22-Sep-2023

ବଲାଙ୍ଗିର (ପ୍ରେରଣା ଖବର ): ପଶ୍ଚିମ୍ ଓଡ଼ିଶା ଯୁବା ମଞ୍ଚ ଦ୍ଵାରା ଗତ ୨୧ ସେପ୍ଟେମ୍ବର ୨୦୨୩ ଦିନ ସାହାଜବାହାଲ ରେ ଧୁମ୍ ଧାମ୍ ରେ ନୂଆଁଖାଇ ଭେଟଘାଟ ପାଳିତ ହୋଇଯାଇଛି। ପ୍ରଥମେ ଗାଁ ର ବରିଷ୍ଠ ଶିକ୍ଷକ ଶ୍ରୀ ରାଧେଶ୍ୟାମ ପାଣିଗ୍ରାହୀ, ଶ୍ରୀ ପଦ୍ମନାଭ ପାଣଗ୍ରାହୀ, ଶ୍ରୀ ମହେଶ ପ୍ରସାଦ ଯୋଶୀ ଏବଂ ବଲାଙ୍ଗିର ବ୍ଲକ୍ ଉପ ସଭାପତି ଶ୍ରୀ ପ୍ରଦ୍ୟୁମ୍ନ ହୋତା ମାଁ ସମଲେଶ୍ଵରୀ ଙ୍କ ଫଟୋ ଚିତ୍ରରେ ପୁଷ୍ପମାଲ୍ୟ ଅର୍ପଣ ସହ ଦୀପ ପ୍ରଜ୍ବଳନ କରିଥିଲେ। ଘରେ ଘରେ ପରିଚିତ ତଥା ଓଡ଼ିଶାର ଜଣା ଶୁଣା ଯୁବ ଡାକ୍ତର ଶ୍ରୀ ଓଁକାର ହୋତା ଙ୍କୁ ଅତିଥି ମାନଙ୍କ ଦ୍ବାରା ସମ୍ମାନୀତ କରାଯାଇଥିଲା। ଏହାପରେ ସାଂସ୍କୃତିକ କାର୍ଯ୍ୟକ୍ରମ ସହ କୁନି କୁନି ପ୍ରତିଭା ମାନଙ୍କୁ ନେଇ ନୃତ୍ୟ ପ୍ରତିଯୋଗୀତା ଆରମ୍ଭ ହୋଇଥିଲା। ବିଚାରକ ମଣ୍ଡଳୀରେ ବିଶିଷ୍ଟ ସାମ୍ବାଦିକ ତଥା ସିନେମେଟୋଗ୍ରାଫର୍ ଶ୍ରୀ ଗୋପାଳ ପଧାନ, ଶ୍ରୀ ମକରଧ୍ବଜ ମାଗର ଏବଂ ଜାତୀୟ ପୁରସ୍କାପ୍ରାପ୍ତ ଶଲାବୁଢ଼ା ର ବଦଲା ଚଳଚ୍ଚିତ୍ରର ଅଭିନେତ୍ରୀ ସୁଶ୍ରୀ ଚନ୍ଦନା ସିଂ ଉପସ୍ଥିତ ରହି ପ୍ରତିଯୋଗୀ ମାନଙ୍କୁ ଉତ୍ସାହିତ କରିଥିଲେ। ଯୁବାମଞ୍ଚ ର କାର୍ଯ୍ୟକାରୀ ସଭାପତି ଅଭିଷେକ ଦାଶ ସାହାଜବାହାଲ ଶାଖା ର କାଶୀନାଥ ହୋତାଙ୍କ ନେତୃତ୍ୱରେ ସମସ୍ତ ସଦସ୍ୟଙ୍କ ପ୍ରଚେଷ୍ଟା କୁ ଧନ୍ୟବାଦ୍ ଜଣେଇବା ସହ ଆଗାମୀଦିନରେ କିପରି ଅଞ୍ଚଳର ବିକାଶରେ ସମସ୍ତେ ଜଣେ ଜଣେ ଯୋଦ୍ଧା ଭାବରେ ନିଜର କର୍ତ୍ତବ୍ୟ କରିବା ସେ ନେଇ ମତବ୍ୟକ୍ତ କରିଥିଲେ। ଏହି କାର୍ଯ୍ୟକ୍ରମରେ ବିରେନ୍ଦ୍ର ପାଣ୍ଡେ ଏବଂ ଅଭିଜିତ ପାଣିଗ୍ରାହୀ ପର୍ଯ୍ୟାୟ କ୍ରମେ ମଞ୍ଚ ପରିଚାଳନା କରିଥିଲେ। ଶୁଭେନ୍ଦୁ, ସୁବଳ, କାହ୍ନା, ଅଜିତ୍, ମିଲନ୍, ଥବିର, ଖଗେଶ୍ବର ଏବଂ ଅନ୍ୟ ସଦସ୍ୟ ମାନେ ଉପସ୍ଥିତ ରହି କାର୍ଯ୍ୟକ୍ରମରେ ସହଯୋଗ କରିଥଲେ।