16-Dec-2023

(ଡୋଲେସ୍ବର ଵାଗ )
 ନୂଆପଡ଼ା ଜିଲ୍ଲା ବୋଡ଼େନ ବ୍ଲକ ଗୋଷ୍ଠୀ ଶିକ୍ଷା କାର୍ଯ୍ୟାଳୟ ପରିସରରେ ବ୍ଲକ ସ୍ତରୀୟ ଭୀମଭୋଇ ଭିନ୍ନକ୍ଷମ ସାମର୍ଥ୍ୟ ଶିବିର ଅନୁଷ୍ଠିତ ହୋଇଯାଇଛି ।ଜିଲ୍ଲା ପରିଷଦ ଅଧ୍ୟକ୍ଷା ଶ୍ରୀମତୀ ଡଲି ମାଝୀ ମୁଖ୍ୟ ଅତିଥି ରୂପେ ଅଳଙ୍କୃତ ଥିବା ବେଳେ ସମ୍ମାନିତ ଅତିଥି ଭାବେ ବ୍ଲକ ଅଧ୍ୟକ୍ଷା ଶ୍ରୀମତୀ ପ୍ରେମ ଶିଳା ନାଗ,ବି ଡି ଓ ଶ୍ରୀଯୁକ୍ତ ପ୍ରିୟରଞ୍ଜନ କୁମାର ,ଡି ଏସ ଏସ ଓ  ଶ୍ରୀମାନ ଅନନ୍ତ କୁମାର ହେମ୍ବ୍ରମ,ପ୍ରାକୃତିକ ବିପର୍ଯ୍ୟୟ ସଂଘ ଜିଲ୍ଲା ସଭାପତି ଶ୍ରୀମାନ ଅଚ୍ୟୁତା ନନ୍ଦ ସୁନାନି,ସି ଡି ପି ଓ ଶ୍ରୀମତୀ ଶାନ୍ତା ବାରିକ,ବିପର୍ଯ୍ୟୟ ସଂଘ ଜିଲ୍ଲା କୋଷାଧ୍ୟକ୍ଷ ଶ୍ରୀମାନ ଲୋକେଶ ବେହେରା  ମଞ୍ଚାଶିନ ଥିଲେ ।କାର୍ଯ୍ୟକ୍ରମଟିକୁ ସମ୍ପୂର୍ଣ୍ଣ ଭାବରେ ବି ଏସ ଏସ ଓ ଶ୍ରୀମାନ ହିତେଶ କୁମାର ଆଡ଼ବାହି ,ପ୍ରୋଗ୍ରାମ ଆସିଷ୍ଟାଣ୍ଟ ଶ୍ରୀମାନ ଦୁଷ୍ମନ୍ତ ନାଗ,ଜୁନିଅର ଆସିଷ୍ଟାଣ୍ଟ ଲକ୍ଷ୍ମଣ ଦଣ୍ଡସେନା ଏବଂ ଡି ଏସ ଏସ ଓ ଙ୍କ ବ୍ୟକ୍ତିଗତ ସହଯୋଗୀ ରୋହିତ କୁମାର ରଣା ପରିଚାଳନା କରିଥିବା ବେଳେ ଭିନ୍ନକ୍ଷମ ସମିତି ସମ୍ପାଦକ ଦିଲିପ କୁମାର ଷଡଙ୍ଗୀ ଓ ରାଜୁ ପାଣ୍ଡେ ,ସମସ୍ତ ସୁପରଭାଇଯର,ବ୍ଲକ ଷ୍ଟାଫ୍ ଏବଂ କିଛି ଅଙ୍ଗନୱାଡ଼ି କର୍ମୀ ସହଯୋଗ କରିଥିଲେ ।ଭିନ୍ନକ୍ଷମଙ୍କ ଶାରୀରିକ କ୍ଷମତା ପରୀକ୍ଷଣ ପାଇଁ ଡାକ୍ତର ବିପୁଳ ଗର୍ଗ,ଡାକ୍ତର ଲଳିଶ୍ରୀ
