01-Jul-2023

ବଲାଙ୍ଗିର(ଦେବାଶିଷ ବହିଦାର) - ବଲାଙ୍ଗିର ସିଭିଲ କୋର୍ଟର ପାରିବାରିକ ଅଦାଲତର ପ୍ରଶାସନିକ ଅଧିକାରୀ ତଥା ବଲାଙ୍ଗିର ବିଚାର ବିଭାଗୀୟ ସଂଘର ସଭାପତି ପ୍ରକାଶ କୁମାର ନେପାକ ସରକାରୀ ଚାକିରି ରୁ ୩୦.୦୬.୨୦୨୩ ଦିନ ଅବସର ଗ୍ରହଣ କରିଛନ୍ତି । ବଲାଙ୍ଗିର ଜିଲ୍ଲା ଦୈରାଜଜ୍ ଲଲାଟେନ୍ଦୁ ଜେନାଙ୍କ ଅଧ୍ୟକ୍ଷତାରେ ଆୟୋଜନ ହୋଇଥିବା ସମ୍ବର୍ଦ୍ଧନା ସଭାରେ ଶ୍ରୀ ନେପାକଙ୍କୁ ମାନପତ୍ର ତଥା ଉପଢୈାକନ ଦେଇ ସମ୍ମାନିତ କରିଥିଲେ । ସେ ଶ୍ରୀ ନେପାକଙ୍କ ବଲାଙ୍ଗିର ବିଚାର ବିଭାଗ ପ୍ରତି ସମର୍ପିତ କାର୍ଯ୍ୟ ତଥା ସଂଘର ସଭାପତି ରୂପେ କର୍ମଚାରୀଙ୍କ ଉନ୍ନତି ସକାଶେ କରିଥିବା କାର୍ଯ୍ୟ ପାଇଁ ଏକ ଉଦାହରଣ ହୋଇ ରହିବେ ତଥା ଆଗାମୀ ପିଢି ପାଇଁ ପ୍ରେରଣାଦାୟି ରହିବେ ବୋଲି ମତ ପ୍ରକାଶ କରିଥିଲେ । ଭିଜିଲାନ୍ସ ଜଜ୍ ମଳୟ ରଞ୍ଜନ ଦାସ, ସିଭିଲ କୋର୍ଟ ରେଜିଷ୍ଟ୍ରାର ଚରଣଜିତ ଓରାମ ଶ୍ରୀ ନେପାକଙ୍କ ପରବର୍ତ୍ତୀ ଜୀବନ ସୁଖମୟ ହେବାର କାମନା କରିଥିଲେ । ସିଭିଲ କୋର୍ଟ ମୁଖ୍ୟ ପ୍ରଶାସନିକ ଅଧିକାରୀ ବଳରାମ ମେହେର ଓ ହେଡକ୍ଲର୍କ ତଥା କର୍ମଚାରୀ ସଂଘର କାର୍ଯ୍ୟକାରୀ ସଭାପତି ଦଧିବାବନ ଶତପଥି ପ୍ରମୁଖ ଉଦ୍‌ବୋଧନ ଦେଇଥିଲେ । ସଂଘର ଯୁଗ୍ମ ସମ୍ପାଦକ ଶ୍ରଦ୍ଧାଞ୍ଜଳି ମେହେର ସଭା ପରିଚାଳନା କରିଥିଲେ । ସମ୍ବର୍ଦ୍ଧନା ସଭାରେ ଉପସ୍ଥିତ ସମସ୍ତ ବିଚାରପତି ଓ କର୍ମଚାରୀଙ୍କୁ ଏସୋସିଏସନ୍ ତରଫରୁ ସୁବ୍ରତ ମିଶ୍ର ଧନ୍ୟବାଦ ଅର୍ପଣ କରିଥିଲେ । ସଂଘର କୋଷାଧ୍ୟକ୍ଷ ଆକାଶ ମିଶ୍ର, ଉପ-ସଭାପତି ଲକ୍ଷ୍ମୀ ସିଂ, ଶୁଭ୍ରାଂଶୁ ବାଗ ପ୍ରମୁଖ ସଭା ଆୟୋଜନ ରେ ସହାୟତା କରିବା ସହ ସମସ୍ତ କର୍ମଚାରୀଙ୍କ ତରଫରୁ ଶ୍ରୀ ନେପାକଙ୍କ ପରବର୍ତ୍ତୀ ଜୀବନ ଆନନ୍ଦମୟ ହେବାର ମାଁ ସମଲେଶ୍ୱରୀଙ୍କ ଠାରେ ପ୍ରାର୍ଥନା କରିଥିଲେ ।