13-Dec-2023

ନବରଙ୍ଗପୁର (ମିହିର ଶଙ୍କର ପାତ୍ର,) ଡାବୁଗାଁ ବ୍ଲକ ସ୍ଥିତ ଭୈରବ ଉଚ୍ଚ ମାଧ୍ୟମିକ ବିଦ୍ୟାଳୟ ଠାରେ ବୁଧବାର ସମନ୍ୱିତ ଯୁବ ବିକାଶ କାର୍ଯ୍ୟକ୍ରମ ମୁଖ୍ୟ ଅତିଥି ଡାବୁଗାଁ ବିଧାୟକ ମନୋହର ରନ୍ଧାରି ଯୋଗ ଦେଇ ଶୁଭ ଉଦଘାଟନ କରିଥିଲେ । ଏହି କାର୍ଯ୍ୟକ୍ରମ ରେ ବ୍ଲକ ଅଧକ୍ଷା ବୀଣା ମାଝୀ, ତହସିଲଦାର ସଦାଶିବ ଭତ୍ରା , ଏବିଡିଓ ପଦ୍ମନାଭ ତ୍ରିପାଠୀ , ବିଧାୟକ ପ୍ରତିନିଧି ଏମ ବୁଲୁ ରାଓ, ସାଂସଦ ପ୍ରତିନିଧି ଏମ ଆପ୍ପା ରାଓ, ଡାବୁଗାଁ ବ୍ଲକ ବିଜେଡି ସଭାପତି ସୁରେନ୍ଦ୍ର କୁମାର ମିଶ୍ରପ୍ରମୁଖ ଉପସ୍ଥିତ ଥିଲେ ଏହି କାର୍ଯ୍ୟକ୍ରମ ରେ ଭୈରବ ଉଚ୍ଚ ମାଧ୍ୟମିକ ବିଦ୍ୟାଳୟ ର ଅଧକ୍ଷ ଶଶାଙ୍କ ତ୍ରିପାଠୀ ସଭାପତିତ୍ଵ କରିଥିଲେ । ଏହି କାର୍ଯ୍ୟକ୍ରମ ୧୩/୧୨/୨୦୨୩ ତାରିଖ ଠାରୁ ଆରମ୍ଭ ହୋଇ ୨୨/୧୨/୨୦୨୩ତାରିଖ ପର୍ଯ୍ୟନ୍ତ  ଉକ୍ତ ଉଚ୍ଚ ମାଧ୍ୟମିକ ବିଦ୍ୟାଳୟ ଠାରେ ଛାତ୍ର ଛାତ୍ରୀଙ୍କ ମଧ୍ୟରେ ବିଭିନ୍ନ ପ୍ରତିଯୋଗିତା କରିବା ସହ ଜନ ସଚେତନ କାର୍ଯ୍ୟକ୍ରମ ଓ ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ ହେବ । ଏହି ଅବସରରେ ପ୍ରଥମ ଦିବସ ରେ ସଡକ ସୁରକ୍ଷା ନେଇ ଛାତ୍ର ଛାତ୍ରୀ ମାନେ ଗ୍ରାମ ପରିକ୍ରମା କରି ଲୋକଙ୍କୁ ସଚେତନ କରିଥିଲେ । ଏହି  ପରିକ୍ରମା ରେ ଡାବୁଗାଁ ଥାନା ପୋଲିସ କର୍ମଚାରି ମାନେ ସହଯୋଗ କରିଥିଲେ ।ପରେ ଉଚ୍ଚ ମାଧ୍ୟମିକ ବିଦ୍ୟାଳୟ ପରିସର ସଫେଇ କରିଥିଲେ । ଏପରି ପ୍ରତ୍ୟେକ ଦିନ ଅନେକ କାର୍ଯ୍ୟକ୍ରମ ଅନୁଷ୍ଠିତ ହେବା ନେଇ ଭୈରବ ଉଚ୍ଚ ମାଧ୍ୟମିକ ବିଦ୍ୟାଳୟ କାର୍ଯ୍ୟକ୍ରମ ର ନୋଡାଲ ଅଧିକାରୀ ତଥା  ଅଧ୍ୟାପକ ରମେଶ ଚନ୍ଦ୍ର ନାହାକ ସୂଚନା ପ୍ରଦାନ କରିଛନ୍ତି। ଉକ୍ତ କାର୍ଯ୍ୟକ୍ରମ କୁ ଶ୍ରୀ ନାହାକ ପରିଚାଳନା କରିଥିଲେ। ଏହି କାର୍ଯ୍ୟକ୍ରମ କୁ ଉକ୍ତ ଅନୁଷ୍ଠାନର ଅଧ୍ୟାପକ ଶିବ ପ୍ରସାଦ ସାହୁ, ସୌମ୍ୟ ବିଶୋଇ,ନବୀନ କୁମାର ନାଗେସ, ପଦମ୍ ଭତ୍ରା, ସୁନିଲ ପରିଛା , ଲିପୁ ଚନ୍ଦ୍ର ମାଝୀ, ଅଧ୍ୟାପିକା ରଶ୍ମିତା ପାଢ଼ୀ, ବନିତା ବିଶ୍ଵାଳ ଓ ଡିଇଓ ସରୋଜ କୁମାର ତ୍ରିପାଠୀ ଏବଂ ସମସ୍ତ କର୍ମଚାରୀ ସହଯୋଗ କରିଥିଲେ । ଶେଷ ଦିବସ ରେ କୃତି ଛାତ୍ର ଛାତ୍ରୀ ଙ୍କୁ ପୁରସ୍କାର ବିତରଣ କରାଯିବ।