-+91-9937148622 |
prerana_bgr@rediffmail.com |
Sunday 28th April 2024 |
R.N.I. Regd No. ODIODI/2010/46693
Breaking News
09-Dec-2023
ବଲାଙ୍ଗିର(ପ୍ରେରଣା ଖବର)- ବଲାଙ୍ଗିର ସଦର ବ୍ଲକ ଅନ୍ତର୍ଗତ ଚନ୍ଦନଭାଟି ଗ୍ରାମ ଖେଳ ପଡିଆ ଠାରେ ଦ୍ୱିତୀୟ ବର୍ଷ ବେଣୁଧର ମେମୋରିଆଲ ଫୁଟବଲ ଟୁର୍ଣ୍ଣାମେଟଂ ଆଜି ଉଦ୍ଘାଟିତ ହୋଇଯାଇଛି । ଏହି ଫୁଟବଲ ଟୁର୍ଣ୍ଣାମେଟଂର ମୁଖ୍ୟ ଉଦ୍ୟୋକ୍ତା ପୂର୍ବତନ ଜାତୀୟ ଓ ଅର୍ନ୍ତଜାତୀୟ ଭଲିବଲ ଏବଂ ଫୁଟବଲ ଖେଳାଳୀ ସୁକାନ୍ତ ପାଣିଗ୍ରୀହଙ୍କ ତତ୍ୱାବଧାନ ଅନୁଷ୍ଠିତ ଆଜି ଦିନ ୧୧ଟାରେ ଉଦ୍ଘାଟନୀ ଉସ୍ôବ ଅନୁଷ୍ଠିତ ହୋଇଥିଲା । ବରଗଡ ଜିଲ୍ଲାର ପୂର୍ବତନ ସାଂସଦ ତଥା ଜିଲ୍ଲା ବିଜେଡି ସଭାପତି ଡ.ପ୍ରଭାସ ସିଂହ ମୁୁଖ୍ୟ ଅତିଥି ଭାବେ ଯୋଗଦେଇଥିବା ବେଳେ ସମ୍ମାନିତ ଅତିଥି ଭାବେ ଜିଲ୍ଲା ପରିଷଦ ସଦସ୍ୟା ଅନାମିକା ହୋତା, ଚନ୍ଦନଭାଟି ସରପଂଚ ପଙ୍କଜିନୀ ସାହୁ, ସାମ୍ବାଦିକ ପ୍ରଶାନ୍ତ ମିଶ୍ର, ଶରତ ମହାକୁର ପ୍ରମୁଖ ଯୋଗଦେଇ ଖେଳାଳୀ ମାନଙ୍କୁ ଉସ୍ôାହିତ କରିଥିଲେ । ଆଜି ସମୁଦାୟ ୪ଟି ମ୍ୟାଚ ଅନୁଷ୍ଠିତ ହୋଇଥିଲା । ପ୍ରଥମ ଖେଳରେ ଚନ୍ଦନଭାଟି ଦଳ ନକଟାସର ଦଳକୁ
୧-୦ ଗୋଲ ଦେଇ ବିଜୟ ହୋଇଥିଲେ । ଦ୍ୱିତୀୟ ଖେଳରେ ଅମାମୁଣ୍ଡା ଦଳ ସୋନପୁର ଦଳକୁ ୨-୦ ଗୋଲ ଦେଇ ବିଜୟୀ ହୋଇଥିଲା । ପରେ ଦ୍ୱତୀୟାର୍ଦ୍ଧ ଖେଳରେ ଅତିଥି ରୁପେ ସଦର ବ୍ଲକ ଅଧ୍ୟକ୍ଷା ସରିତା ବାଗ, ରାମଚନ୍ଦ୍ର ପ୍ରଧାନ, ପୂର୍ବତନ ବ୍ଲକ ଅଧ୍ୟକ୍ଷ ଗୋଲାପ ବାଗ, ରାଜକିଶୋର ବେହେରା, ଚଗଲା ପରିଚ୍ଛା, ଡିଏସଓ ବଲାଙ୍ଗିର ପରାଶର ବାଗ, ବିଜ୍ଞାନ କୁମ୍ଭାର, ମନୋଜ ତ୍ରିପାଠୀ ପ୍ରମୁଖ ଯୋଗଦେଇଥିଲେ । ତୃତୀୟ ଖେଳ ୟୁଥ କ୍ଲବ କଦଳୀପାଲି ଦଳ ବରଗଡ ଦଳକୁ ୨-୧ ଗୋଲ ଦେଇ ବିଜୟୀ ହୋଇଥିଲା । ସେହିପରି ଚତୁର୍ଥ ଖେଳରେ ସମ୍ବଲପୁର ଦଳ ବଡମାଳ ଦଳକୁ ୨-୦ ଗୋଲରେ ପରାସ୍ତ କରି ବିଜୟୀ ହୋଇଥିଲା । କମିଟିର ସଭାପତି କପିଳେଶ୍ୱର ପାଣିଗ୍ରାହୀ, ଚିଫ୍ ଏଡଭାଇଜର ଲକ୍ଷ୍ମଣ ମେହେର, ସଂପାଦକ ପ୍ରଭୁଦତ୍ତ ପ୍ରଧାନ ମଂଚାସୀନ ଥିବା ବେଳେ କମଲ ଚୌଧ୍ôରୀ, ଅଶୋକ ଦଲାଇ, ନୂଆଖାଉ ବେହେରା, ଅରକ୍ଷୀତ ଦଲାଇ, ସତ୍ୟ ମେହେର ପ୍ରମୁଖ ସହଯୋଗ କରିଥିଲେ ।
ଆଜିର ଖେଳକୁ ସୁଧାଂଶୁ ସେଠ, ସଞ୍ଜିବ ମହାରଣା, ଦେବାଶଷ ବାଗ, ସତ୍ୟବ୍ରତ ଥନାପତି, ନୟନ ବାଗ ପ୍ରମୁଖ ପରିଚାଳନା କରିଥିଲେ । ଫୁଟବଳ ଖେଳ ପୂର୍ବରୁ ଚନ୍ଦନଭାଟି ସାପ୍ତାହିକ ବଜାର ପ୍ରାଙ୍ଗଣରେ ପୂର୍ବତନ ସରପଂଚ ତଥା ଫୁଟବଲ ଖେଳାଳି ସ୍ୱର୍ଗତ ବେଣୁଧର ପାଣିଗ୍ରାହୀଙ୍କ ଏକ ପୂର୍ଣ୍ଣଙ୍ଗ ଭବ୍ୟ ମୂର୍ତ୍ତି କୁ ପୂର୍ବତନ ବରଗଡ ସାଂସଦ ଡ.ପ୍ରଭାସ ସିଂହଙ୍କ ଦ୍ୱାର ଉନ୍ନୋଚନ କରାଯାଇଥିଲା । ଏହି ଅବସରରେ ତାଙ୍କ ସୁପୁତ୍ର ସୁକାନ୍ତ ପାଣିଗ୍ରାହୀଙ୍କ ସମେତ ସମସ୍ତ ଅତିଥିମାନେ ସ୍ୱର୍ଗତ ବେଣୁଧରଙ୍କ ସ୍ନୃତିଚାରଣ କରିଥିଲେ । ଏହି ଅବସରରେ ଯୋଗଦେଇ ନପାରିଥିବା ଅନ୍ୟତମ ଅତିଥି ରାଜ୍ୟସଭା ସାଂସଦ ଅମର ପଟ୍ଟାନାୟକ ଏକ ଭିଡିଓ ବାର୍ତା ମାଧ୍ୟମରେ ତାଙ୍କର ଶୁଭେଚ୍ଛା ପ୍ରଦାନ କରିଥିଲେ ।