26-Jun-2023

ବଲାଙ୍ଗିର ଜିଲ୍ଲା ପାଟଣାଗଡ଼ ସହର ରେ ସୋଲାର ପମ୍ପ ଚୋରି ଅଭିଯୋଗରେ ୫ ଜଣକୁ ଗିରଫ କରି କୋର୍ଟ ଚାଲାଣ କରିଥିବା ଜଣାପଡିଛି। ସୂଚନା ଅନୁସାରେ ମଧୁସୂଦନ ରାଓ ପିତା.ମାଧବ ରାଓ ଚେନ୍ନାଇ ରୁ ଆସି ପାଟଣାଗଡ଼ ସହର ମେହେର ପଡ଼ା  ରେ ରହୁଥିବା ବେଳେ ତାଙ୍କ ଘରୁ ସୋଲାର ପମ୍ପ ଚୋରି ହୋଇଥିବା ତାରିଖ ୧.୪.୨୩ ଦିନ ପାଟଣାଗଡ଼ ଥାନାରେ ଏତଲା ଦେଇଥିଲେ ଗତକାଲି ଦଲଦଲି ଗାଁ ରେ

ଥିବା ସୋଲାର କମ୍ପାନୀ ଠାରୁ ମଧ୍ୟ ସୋଲାର ପମ୍ପ ଚୋରି ହୋଇଥିବା ଅଭିଯୋଗ ହୋଇଛି। ଏତଲା କୁ ଭିତ୍ତିକରି  ୧୧୭/୨୩ କେଶ୍ ନମ୍ବର ୩୭୯ ରେ ଏକ ମାମଲା ରୁଜୁ କରି ପାଟଣାଗଡ଼ ଥାନା ଅଧିକାରୀ ଅନନ୍ତ ପ୍ରଧାନ ତଦନ୍ତ ଚଳାଇଥିବା ବେଳେ ଆଜି ଏକ ପିକଅପ ଭ୍ୟାନ,୨୮ ଟି ସୋଲାର ପମ୍ପ ଜବତ କରିବା ସହ ୫ ଜଣ ଅଭିଯୁକ୍ତଙ୍କୁ ଗିରଫ କରି କୋର୍ଟ ଚାଲାଣ କରିଥିବା ସୂଚନା ଦେଇଛନ୍ତି।  ବେଲପଡା ଥାନା ରଣାପଡା ଗୋବିନ୍ଦ ଠାକୁର (୨୭) ପିତା.ପ୍ରତାପ ଠାକୁର ,ବେଲପଡା ଥାନା କାନୁଟ ଗାଁ ର ଟିକେଶ୍ବର ପ୍ରଧାନ (୪୦) ପିତା.ସନ୍ତୋଷ ପ୍ରଧାନ ଓ ପାଟଣାଗଡ଼ ଥାନା ଅନ୍ତର୍ଗତ କେନ୍ଦୁମୁଣ୍ଡି ଗାଁ ରଞ୍ଜିତ ଭୋଇ (୪୦) ପିତା.ବିଜୟ ଚନ୍ଦ୍ର

ଭୋଇ,ଗଙ୍ଗାସାଗର ଗାଁ ର ଲମ୍ବୋଦର ସିଂ (୨୯) ପିତା.ହାଡୁ ସିଂ , ପାଟଣାଗଡ଼ ଥାନା ଖୁଟନାପାଣି ର ପଦ୍ମଲୋଚନ ପୁଟା (୪୫) ପିତା.କୃପା ପୁଟା କୁ ଗିରଫ କରି କୋର୍ଟ ଚାଲାଣ କରାଯାଇଥିବା ବେଳେ ଏଥିରେ ଆହୁରି କେତେ ଜଣ ସମ୍ପୃକ୍ତ ଥିବା ଡି, ଏସ୍, ପି ଜ୍ୟୋତିର୍ମୟ ଭୁକ୍ତା ପ୍ରେସବ୍ୟଜ୍ଞପ୍ତି ରେ କହିଛନ୍ତି।

(ପୂର୍ଣ୍ଣ ଶଶୀ ଶେଖର ରାଓ ଙ୍କ ରିପୋର୍ଟ )