14-Dec-2023

ବଲାଙ୍ଗିର (ପ୍ରେରଣା ଖବର ): ଗତ ୧୩ ଓ ୧୪ ତାରିଖ ଦୁଇ ଦିନ ଧରି ଚନ୍ଦନଭାଟି ସରସ୍ବତୀ ଶିଶୁ ମନ୍ଦିରରେ ୨୦ତମ ବାର୍ଷିକ କ୍ରୀଡା ସ୍ଥାନୀୟ ଚନ୍ଦନଭାଟି ଉଚ୍ଚ ବିଦ୍ୟାଳୟ ଖେଳ ପଡ଼ିଆରେ ଅନୁଷ୍ଠିତ ହୋଇଯାଇଛି। ବିଦ୍ୟାଳୟ ପରିଚାଳନା ସମିତିର ସଭାପତି ରାମଚନ୍ଦ୍ର ପ୍ରଧାନ ଓ ସଂପାଦକ ଡା ଲକ୍ଷ୍ମଣ କୁମାର ମେହେର ମୁଖ୍ଯ ଅତିଥି ଭାବେ ଉଦଘାଟନୀ ଉତ୍ସବରେ ଯୋଗଦାନ କରିିଥିଲେ ତଥା ଡା ଲକ୍ଷ୍ମଣ କୁମାର ମେହେର ଦୀପ ପ୍ରଜ୍ବଳନ ପୂର୍ବକ କାର୍ଯ୍ୟକ୍ରମର ଶୁଭାରମ୍ଭ କରିଥିଲେ ତଥା ଜୀବନରେ କ୍ରୀଡା କିପରି ସମସ୍ତଙ୍କୁ ଶାରୀରିକ ଓ ମାନସିକ ଭାବରେ ସୁସ୍ଥ ରଖେ ନିଜ ବକ୍ତବ୍ଯ ରେ ଶିଶୁଙ୍କ ସମ୍ମୁଖ ରେ ଉପସ୍ଥାପନା କରିଥିଲେ। ପ୍ରଧାନାଚାର୍ଯ୍ୟ ପ୍ରଭୁଦତ୍ତ ବିଶି ଅତିଥି ପରିଚୟ ପ୍ରଦାନ କରିଥିଲେ । ସଭାପତି ରାମଚନ୍ଦ୍ର ପ୍ରଧାନ କ୍ରୀଡାକୁ ଆନୁଷ୍ଠାନିକ ଭାବରେ ଉଦଘାଟନ ଘୋଷଣା କରିଥିଲେ। କ୍ରୀଡାର ପ୍ରଥମ ଦିବସରେ ଶ୍ରେଣୀ ଚତୁର୍ଥରୁ ଅଷ୍ଟମ ର ସମସ୍ତ ଶିଶୁ ଭାଇଭଉଣୀ ଉତ୍ସାହର ସହ ଅଂଶଗ୍ରହଣ କରିଥିବା ବେଳେ କୃତୀ ଭାଇଭଉଣୀଙ୍କୁ ସଭାପତି ରାମଚନ୍ଦ୍ର ପ୍ରଧାନ ଓ ସଂପାଦକ ଡା ଲକ୍ଷ୍ମଣ କୁମାର ମେହେର ପୁରସ୍କାର ପ୍ରଦାନ କରିବା ସହିତ ଉତ୍ସାହିତ କରିଥିଲେ। ବିଦ୍ୟାଳୟର ଶାରୀରିକ ପ୍ରମୁଖ ଗୌତମ ପଟେଲଙ୍କ ପ୍ରତ୍ୟକ୍ଷ ତତ୍ବାବଧାନରେ ଦୌଡ ବିଭାଗରେ ଆଚାର୍ଯ୍ୟ ଟିକେଶ୍ବର ମିଶ୍ର, ଦୀଲିପ ଥନାପତି, ଶତ୍ର୍ରଘ୍ନ ସିଂହ ଓ ଆଚାର୍ଯ୍ୟା ସରିତା ପାଣିଗ୍ରାହୀ, ଥ୍ରୋ ଇଭେଣ୍ଟରେ ଆଚାର୍ଯ୍ୟ ଧନଞ୍ଜୟ ମହାକୁର, ମମତା ମଲ୍ଲୀକ, ଶେଷକାନ୍ତି ମଲ୍ଲୀକ , ଜମ୍ପ ଇଭେଣ୍ଟରେ ଆଚାର୍ଯ୍ୟ ପ୍ରଦୀପ କୁମାର ସା, ଲିଙ୍ଗରାଜ ମେହେର ଓ ଆଚାର୍ଯ୍ୟା ରଶ୍ମିତାମୟୀ ଦାସ ପ୍ରମୁଖ କ୍ରୀଡା ପରିଚାଳନା କରିଥିବା ବେଳେ ଆଚାର୍ଯ୍ୟ ଘନ ମେହେର ଓ ଆଚାର୍ଯ୍ୟା ତୁଳସୀ ବଢେଇ ପୁରସ୍କାର ବିତରଣ ରେ ସହଯୋଗ କରିଥିଲେ। ଆଚାର୍ଯ୍ୟା ପ୍ରମୋଦିନୀ ଆଚାର୍ଯ୍ୟ ସଭା ସଂଯୋଜନା କରିଥିଲେ। ଚନ୍ଦନଭାଟି ଗ୍ରାମର ମାଆ ଦୁର୍ଗା ମନ୍ଦିରରୁ କ୍ରୀଡା ମସାଲ ଅଣାଯାଇ ମୁଖ୍ଯ ଅତିଥି ଶ୍ରୀଯୁକ୍ତ ପ୍ରଧାନଙ୍କ ଦ୍ଵାରା ପଡିଆରେ ସ୍ଥାପନ କରାଯାଇଥିଲା। କ୍ରୀଡାର ଦ୍ବିତୀୟ ଦିବସରେ ଶିଶୁ ପ୍ରାରମ୍ଭ ଓ ବୋଧ ତଥା ଶ୍ରେଣୀ ପ୍ରଥମ ରୁ ତୃତୀୟର କ୍ରୀଡା ଅନୁଷ୍ଠିତ ହୋଇଯାଇଛି। ଉଦଯାପନୀ ଉତ୍ସବରେ ବିଦ୍ୟାଳୟ ପରିଚାଳନା ସମିତିର ସଭାପତି ରାମଚନ୍ଦ୍ର ପ୍ରଧାନ ଉପସ୍ଥିତ ରହି ଶିଶୁଙ୍କୁ ଉତ୍ସାହିତ କରିଥିବା ବେଳେ କ୍ରୀଡାକୁ ଆନୁଷ୍ଠାନିକ ଭାବରେ ସମାପନ ଘୋଷଣା କରିଥିଲେ। ସମସ୍ତ ଆଚାର୍ଯ୍ୟ ଆଚାର୍ଯ୍ୟା ତଥା ସେବିକାଙ୍କ ସହଯୋଗରେ କାର୍ଯ୍ୟକ୍ରମଟି ସଫଳତାର ସହ ସମାପିତ ହୋଇଯାଇଛି।