03-Mar-2024

ବଲାଙ୍ଗିର (ଚିତ୍ରସେନ ବେହେରା): ଆଜି ଜାତୀୟ ପୋଲିଓ ଦିବସ ଉପଲକ୍ଷେ ବଲାଙ୍ଗିର ସହରର ଶାସ୍ତ୍ରୀ ନଗର ସହରାଞ୍ଚଳ ପ୍ରାଥମିକ ସ୍ୱାସ୍ଥ୍ୟ କେନ୍ଦ୍ର ଠାରେ ଜିଲ୍ଲାସ୍ତରୀୟ ପୋଲିଓ ଟୀକାକରଣ ଅଭିଯାନର ଶୁଭାରମ୍ଭ ହୋଇଯାଇଛି । ଉକ୍ତ ଅଭିଯାନର ଶୁଭାରମ୍ଭ ଅବସରରେ ବଲାଙ୍ଗିର ଜିଲ୍ଲା ମୁଖ୍ୟ ଚିକିତ୍ସା ଅଧିକାରୀ ଡା. କୁବେର ଚନ୍ଦ୍ର ମହାନ୍ତ ଉପସ୍ଥିତ ଶିଶୁ (୦ ରୁ ୫ ବର୍ଷ ) ମାନଙ୍କୁ ପୋଲିଓ ବୁନ୍ଦା ଖୁଆଇ ପୋଲିଓ ଅଭିଯାନ କୁ ଶୁଭ ଉଦଘାଟନ କରିଥିଲେ ।

ଏଥିରେ ଜିଲ୍ଲା ସ୍ୱାସ୍ଥ୍ୟ ଅଧିକାରୀ ଡ. ଦିବ୍ୟ କିଶୋର ପତି , ଅତିରିକ୍ତ ଜିଲ୍ଲା ସ୍ୱାସ୍ଥ୍ୟ ଅଧିକାରୀ ଡ଼. ଶୁଧା ବ।ର୍ଲା , ଡ଼. ଶ୍ୟାମ ସୁନ୍ଦର ଆଡାନ  (SMO) ଡ଼. ରାକେଶ ରଞ୍ଜନ ମୁଣ୍ଡ (ମେଡିକାଲ ଅଫିସର , ସହରାଞ୍ଚଳ ସ୍ୱାସ୍ଥ୍ୟ କେନ୍ଦ୍ର , ଶାସ୍ତ୍ରୀ  ନଗର), ଗୁରୁଦେବ କୁମ୍ଭାର (DM RCH), ଏ ପି ଏମ୍ ରାମାନୁଜ ପଣ୍ଡା , ପିଟରସନ ଭୋଇ (RUCCM), ଆଇ ସି ଏ ସୁଦାମ ପ୍ରଧାନ ତଥା ସହରାଞ୍ଚଳ ପ୍ରାଥମିକ ସ୍ୱାସ୍ଥ୍ୟ କେନ୍ଦ୍ରର ନିର୍ଦ୍ଦେଶକ ସତ୍ୟ ରଞ୍ଜନ ମିଶ୍ର ଓ ଚେୟାରମ୍ୟାନ ରବି ରଞ୍ଜନ ପୂଜାରୀ ଉପସ୍ଥିତ  ଥିଲେ l ସ୍ୱାସ୍ଥ୍ୟ କେନ୍ଦ୍ର ସଭ୍ୟ ସଭ୍ୟା ତଥା  ସ୍ୱାସ୍ଥ୍ୟ କର୍ମୀ ପିଙ୍କି ସାହୁ ଙ୍କ ତତ୍ତ୍ୱବଧାନ ରେ ପୋଲିଓ କାର୍ଯ୍ୟକ୍ରମକୁ ସୂଚାରୁ ରୂପେ ପରିଚାଳନା ହୋଇଥିଲା l

 ଉପରୋକ୍ତ କାର୍ଯ୍ୟକ୍ରମ  ୩ ମାର୍ଚ ଠାରୁ ୫ ମାର୍ଚ ତିନି ଦିନ ଧରି  ସକ।ଳ ୮ ଘଣ୍ଟାରୁ ଅପରାହ୍ନ ୪ ଘଣ୍ଟା  ପର୍ଯ୍ୟନ୍ତ

ଚାଲୁରହିବ ।  ଚଳିତ ବର୍ଷ ପୋଲିଓ ଟୀକାକରଣ ଅଭିଯାନ ମାଧ୍ୟମରେ ୫ବର୍ଷ ରୁ କମ ବୟସର ସର୍ବମୋଟ    ୧,୩୧,୫୦୯ ଶିଶୁ ଙ୍କୁ ୧,୪୧୬ ବୁଥ ମାଧ୍ୟମରେ ଟୀକାଦାନ କରାଯିବ । ତ।‘ ସହ ୨,୮୩୪ ଟିମ ସହାୟତାରେ ୪,୬୭,୩୫୩ ଘରକୁ ଘର ବୁଲି ବୁଲି  ଟିକାକରଣ କରିବାର ବ୍ୟବସ୍ଥା କରାଯାଇଛି ।  ଏହା ସହ ୪୧ ଟି ଟ୍ରାନଜିଟ  ଟିମ , ୧୩ ଟି ଭ୍ରାମ୍ୟମାଣ ଟିମ ର ବ୍ୟବସ୍ଥା କରାଯାଇଛି ।  

ଏହି କାର୍ଯ୍ୟକ୍ରମକୁ ସୂଚାରୁ ରୂପେ ସମ୍ପନ୍ନ କରିବା ପାଇଁ ୧୬୩ ଜଣ ନିରୀକ୍ଷକଙ୍କ ବ୍ୟବସ୍ଥା  କରାଯାଇଛି । ସର୍ବମୋଟ ୩୧୦୮ ଜଣ ସ୍ୱାସ୍ଥ୍ୟ କର୍ମୀ ତଥା ସ୍ଵେଚ୍ଛାସେବୀଙ୍କ ସହଯୋଗରେ କାର୍ଯ୍ୟକ୍ରମକୁ ସଫଳ କରାଯିବ ବୋଲି ଜିଲ୍ଲା ମୁଖ୍ୟ ସ୍ୱାସ୍ଥ୍ୟ ଅଧିକାରୀ ଡ଼ା ମହାନ୍ତ ଜଣାଇଛନ୍ତି ।