16-Dec-2023

ନୂଆପଡ଼ା (ଡୋଲେସ୍ୱର ବାଗ): ନୂଆପଡ଼ା ଜିଲ୍ଲା ସିନାପାଲି ବ୍ଲକ ସିଙ୍ଗଝର ଠାରେ ଚାଲିଥିବା ବୁଢ଼ାରଜା କ୍ରିକେଟ ଟୁର୍ଣାମେଣ୍ଟ ସିଜନ- ୬ ର ରୋମଞ୍ଚକ ଫାଇନାଲ ମ୍ୟାଚରେ ଫୁଲବାଣୀ ଏକାଦଶକୁ ହରାଇ  ଟିଟିଲାଗଡ ଏକାଦଶ ଚମ୍ପିୟାନ ହୋଇଛି। ଫାଇନାଲ ମ୍ୟାଚ ରେ ପ୍ରଥମେ ଫୁଲବାଣୀ ଏକାଦଶ ଟସ୍ ଜିଣି ବ୍ୟାଟିଂ ନିଷ୍ପତି ନେଇ ୧୯.୪ ଓଭରରେ ସମସ୍ତ ୱିକେଟ ହରାଇ ୧୮୧ ରନ ସଂଗ୍ରହ କରିଥିଲା । ଏହାର ଜବାବରେ ଟିଟଲାଗଡ ଏକାଦଶ ନିର୍ଦ୍ଧାରିତ ୨୦ ଓଭରରେ ୯ ୱିକେଟ ହରାଇ ୧୮୪ ରନ ସଂଗ୍ରହ କରି ଚମ୍ପିୟାନ ହୋଇ ଥିଲା। ଶେଷ ବଳରେ ଲକି  ଛକା ମାରି ଟିଟିଲାଗଡ ଏକାଦଶ କୁ ବିଜୟୀ କରାଇଥିଲେ । ଆଜିର ଫାଇନାଲ ମ୍ୟାଚରେ ଟିଟଲାଗଡର ଲକି ମ୍ୟାନ ଅଫ ଦି ମ୍ୟାଚ ବିବେଚିତ ହୋଇ ଥିଲେ। ଟୁର୍ଣାମେଣ୍ଟର ମେନ୍ ଅଫ ଦି ସିରିଜ ଭାବରେ ଫୁଲବାଣୀ ଏକାଦଶ ର ଅମରେଶ୍ୱର  ବିବେଚିତ ହୋଇଥିବା ବେଳେ ବେଷ୍ଟ  ୱିକେଟକିପର ଭାବରେ କେଉଁଝର ଦଳ ର ଅନିଲ, ବେଷ୍ଟ କ୍ୟାପଟେନ ଅଭି , ଡିଶିପ୍ଲିନ ଟିମ ଭାବରେ ଫୁଲବାଣୀ, ବେଷ୍ଟ ସିକ୍ସର  ହର, ବେଷ୍ଟ ଫିଲ୍ଡର ଦୀପକ , ବେଷ୍ଟ ବୋଲର ରାଜା କୁ ପୁରସ୍କାର ପ୍ରଦାନ କରଯାଇଥିଲା ।

ଚମ୍ପିୟାନ ଦଳକୁ ୭୧ ହଜାର ସହିତ ଟ୍ରଫି ଓ ମାନପତ୍ର ଦିଆଯାଇଥିବା ବେଳେ ଉପ ବିଜେତା ଦଳକୁ ୪୧ ହଜାର ପୁରସ୍କାର ରାଶି ସହିତ ଟ୍ରଫି ଓ ମାନପତ୍ର ପ୍ରଦାନ କରାଯାଇଥିଲା । ଆଜିର ଉଦଯାପନୀ ଦିବସ ରେ  ମୁଖ୍ୟ ଅତିଥି ଭାବରେ ଖଡ଼ିଆଳ ବିଧାୟକ ଅଧିରାଜ ମୋହନ ପାଣିଗ୍ରାହି ଯୋଗଦାନ କରିଥିବା ବେଳେ ବିଶିଷ୍ଟ ଅତିଥି ଭାବରେ  ଜିଲ୍ଲାପରିଷଦ ସଦସ୍ୟା ପୁଷ୍ପାଞ୍ଜଳି ଗୁଆଳ , ଖଡିଆଳ ନାଗରପାଳ ଉଜ୍ବଳ ଗୁପ୍ତା, ସିନାପାଲି ବ୍ଲକ ଉପାଧ୍ୟକ୍ଷା ମୀନା ଘିଭେଲା , ଗଣ୍ଡ ସମାଜ ଜିଲ୍ଲା ସଭାପତି ପ୍ରସନ୍ନ ମାଝି , ସତପାଲ ସିଂ ଶଗଡ଼ିଆ , ସିନାପାଲି