14-Dec-2023

     ସମ୍ବଲପୁର -(ସଂଜୀବପାଣିଗ୍ରାହୀ) - ଗତକାଲି ରେଙ୍ଗାଲି ବିଧାନସଭା ଜାଙ୍ଗଲା ପଞ୍ଚାୟତ ଅନ୍ତର୍ଗତ ଲାରିପାଲି ଠାରେ ବୋର୍'ୱେଲ ଭିତରେ ପଡ଼ି ରହିଥିବା ନବଜାତ ଶିଶୁ କୁ ମାଁ ସମଲେଶ୍ବରୀ ଙ୍କ କୃପାରୁ ସୁରକ୍ଷିତ ଭାବେ ଉଦ୍ଧାର କରାଯାଇଛି । ଗତକାଲି ନବଜାତ ଶିଶୁ କୁ ଉଦ୍ଧାର କଲା ପରେ ତକୁ ବୁର୍ଲା କୁ ନିଆଯାଇ ଭିମସାର ର ଶିଶୁ ବିଭାଗ ରେ ଭର୍ତ୍ତି କରାଯାଇ ଚିକିତ୍ସା କରାଯାଉଛି ।
      ଗତକାଲି ଭୁବନେଶ୍ୱର ରେ ହୋଇଥିବା ପବ୍ଲିକ୍ ଏକାଉଣ୍ଟ୍ କମିଟି ବୈଠକ ରେ ଯୋଗ ଦେଇ ପାଇଁ ରେଙ୍ଗାଲି ବିଧାୟକ ନାଉରୀ ନାୟକ ଦିନକ ପୂର୍ବରୁ ରାଜଧାନୀ ଗସ୍ତ କରିଥିଲେ । ଘଟଣା ସମୟରେ ବିଧାୟକ ଶ୍ରୀଯୁକ୍ତ ନାୟକ ଭୁବନେଶ୍ୱର ରେ ଥିଲେ । ଘଟଣା ସମ୍ପର୍କରେ ରେ ସୂଚନା ପାଇଲା ପରେ ଚାଲିଥିବା ଉଦ୍ଧାର କାର୍ଯ୍ୟ ଓ ଶିଶୁ ର ସ୍ଵାସ୍ଥ୍ୟବସ୍ଥା ସମ୍ପର୍କରେ ସେ ନିୟମିତ ଭାବେ ଖବର ନେଉଥିଲେ । 
      ଆଜି ଭୁବନେଶ୍ୱର ରୁ ଫେରିଲା ପରେ ସେ ବୁର୍ଲା ଯାଇ ଚିକିତ୍ସାଧିନ ଶିଶୁ କୁ ଦେଖିବାକୁ ଯାଇଥିଲେ । ଭୀମସାର୍ ର ଶିଶୁ ରୋଗ ବିଭାଗ ର ଡା.ବିରେନ୍ଦ୍ର ପ୍ରଧାନ ଓ ଡ଼ା.ପ୍ରଣବ ପାଣିଗ୍ରାହୀ ଙ୍କୁ ଚିକିତ୍ସାଧିନ ନବଜାତ ଶିଶୁ ର ସ୍ଵାସ୍ଥ୍ୟ ସମ୍ପର୍କିତ ସମସ୍ତ ବିଷୟ ପଚାରି ବୁଝିଥିଲେ । ଏହି ସମୟ ରେ ଡା.ଶଙ୍କର ରାମଚନ୍ଦାନି ମଧ୍ୟ ସେଠାରେ ଉପସ୍ଥିତ ରହିଥିଲେ ।
     ନବଜାତ ଶିଶୁ ର ଉଦ୍ଧାର କାର୍ଯ୍ୟ ରେ ପ୍ରାଣ ପଣେ ଚେଷ୍ଟା କରୁଥିବା ଓଡ୍ରାଫ୍ ଟିମ୍, ପୋଲିସ ପ୍ରଶାସନ ଓ ଅନବରତ ଭାବେ ଖବର ପ୍ରସାର କରୁଥିବା ଗଣମାଧ୍ୟମ ବନ୍ଧୁ ମାନଙ୍କୁ ରେଙ୍ଗାଲି ବିଧାୟକ ନାଉରୀ ନାୟକ ବହୁତ୍ ବହୁତ୍ ଧନ୍ୟବାଦ୍ ଓ ଶୁଭେଚ୍ଛା ଜଣାଇଛନ୍ତି ।
    ଆଜିର ଏହି ପରିଦର୍ଶନ ସମୟରେ ବିଧାୟକ ଶ୍ରୀଯୁକ୍ତ ନାଉରୀ ନାୟକ ଙ୍କ ସହିତ ବିଷ୍ଣୁ ପ୍ରସାଦ ରକ୍ଷିତ୍, ସନ୍ତୋଷ କୁମାର ସାହୁ, ଶ୍ୟାମ ଶଙ୍କର, ଉମେଶ ବଳ, ସଞ୍ଜୀବ ବର୍ମା, ଅଶୋକ ସାହୁ, ସୁରେନ୍ଦ୍ର ପ୍ରଧାନ, ମାନସ ରଞ୍ଜନ ବକ୍ସି ପ୍ରମୁଖ ଉପସ୍ଥିତ ଥିଲେ ।