10-May-2024

ବଲାଙ୍ଗୀର(ପ୍ରେରଣା ଖବର ): ଲମ୍ବା ସମୟ ରାଜ୍ୟରେ ଗୋଟିଏ ଦଳ ସରକାରରେ ରହିଥିବାରୁ ରାଜ୍ୟ ଶାସନରେ ଏକଛତ୍ରବାଦ ଓ ମନୋମୁଖୀ ମନୋବୃତି ଜଳଜଳ ହୋଇ ଦିଶୁଛି l ଲୋକଙ୍କ ମତକୁ ନେଇ ଵିକାଶର ରୂପରେଖ ପ୍ରସ୍ତୁତ ହେବା ବଦଳରେ କିଛି ମୁଷ୍ଟିମେୟ ଅଧିକାରୀ ଶାସନତନ୍ତ୍ରକୁ ଜାବୁଡି ଧରିଛନ୍ତି, ଫଳରେ ଲୋକତନ୍ତ୍ର ଦୁର୍ବଳ ହୋଇ ସମାଜର ଶେଷ ଧାଡ଼ିର ଲୋକଙ୍କ ସାମାଜିକ, ଆର୍ଥିକ ବ୍ୟବସ୍ଥା ଅସୁରକ୍ଷିତ ହୋଇପଡିଛି l ଆପଣ ମାନେ ଜାଣିବା ଦରକାର କଂଗ୍ରେସ ସରକାର ହିଁ ଆର୍ଥିକ ଅନାଗ୍ରସର ଲୋକଙ୍କ ପାଈଁ ଜାତୀୟ ଖାଦ୍ୟ ସୁରକ୍ଷା ଆଇନ, ମନରେଗା,  ଶିକ୍ଷା ଅଧିକାର 
 ଆଇନ ପରି ଗରିବ କଲ୍ୟାଣକାରୀ ଯୋଜନା ଆଣିଛି l ତେଣୁ ଲୋକଙ୍କୁ ମୋର ଅନୁରୋଧ ଆପଣ ମାନେ ଏହିଥର ଉଭୟ ସାଂସଦ ଓ ବିଧାୟକ ପ୍ରାର୍ଥୀଙ୍କୁ ହାତ ଚି଼ହ୍ନରେ ବିପୁଳ ପରିମାଣ ରେ ଭୋଟ ଦେଇ ବିଜୟୀ କରନ୍ତୁ, ଆମେ ଗେରେଣ୍ଟି ଦେଉଛୁ ଆପଣ ମାନଙ୍କ ସାମାଜିକ, ଆର୍ଥିକ ସୁରକ୍ଷାକୁ ନିଶ୍ଚିତ କରିବା ଆମର ପ୍ରଥମ ଲକ୍ଷ ହେବା ବୋଲି ଆଜି ଦେଓଗାଁ ବ୍ଲକ ଅନ୍ତର୍ଗତ ସିକୁଆଁ, କୁତୁର୍ଲା ଏବଂ ଅର୍ଡl ଠାରେ ଅନୁଷ୍ଠିତ ଜନ ଆଶୀର୍ବାଦ ସଭାରେ କଂଗ୍ରେସ ବିଧାୟକ ଦଳ ପ୍ରାର୍ଥୀ ସମରେନ୍ଦ୍ର ମିଶ୍ର ନିଜ ବକ୍ତବ୍ୟ ରେ କହିଛନ୍ତି l 

    ସରପଞ୍ଚ ରାଜକୁମାର ଭୋଇଙ୍କ ସଭାପତିତ୍ୱରେ ଅନୁଷ୍ଠିତ ଏହି ସଭା ରେ ସମରେନ୍ଦ୍ର ଆହୁରି ମଧ୍ୟ କହିଥିଲେ ଯେ ସିଂହଦେଓ ସାଜ୍ଞାଧାରୀ ଆମ ପ୍ରତିଦ୍ବନ୍ଦୀ ମାନେ ବହୁତ ସମୟ ଧରି ଆମ ଲୋକଙ୍କ ଭୋଟ ପାଇ ବିଭିନ୍ନ ପଦ ପଦବୀରେ ରହି ଆମ ଲୋକଙ୍କୁ ଠକିଛନ୍ତି, ଲୋକଙ୍କ କୌଣସି ବି ଅଭାବ ଅସୁବିଧା କି ଅଭିଯୋଗ ଶୁଣି ନାହାନ୍ତି କାରଣ ଏମାନେ ନିର୍ବାଚନ ଜିତିଗଲେ ବଲାଙ୍ଗୀରରେ ନ ରହି ଡେରାଡୁନ ରେ ରହନ୍ତି l ତେଣୁ ଲୋକେ ଏପରି ପରଦେଶିଆ ନେତାଙ୍କୁ ଏହି ନିର୍ବାଚନରେ ପ୍ରତ୍ୟାଖାନ କରନ୍ତୁ ବୋଲି ସମରେନ୍ଦ୍ର ମିଶ୍ର କହିଛନ୍ତି l ଏହି ନିର୍ବାଚନୀ ସଭାରେ ବିଧାୟକ ଶ୍ରୀ ମିଶ୍ର କହିଥିଲେ ଯେ ଯଦି କଂଗ୍ରେସ ସରକାର କୁ ଆସେ ତେବେ ଗୃହ ଜ୍ୟୋତି ଯୋଜନା ରେ ଘରୋଇ ଉପଭୋକ୍ତା ଙ୍କ ପାଇଁ ୨୦୦ ୟୁନିଟ ବିଦ୍ୟୁତ ଦେୟ  ମାଗଣା ,ଯୁବ ବିକାଶ ଯୋଜନା ରେ ପ୍ରତ୍ୟେକ ବର୍ଷ ୫ ଲକ୍ଷ ଯୁବକ ଯୁବତୀ ଙ୍କ ପାଇଁ ନିଯୁକ୍ତି ବ୍ୟବସ୍ଥା ବେକାରୀ ଭତ୍ତା ମାସିକ ତିନିଭାଜର,କୃଷକ ମାନକ ପାଇଁ ବନସ ସହ ଧାନ ର  ମୂଲ୍ୟ କୁଇଣ୍ଟାଲ ପ୍ରତି ୩୦୦୦ ତାଙ୍କ,କୃଷି ରୁଆ ଛାଡ଼,କୃଷକମାନଙ୍କ ପାଇଁ ମାସିକ ୨୦୦୦ ଟଙ୍କା ପେନସନ ବ୍ୟବସ୍ଥା,ଗୃହ ଲଷ୍ମୀ ଯୋଜନା ରେ  ମହିଳା ସ୍ୱୟଂ ସହାୟକ ଗୋଷ୍ଠି ଙ୍କ ବ୍ୟାଙ୍କ ଋଣ ମହିଳା ଙ୍କୁ ମାସିକ ୨୦୦୦ ଟଙ୍କା ଭତ୍ତା,ଆଦିବାସୀ ଓ ଦଳିତ ମହିଳା ଙ୍କୁ ମାସିକ ୩୦୦୦ ଟଙ୍କା ୫୦୦ଟଙ୍କା ରେ ଗ୍ୟାସ ସିଲିଣ୍ଡର ର ବ୍ୟବସ୍ଥା ସହ ୨୫ ଲକ୍ଷ ସ୍ଵାସ୍ଥ୍ୟ ବୀମା ମାଧ୍ୟମରେ  ମାଗଣା ଚିକିତ୍ସା,ବାର୍ଦ୍ଧକ୍ୟ ବିଧବା ଓ ବିକଳାଙ୍ଗ ଭତ୍ତା ମାସିକ ୨୦୦୦ ଟଙ୍କା ଚିଟଫଣ୍ଡ କ୍ଷତିଗ୍ରସ୍ତ ଙ୍କୁ ଛଅ ମାସ ମଧ୍ୟରେ ସୁଧ ସହ ଟଙ୍କା ଫେରସ୍ତ,ଶିକ୍ଷା ଓ ଚାକିରୀ କ୍ଷେତ୍ର ରେ ପଛୁଆ ବର୍ଗ ଙ୍କ ପାଇଁ ୨୭% ସଂରକ୍ଷଣ ବ୍ୟବସ୍ଥା,ଆଦିବାସୀ ଓ ଦଳିତ ଙ୍କ ନିଜ ଜମି ଓ ଜଙ୍ଗଲ ଉପରେ ସମ୍ପୂର୍ଣ୍ଣ ଅଧିକାର ଏବଂ ୧୦୦ ଦିନ ଭିତରେ ପେଶା ଆଇନ କୁ କଡାକଡି ଭାବରେ ଲାଗୁ କରାଯିବ ବୋଲି ବିଧାୟକ ଶ୍ରୀ ମିଶ୍ର ଉପସ୍ଥିତ ଜନସାଧାରଣ ଙ୍କୁ ନିଜ ବକ୍ତବ୍ୟ ରେ କହିଥିଲେ l