ସରପଞ୍ଚ ସଙ୍ଘ ସଭାପତି ଖୁଟୁରାମ ସୁନାନୀ, ସିନାପାଲି କଲେଜ ଅଧ୍ୟାପକ ବ୍ରଜମୋହନ ଧାକଡ, ସିଙ୍ଗଝର ସରପଞ୍ଚ କହଁଲ ସିଂ ବାଗ , ସମିତି ସଭ୍ୟ କୌଶଲ୍ୟା ପ୍ରଧାନ, କମିଟି ସଭାପତି ଗୌରୀଶଙ୍କର ମାଝି , ସମ୍ପାଦକ ପ୍ରେମଚାନ୍ଦ ବୈଠାରୁ , ବରିଷ୍ଠ ଶିକ୍ଷାବିତ ଚନ୍ଦ୍ରଭାନୁ କଶ୍ୟପ , ମନିସ ପଟେଲ , ବରିଷ୍ଟ ଶିକ୍ଷକ ରଜନୀ ମାଝି ,ସମାଜସେବୀ ଡଃ. ଅରୀଗଞ୍ଜନ ଯୋଶୀ ,ଭୁବନେଶ୍ୱର ମାଝି , ରମେଶ ଅଗ୍ରୱାଲ ସହିତ ଅନେକ ଅତିଥି ମଞ୍ଚାସିନ ରହିଥିଲେ । ଅତିଥି ମାନଙ୍କୁ ସ୍ଵାଗତ ସମ୍ବର୍ଦ୍ଧନା ଦେବା ସହ ଔପଢୋକନ ପ୍ରଦାନ ପୂର୍ବକ ଏହି ଟୁର୍ଣାମେଣ୍ଟ ଏକ ଅଞ୍ଚଳର ଅନନ୍ୟ ଓ ପରମ୍ପରା ଗତ ବୋଲି ଅଭିହିତ କରିଥିଲେ । ଆଜିର ଦିବସ ରେ ବିଶିଷ୍ଟ ଭାଷ୍ୟକାର ପ୍ରକାଶ ପାତ୍ର ପରିଚାଳନା କରିଥିଲେ ।  ଅତିଥି  ମାନେ ଯୋଗଦାନ କରି ଖେଳାଳୀ ମାନଙ୍କୁ ଉତ୍ସାହିତ କରିବା ସହ ଖେଳାଳୀ ମାନଙ୍କୁ ଭବିଷ୍ୟତ ରେ ଜଣେ ଆଦର୍ଶ ଓ ମହାନ ଖେଳାଳୀ ହେବାପାଇଁ ମାର୍ଗଦର୍ଶନ କରିଥିଲେ। ଆଜିର ଏହି ମ୍ୟାଚ ଦେଖିବା ପାଇଁ ସିନାପାଲି ଅଞ୍ଚଳ ସମେତ ଛତିଶଗଡ଼ ଓ କଳାହାଣ୍ଡି ଅଞ୍ଚଳର ଜନସାଧାରଣ ଙ୍କ ପ୍ରବଳ ଭିଡ଼ ପରିଲକ୍ଷିତ ହୋଇଥିଲା । ଆଜିର ଏହି ମ୍ୟାଚ ରେ ଅମ୍ପାୟାର ଭାବରେ ପୟୋଜ କଶ୍ୟପ, ବସନ୍ତ ଶବର   ଦାୟିତ୍ୱ ନିର୍ବାହ କରିଥିବା ବେଳେ ସ୍କୋରର ଭାବରେ ଚନ୍ଦନ ବୈଠାରୁ ଓ ପ୍ରଦୀପ ନାଏକ ରହିଥିଲେ। ସେହିପରି ବିଜୁ ସେଠୀ, ପ୍ରକାଶ ପାତ୍ର, ଭୀମରାଜ ତାଣ୍ଡି ଧାରାବିବରଣୀ ପ୍ରଦାନ କରିଥିଲେ। ପ୍ରେମ ସିଂ ମାଝି ,  ତିରନ ମାଝି, ଭୂତେଶ୍ୱର ବୈଠାରୁ, କୁମେଶ୍ୱର ମାଝି, ସୁବାସ ବୈଠାରୁ, ଖୁଦୀରାମ ବୈଠାରୁ, ଭୁବନେଶ୍ଵର ବୈଠାରୁ , ଡିଗ୍ରେ ମାଝି, ଭୂତେଶ ବୈଠାରୁ , କ୍ଷୀରୋଦ  ବୈଠାରୁ, ଜଗନ୍ନାଥ ନାଏକ, ମହେନ୍ଦ୍ର  ଅଗ୍ରୱାଲ  ,  କୈଳାସ ବୈଠାରୁ ପ୍ରମୁଖ ସହଯୋଗ କରିଥିଲେ।