13-Dec-2023

(ଡୋଲେସ୍ବର ଵାଗ )
ନୂଆପଡ଼ା ଗତ କାଲି ନୂଆପଡ଼ା ଜିଲ୍ଲା ସିନାପାଲି ବ୍ଲକର ମାଓପ୍ରବଣ ଅଞ୍ଚଳରେ ସିଆରପିଏଫ  ୧୯  ବାଟାଲିୟନର କମାଣ୍ଡୋ ମନୋଜ କୁମାରଙ୍କ ତତ୍ତ୍ଵାବଧାନରେ ସିନାପାଲି ଥାନା ଭଟାପାନି ଗାଁର କଳିଙ୍ଗ ଉଚ୍ଚ ବିଦ୍ୟାଳୟଠାରେ ଜନ ସମ୍ପର୍କ ଶିବିର ଅନୁଷ୍ଠିତ ହୋଇଯାଇଛି। ନକ୍ସଲ ମାନଙ୍କୁ ଦୂର କରିବା ପାଇଁ ଓଡ଼ିଶା ରାଜ୍ୟରେ ବାଟାଲିୟନ ମାନଙ୍କ ସହ ଲୋକମାନଙ୍କୁ ସଦାସର୍ବଦା ବିଶ୍ୱାସ ସୃଷ୍ଟି କରିବା ସହ ସୁସମ୍ପର୍କ ସ୍ଥାପନ କରିବା ନିମିତ୍ତ ଜନ ସମ୍ପର୍କ ଶିବିର ଆୟୋଜନ କରାଯାଉଛି। ଏହି ଶିବିରରେ ସିନାପାଲି ଥାନା ଅଞ୍ଚଳର ଭଟାପାନି, ନଙ୍ଗଲବୋଡ, କରାଡଙ୍ଗରି, ଟଙ୍କାମାଲ ପ୍ରଭୁତି ଗାଁର ଗରିବ ନିରୀହ ଲୋକମାନେ ସାମିଲ ହୋଇଥିଲେ, ଉକ୍ତ ଶିବିରରେ ୧୯ ବାଟାଲିୟନ କେରିପୁବଲ୍ ଦ୍ଵାରା ଆୟୋଜନ କରାଯାଇଥିଲା। ଏଥିରେ ଦ୍ୱିତୀୟ କମାଣ୍ଡୋ ଦବ ଇଞ୍ଜିକରନ୍ କିଣ୍ଡୋ କମ୍ବଳ ବଣ୍ଟନର ଶୁଭାରମ୍ଭ କରିଥିଲେ। ଏଠାରେ ଶାରୀରିକ ଯାଞ୍ଚ ଶିବିର ମଧ୍ୟ କରାଯାଇଥିଲା, ସିନାପାଲି ସିଏଚସି ରୁ ମୁଖ୍ୟ ଚିକିତ୍ସା ଅଧିକାରୀ ଡ଼ଃ ନର୍ଗିସ, ଡ଼ଃ ସଶିକିରନ୍ ଟପ୍ପୋ ପ୍ରମୁଖ ଡାକ୍ତର ଶାରୀରିକ ପରୀକ୍ଷା ନିରୀକ୍ଷା କରିଥିଲେ। ଏଥିରେ ମୋଟ ୨୧୭ଜଣଙ୍କୁ ପରୀକ୍ଷା ନିରୀକ୍ଷା କରି ଔଷଧ ବଣ୍ଟନ କରିଥିଲେ, ଦ୍ଵିତୀୟ କମାଣ୍ଡୋ ଦବ ଇଞ୍ଜିକିରନ୍ କିଣ୍ଡୋ ଗ୍ରାମୀଣ ଲୋକମାନଙ୍କୁ ମାଓବାଦୀର ଶୋଷଣର ଶିକାର, ଅତ୍ୟାଚାର ଓ ବିରୋଧକୁ ଜାଗୃତ କରିବା ସହ ମୁଖ୍ୟ ଧାରାରେ ସାମିଲ କରିବାକୁ ଆହ୍ବାନ ଦେଇଥିଲେ। ଏହି ଅବସରରେ ଆସିଷ୍ଟାଣ୍ଟ କମାଣ୍ଡାଣ୍ଟ  ବିରେନ୍ଦ୍ର କୁମାର, ନିରୀକ୍ଷକ ରଘୁନାଥ ହେମ୍ବ୍ରମ, ଶସିକୁମାର ଭଟ୍ଟାଚାର୍ଯ୍ୟ, ସ୍ଥାନୀୟ ସରପଞ୍ଚ ଜଗଦୀଶ ମାଝୀ, କଳିଙ୍ଗ ଉଚ୍ଚ ବିଦ୍ୟାଳୟର ପ୍ରଧାନ ଶିକ୍ଷକ ନିରାକାର ସାହୁ, ଅଙ୍ଗନୱାଡ଼ି କର୍ମୀ ଲକ୍ଷ୍ମୀ ମାଝୀ, ଆଶା କର୍ମୀ ସୁଲୋଚନା ହରିଜନ ପ୍ରମୁଖଙ୍କ ସହ ଏ ଅଞ୍ଚଳର ମାନ୍ୟଗଣ୍ୟ ବ୍ୟକ୍ତି ଉପସ୍ଥିତ ଥିଲେ।