାଧିକାରୀ ଶ୍ରୀଯୁକ୍ତ ଦେବାପ୍ରିୟ କମ୍ପଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି ଉତ୍ସବରେ ଅନ୍ୟତମ ଅତିଥିଭାବେ ସହକାରୀ ବନ ସଂରକ୍ଷକ ମିନାକ୍ଷୀ କୁମୁରା, ଆଶିଷ କୁମାର କହଁର, ପ୍ରାଣୀ ଚିକିତ୍ସକ ପ୍ରିୟବ୍ରତ ବେହେରା, ପରିବେଶପ୍ରେମୀ ଦିବ୍ୟଶଙ୍କର ରାଉତ, ଅନନ୍ତ ଚରଣ ଖେତି iପ୍ରମୁଖ ଯୋଗ ଦେଇ ବର୍ତ୍ତମାନର ପରିବେଶକୁ ଲକ୍ଷ୍ୟକରି ଆମେ ପରିବେଶକୁ ସନ୍ତୁଳିତ କରିବାକୁ ହେଲେ ବୃକ୍ଷରୋପଣ କରିବା ଉପରେ ଗୁରୁତ୍ୱ ପ୍ରଦାନ କରିଥିଲେ l ଅଗ୍ନି ବର୍ଷା ପରିସ୍ଥିତର ମୁକାବିଲା ପାଇଁ ସାମୁହିକ ବୃକ୍ଷ ରୋପଣ କରିବା ଏଥି ପାଇଁ ଜନ ସାଧାରଣଙ୍କ ମଧ୍ୟରେ ବ୍ୟାପକ ସଚେତନତାର ଜରୁରୀ ଆବଶ୍ୟକତା ରହିଛି ବୋଲି ବକ୍ତା ମାନେ ମତ ବ୍ୟକ୍ତ କରିଥିଲେ l ଏହି ଅବସରରେ ପରିବେଶ ସୁରକ୍ଷା ଦିଗରେ ଉଲ୍ଲେଖନୀୟ କାର୍ଯ୍ୟ ପାଇଁ ପ୍ରକୃତିପ୍ରେମୀ ଅନନ୍ତ ଚରଣ ଖେତି, ଉମେଶ ଚନ୍ଦ୍ର ବେହେରା, ଶୁଶାନ୍ତ କୁମାର ଭୋକ୍ତା, ମନୋଜ କୁମାର ବାଘ, କର୍ଣ୍ଣ ସାହୁ, ଶଙ୍କର୍ଷଣ ସାହୁ, ପ୍ରମୋଦ ଯାନୀ,ସୁମନ୍ତ ବାଘ, ଲଷ୍ମୀଧର, ବିପିନ ପ୍ରଧାନ, ବିକାଶ ପ୍ରଧାନ, ଉଦ୍ଧବ କଲତା, ଶ୍ରବଣ ପ୍ରଧାନ, ଭି ଏସ ଏସ ସିନ୍ଦୁରପୁର, ସମାଜସେବୀ ସୁଦର୍ଶନ ବଘାର, ଲଷ୍ମଣ ରଣା ଏବଂ ବିଭାଗର ଏମ. ପ୍ରସାଦ ରାଓ,ସତ୍ୟାନନ୍ଦ ପ୍ରଧାନଙ୍କୁ ସମ୍ବର୍ଦ୍ଧନା କରାଯାଇ ଥିଲା l