15-Dec-2023

ବୌଦ୍ଧ : ୧୧ ଦଫା ଦାବୀ ର ତୁରନ୍ତ ଆଶୁ ସମାଧାନ ସକାଶେ ଜିଲ୍ଲା ପ୍ରଶାସନ ସହିତ ବୌଦ୍ଧ ଜିଲ୍ଲା ପାଣ - ଗଣ୍ଡା ସମାଜ ବିକାଶ ପରିଷଦର ଏକ ଗୁରୁତ୍ୱପୂର୍ଣ୍ଣ ବୈଠକ  ଜିଲ୍ଲାପାଳ ଙ୍କ ସଦଭାବନା ସଭା ଗୃହ ଠାରେ ଅନୁଷ୍ଠିତ ହୋଇଯାଇଛି । ଉପ ଜିଲ୍ଲାପାଳ ରବୀନ୍ଦ୍ର ନାଥ କହଁର ଙ୍କ ଅଧ୍ୟକ୍ଷତାରେ ଅନୁଷ୍ଠିତ ବୈଠକରେ ଜିଲ୍ଲା ଯୋଗାଣ ଅଧିକାରୀ , ଜିଲ୍ଲା ମଙ୍ଗଳ ଅଧିକାରୀ , ଜିଲ୍ଲା ସମାଜ ମଙ୍ଗଳ ଅଧିକାରୀ , ଜିଲ୍ଲାର ତିନୋଟି  ବ୍ଲକ ର ଗୋଷ୍ଠୀ ଉନ୍ନୟନ ଅଧିକାରୀ , ତହସିଲଦାର , ଯୋଗାଣ ନିରୀକ୍ଷକ , ମଙ୍ଗଳ ସମ୍ପ୍ରସାରଣ ଅଧିକାରୀ ଆଲୋଚନାରେ ସକ୍ରିୟ ଅଂଶଗ୍ରହଣ କରି ସଂଗଠନର ୧୧ ଦଫା ଦାବୀ ଉପରେ ତୁରନ୍ତ ବିହୀତ ପଦକ୍ଷେପ ଗ୍ରହଣ କରିବା ସହିତ ଦୃଢ ପ୍ରତିଶୃତି ପ୍ରଦାନ କରିଥିଲେ । ବୌଦ୍ଧ ଜିଲ୍ଲାର ସମସ୍ତ ଡିହ ହୀନ ଙ୍କୁ ଦଶ ଡେସିମିଲ୍ ଘରବାରୀ ପଟ୍ଟା ପ୍ରଦାନ, ଭୂମି ହୀନ ଙ୍କୁ ଦୁଇ ଏକର ଚାଷ ଜମି ପ୍ରଦାନ , ଜିଲ୍ଲାର ସମସ୍ତ ବସ୍ତିକୁ ସବୁଦିନିଆଁ ପକ୍କା ରାସ୍ତା ନିର୍ମାଣ , ଜିଲ୍ଲାର ସମସ୍ତ ବସ୍ତି ରେ କମ୍ୟୁନିଟି ସେଣ୍ଟର ନିର୍ମାଣ , ଜିଲ୍ଲାର ସମସ୍ତ ପରିବାର କୁ ବିଶୁଦ୍ଧ ପାନୀୟ ଜଳର ସୁବ୍ୟବସ୍ଥା , ଜିଲ୍ଲାର  ଅନୁସୂଚିତ ଜାତି ଛାତ୍ରଛାତ୍ରୀଙ୍କ ପାଇଁ ସ୍ବତନ୍ତ୍ର ଭାବେ ପ୍ରତି ବ୍ଲକରେ ତିନୋଟି ଉଚ୍ଚ ବିଦ୍ୟାଳୟ ସେବାଶ୍ରମ ଏବଂ ଦୁଇଟି ମହାବିଦ୍ୟାଳୟ ସେବାଶ୍ରମ ନିର୍ମାଣ , ଜିଲ୍ଲାର ସମସ୍ତ ବାସହୀନଙ୍କୁ ପ୍ରଧାନମନ୍ତ୍ରୀ ଗ୍ରାମୀଣ ଆବାସ ଯୋଜନାରେ ପକ୍କାଘର ନିର୍ମାଣ , ଜିଲ୍ଲାର ସମସ୍ତ ଅଯୋଗ୍ୟ ଧନୀ , ଜମିଦାରୀ , ମୁଷ୍ଟିମେୟ ସ୍ବଚ୍ଛଳ ପରିବାର ବର୍ଗ ଙ୍କୁ ତୁରନ୍ତ ଅନ୍ତଦ୍ୟୋୟ ଅନ୍ନପୂର୍ଣ୍ଣା ଯୋଜନା ହିତାଧିକାରୀ ଙ୍କୁ ବାଦ ଦେବା , ଜିଲ୍ଲାର ସମସ୍ତ ବୃଦ୍ଧ,ବୃଦ୍ଧା,ବିଧବା,ଅସହାୟ ଭିନ୍ନକ୍ଷମ ମାନଙ୍କୁ ତୁରନ୍ତ ଭତ୍ତା ପ୍ରଦାନ , ଜିଲ୍ଲାର ସମସ୍ତ ଦେବାଳୟ,ହୋଟେଲ୍,ସେଲୁନ୍, ବିଦ୍ୟାଳୟ,ଅଙ୍ଗନୱାଡି କେନ୍ଦ୍ର ତଥା ସମସ୍ତ ସର୍ବସାଧାରଣ ସ୍ଥାନରେ ସମ୍ପୂର୍ଣ୍ଣ ଭାବେ ଛୁଆଁ ଅଛୁଆଁ ଭେଦଭାବ ଦୂରୀକରଣ କରିବା ସହିତ ମଧ୍ଯାହ୍ନ ଭୋଜନ ଏବଂ ଅଙ୍ଗନୱାଡି କେନ୍ଦ୍ରରେ ଅସ୍ପୃଶ୍ଯ ମହିଳା ମାନଙ୍କୁ ପାଚିକା ନିଯୁକ୍ତି ପ୍ରଦାନ , ଡିଷ୍ଟ୍ରିକ୍ଟ୍

ଲେଭେଲ ଭିଜିଲାନ୍ସ ଏବଂ ମନିଟରିଂ କମିଟିରେ "  ବୌଦ୍ଧ ଜିଲ୍ଲା ପାଣ - ଗଣ୍ଡା ସମାଜ ବିକାଶ ପରିଷଦ " କୁ ସାମିଲ କରିବା ଆଦି ୧୧ ଦଫା ଉପରେ ଆଲୋଚନା କରିବା ସହିତ ତୁରନ୍ତ ଆଶୁ ପଦକ୍ଷେପ ନେବା ସକାଶେ ଜିଲ୍ଲା ପ୍ରଶାସନ ଦୃଢ ପ୍ରତିଶୃତି ପ୍ରଦାନ କରିଥିଲା । ଏଥିରେ ସଂଗଠନ ପକ୍ଷରୁ ଜିଲ୍ଲା ସାଧାରଣ ସମ୍ପାଦକ  ସୁଧାଂଶୁ ଡାଙ୍ଗ ନେତୃତ୍ବ ରେ ଜିଲ୍ଲା ମୁଖ୍ଯ ଉପଦେଷ୍ଟା ବଟକୃଷ୍ଣ ପ୍ରଧାନ , ଜିଲ୍ଲା ଉପ ସଭାପତି ବସନ୍ତ କୁମାର ଖୁରା ,ଦଶରଥ ବେହେରା , ଜିଲ୍ଲା କୋଷାଧ୍ୟକ୍ଷ ରାମଚନ୍ଦ୍ର ତାଣ୍ଡି ,ସହକାରୀ କୋଷାଧ୍ୟକ୍ଷ ଶ୍ରୀନିବାସ ହାତୀ ,ଜିଲ୍ଲା କାର୍ଯ୍ଯକାରିଣୀ ସଦସ୍ଯ ସନ୍ତୋଷ ବେହେରା ,ପୁରୁଷୋତ୍ତମ ବାଘ ,ନନ୍ଦିନୀ ନାଏକ , ଧରଣୀଧର ବିଭାର ,ବିଶ୍ବଜିତ ହରିପାଲ ,ନେତ୍ରାନନ୍ଦ ଦୀପ ,ସୁବ୍ରତ କୁମାର ଜଗଦଲା ,ଜୟରାମ ହରିପାଲ , ଅଭୟ ବେହେରା,ବରୁଣ ରାଜଦୀପ,ରମେଶ ମହାନନ୍ଦିଆ ପ୍ରମୁଖ ଏକ ୧୭ ଜଣିଆଁ ପ୍ରତିନିଧି ମଣ୍ଡଳୀ ଯୋଗଦେଇ ଆଲୋଚନାରେ ସକ୍ରିୟ ଅଂଶଗ୍ରହଣ କରିଥିଲେ ।