12-Dec-2020

ବଲାଙ୍ଗୀର,(ପ୍ରେରଣା ଖବର)- ଆଜି  ବଲାଙ୍ଗୀର ଜିଲ୍ଲା ଓକିଲ ସଂଘର ନୂତନ କର୍ମକର୍ତ୍ତା ନିର୍ବାଚନ ଅନୁଷ୍ଠିତ ହୋଇଯାଇଛି । ମୋଟ୍ 289 ଜଣ ସଭ୍ୟ ଭୋଟ ଦେଇଥିଲେ । ଏଥିରେ ସଭାପତି ଭାବରେ ଏଡ୍‌ଭୋକଟେ ପ୍ରବୀଣ କୁମାର ମିଶ୍ର ନିଦ୍ୱର୍ନ୍ଦରେ ନିର୍ବାଚିତ ହୋଇଥିବା ବେଳେ କେବଳ ସମ୍ପାଦକ ପଦବୀ ପାଇଁ ନିର୍ବାଚନ ଅନୁଷ୍ଠିତ ହୋଇଥିଲା l ସଂପାଦକ ପଦ ପାଇଁ ବାସୁଦେବ ରଥ  ଓ ଜୟପାଲ ସାହୁଙ୍କ ମଧ୍ୟରେ  ପ୍ରତିଦ୍ୱନ୍ଦିତା ହୋଇଥଲା ।  ବସୁଦେବ ରଥ ମୋଟ 187 ଖଣ୍ଡ ଭୋଟ ପାଇ 88 ଟି ଭୋଟ ବ୍ୟବଧାନରେ ବିଜୟଲାଭ କରିଥିଲେ । ଉପସଭାପତି ଭାବରେ ସୁଭାଷ ଚନ୍ଦ୍ର ବେହେରା, ସହସଂପାଦକ ଭାବରେ ରଶ୍ମିରଞ୍ଜନ ପଣ୍ଡା, କୋଷାଧ୍ୟକ୍ଷ ଭାବରେ ବୈଷ୍ଣବ ଚରଣ ସାହୁ ଏବଂ ଅଡିଟର ଭାବେ ଶଙ୍କର ପ୍ରସାଦ ମିଶ୍ର ମନୋନୀତ ହୋଇଥିଲେ ।  ଠିକ ସହିପରି କାର୍ଯ୍ୟକାରୀ କମିଟିରେ ନିତ୍ୟାନନ୍ଦ ବରେଇ ପ୍ରଦୀପ କୁମାର ବିଶ୍ଵାଳ, ରବି ନାରାୟଣ ବହିଦାର, ରାଧାକାନ୍ତ ମହାକୁଡ, ଉମାକାନ୍ତ ସାହୁ, ପ୍ରମୋଦ କୁମାର ଭୋଇ, ଅଶିତ ଷଡଙ୍ଗୀ, ଓମକାର ନାୟକ, ରାଜେନ୍ଦ୍ର ମିଶ୍ର, ମୁକୁନ୍ଦ ଦେବ ପଟେଲ, ଦୀନେଶ ନାଗ ଓ ଆର୍ତ୍ତତ୍ରାଣ ପୁରୋହିତ ପ୍ରମୁଖ ମନୋନୀତ ହୋଇଛନ୍ତି । ଆଜିର ଏହି ନିର୍ବାଚନରେ ନିର୍ବାଚନ ଅଫିସର ଭାବେ ଆଡ଼ଭୋକେଟ ଶଶିଭୂଷଣ ପୁରୋହିତ ପରିଚାଳନା କରିଥିବା ବେଳେ   ଜିଲ୍ଲା ଓକିଲ ସଂଘର  ସଭ୍ୟ ସୁରେନ୍ଦ୍ର ମିଶ୍ର, ଦେବାଶିଷ ବିଶ୍ଵାଳ, ସୁଧାଂଶୁ ଦେଓ, ଜିତେନ୍ଦ୍ର ପୁରୋହିତ  ପ୍ରମୁଖ ସହଯୋଗ କରିଥିଲେ ।

   ସୂଚନାଯୋଗ୍ୟ ଯେ, ଏହି ନୂତନ କର୍ମକର୍ତ୍ତାଙ୍କ କାର୍ଯ୍ୟକାଳ ଆସନ୍ତା ୩ ମାସ ପର୍ଯ୍ୟନ୍ତ ରହିବ । ଷ୍ଟେଟ୍ ବାର ଏସୋସିଏସନର ନିଷ୍ପତ୍ତି କ୍ରମେ ପ୍ରତିବର୍ଷ  ମାର୍ଚ୍ଚ  ମାସରେ ସାରା ରାଜ୍ୟରେ ଓକିଲ ସଂଘର ନିର୍ବାଚନ ଗୋଟିଏ ଦିନ ଅନୁଷ୍ଠିତ ହେବାକୁ ସ୍ଥିରୀକୃତ ହୋଇଥିଲା ।