23-Dec-2023

ଖପ୍ରାଖୋଲ (ବେଦବର ଛାତ୍ରୀଆ): ବଲାଙ୍ଗୀର ଜିଲ୍ଲା ଖପ୍ରାଖୋଲ ବ୍ଲକ  ଲହଡୁଙ୍ଗୁରୀ ମାଁ ତାରିଣୀ କ୍ରିକେଟ ଖେଳ ପଡ଼ିଆରେ ପ୍ରଥମ ବର୍ଷ କ୍ରିକେଟ ଟୁର୍ଣ୍ଣାମେଣ୍ଟ ଆୟୋଜିତ ହୋଇଥିଲା।ଏହି ଖେଳ ରେ ୧୬ ଟି ଦଳ ଭାଗ ନେଇଥିଲେ। ବହୁତ ସୁନ୍ଦର ଭାବେ ୪ଦିନ ଧରି ଏହି ମ୍ୟାଚ୍ ଚାଲିଥିଲା। ଝୁଲେନବର ଏବଂ କଂସାପଲା ଉଭୟ ଟିମ୍ ମଧ୍ୟରେ ଫାଇନାଲ ମ୍ୟାଚ ହୋଇଥିଲା। ଦୁଇ ଟିମ୍ ବହୁତ ସୁନ୍ଦର ଭାବେ ଖେଳିଥିଲେ ଓ କଂସାପଲା ଟିମ ବିଜୟ ହାସଲ କରିଥିଲେ।ଦର୍ଶକ ମାନେ ବହୁତ ମାତ୍ରାରେ ଉପସ୍ଥିତ ରହି ଖେଳର ମଜା ନେଉଥିଲେ। ଖେଳ ପରିସମାପ୍ତି ପରେ ଉଭୟ ଦଳକୁ ପୁରସ୍କୃତ କରାଯାଇଥିଲା। ଏହି ଅବସରରେ ଯୁବ ସାମ୍ବାଦିକ ତଥା ସମାଜସେବୀ ବେଦବର ଛତ୍ରିଆ ଉପସ୍ଥିତ ରହି ଖେଳାଳୀ ମାନଙ୍କୁ ତାଙ୍କର ପୁରସ୍କୃତ ରାଶି ପ୍ରଦାନ କରିଥିଲେ। କ୍ରିକେଟ କମିଟିର ମନୋଜ ଭୋଇ,ରଞ୍ଜିତ ନାଗ,ପ୍ରଦୀପ ନାଗ, ନିରୋଜ ଭୋଇ, ଦିଲୀପ, ପିତାମ୍ବର ଭୋଇ, କାହ୍ନା, ଦଇତାରୀ ଲିଟି, ମୁନ୍ନା, ରାଜୁ ଖମାରୀ ଇନ୍ଦ୍ର ଭୋଇ ସମେତ ସମସ୍ତ କମିଟି ସଦସ୍ୟ ଉପସ୍ଥିତ ରହି ଏହି ଖେଳକୁ ପରିଚାଳିତ କରିଥିଲେ। ଲହଡୁଙ୍ଗୁରୀ ଗ୍ରାମରେ ପ୍ରଥମ ବର୍ଷ ପାଇଁ ଏହି ଟୁର୍ଣ୍ଣାମେଣ୍ଟ ହୋଇଥିଲା। ଆଗକୁ ପ୍ରତ୍ୟେକ ବର୍ଷ ଏଇପରି ବାର୍ଷିକ କ୍ରିକେଟ ଟୁର୍ଣ୍ଣାମେଣ୍ଟ ହେବ ବୋଲି ଟିମ୍ ର ଅଧିନାୟକ କହିଥିଲେ । ପରିଶେଷରେ ଏକ ଖେଳ ପଡିଆ ଲହଡୁଙ୍ଗୁରୀରେ ତିଆରି କରିବା ପାଇଁ ପଞ୍ଚାୟତ କର୍ମୀ ଏବଂ ବ୍ଲକ ପ୍ରଶାସନଙ୍କୁ ସୋସିଆଲ ମିଡିଆ ମାଧ୍ୟମରେ ବେଦବର ଛତ୍ରିଆ ଅନୁରୋଧ କରିଥିଲେ।