ଭୋକ୍ତା,ଡାକ୍ତର ଧନଞ୍ଜୟ ଭୁଏ,ଡାକ୍ତର ଅନୀଲ କୁମାର ନାୟକ,ଡାକ୍ତର ମହେନ୍ଦ୍ର  ମାଝୀ ,ଡାକ୍ତର ଭବାନୀ ଶଙ୍କର ତଥା ସ୍ବାସ୍ଥ୍ୟ କେନ୍ଦ୍ର କର୍ମଚାରୀ ଦୟାନନ୍ଦ ବୁଦ୍ଧିଆ,ଘନଶ୍ୟାମ ସାହୁ ଓ ଦିପ୍ତିଷ ଖୁଣ୍ଟିଆ ଉପସ୍ଥିତ ରହି ସହଯୋଗ କରିଥିବା ଦୃଷ୍ଟିକୁ ଆସିଥିଲା ।ଆଜିକାର ଶିବିରରେ ଅସ୍ଥିଶଲ୍ୟ ନିମିତ୍ତ ୮୧ ଜଣ, ଶ୍ରବଣ ବାଧିତ ୨୮ ଜଣ,ଦୃଷ୍ଟିହୀନ ୨୧ ଜଣ ,ମାନସିକ ବିକୃତି ୧୧ ଜଣ,ସିକିଲ ସେଲ୍ ୦୮ ଜଣ, ବସ୍ ପାସ ପାଇଁ ୦୪ ଜଣ,ଟ୍ରେନ ପାସ ନିମନ୍ତେ ୦୫ ଜଣ ,ବାଣୀଶ୍ରୀ (ଛାତ୍ର ଛାତ୍ରୀଙ୍କ ) ୦୪ ଜଣ ଏବଂ ପେନ୍ସନ୍ ପାଇଁ ୩୦ ଜଣଙ୍କ ନାମ ପଞ୍ଜିକରଣ ହୋଇଅଛି ।ସମୁଦାୟ ୧୯୨ ଜଣ ଭିନ୍ନକ୍ଷମଙ୍କ ପରୀକ୍ଷଣ କରାଯାଇଥିଲା ।ସମସ୍ତ ମଞ୍ଚାଶିନ ଅଧିକାରୀ ନିଜ ବକ୍ତବ୍ୟରେ 
କହୁଥିଲେ କି ସାଧାରଣ ବ୍ୟକ୍ତି ଭୁଲ କରେ କିନ୍ତୁ ଭିନ୍ନକ୍ଷମ ବ୍ୟକ୍ତି ଭୁଲ କରିବାର ଇତିହାସ ପୃଷ୍ଠାରେ ଦେଖିବାକୁ ମିଲେନି ।ସେମାନଙ୍କୁ ଆମ ସମାଜ ଘୃଣ୍ୟ ଆଖିରେ ନ ଦେଖୁ ବରଂ ସେମାନଙ୍କ ଅନ୍ତର୍ନିହିତ କଳାକୁ ପରିପ୍ରକାଶ କରିବାରେ ଆମ ସମାଜ ସହଯୋଗ କରିବା ସହିତ ସୁବିଧା ଯୋଗାଇ ଦେବାକୁ ଅନୁରୋଧ କରିଥିଲେ ।ଆଉ ମଧ୍ୟ କହିଲେ କି ଜଣେ ସାଧାରଣ ବ୍ୟକ୍ତି ଅପରାଧ କରେ ହେଲେ ଭିନ୍ନକ୍ଷମ ବ୍ୟକ୍ତି କେବେ ଅପରାଧ କରିନଥାଏ ।ଆମ ସରକାର ଅନେକ ଯୋଜନା କରିଛନ୍ତି ଏହି ଭିନ୍ନକ୍ଷମଙ୍କ ପାଇଁ କିନ୍ତୁ ସେମାନେ ସବୁ ଯୋଜନାକୁ ଜାଣି ପାରୁନାହାନ୍ତି ଯେମିତିକି ମେରେଜ୍ ଇନ୍ ସେନଟିଭ,ଡି ଆର୍ ଆଇ ଲୋନ,ଛାତ୍ର ଛାତ୍ରୀଙ୍କ ପାଇଁ ବାଣୀ ଶ୍ରୀ ଇତ୍ୟାଦି ।ତେଣୁ ସମସ୍ତ ଅତିଥିଗଣ ଉପସ୍ଥିତ ଲୋକଙ୍କୁ ଏସବୁ ଯୋଜନାରେ ଭିନ୍ନକ୍ଷମ ମାନଙ୍କୁ ସାମିଲ କରି ସୁସ୍ଥ ଓ ସନ୍ତୁଳିତ ସମାଜ ଗଠନ କରିବାକୁ ଅନୁରୋଧ କରିଥିଲେ ।