26-Jun-2023

ବ୍ରହ୍ମପୁର (ଝିଲ୍ଲି କୁମାରୀ ସାହୁ ): ଗଞ୍ଜାମ ଦିଗ ପହଣ୍ଡିରେ ଭୟଙ୍କର ବସ୍‌ ଦୁର୍ଘଟଣା ଘଟିଛି। ସରକାରୀ ବସ୍‌ ସହ କନ୍ୟା ଯାତ୍ରୀ ବସ୍‌ ମଧ୍ୟରେ ମୁହାଁମୁହିଁ ଧକ୍କା ହୋଇଛି । ଗତକାଲି ବିଳମ୍ବିତ ରାତିରେ ଦିଗପହଣ୍ଡିର ଖେମୁଣ୍ଡି କଲେଜ ନିକଟରେ ଏହି ଦୁର୍ଘଟଣା ଘଟିଛି  l ଗଞ୍ଜାମଜିଲ୍ଲାପାଳଙ୍କ ସୂଚନା ଅନୁସାରେ  ଦୁର୍ଘଟଣାରେ ୨୦ରୁ ଅଧିକ ଯାତ୍ରୀ ଆହତ ହୋଇଛନ୍ତି  । ରାୟଗଡ଼ା ଜିଲ୍ଲା ଗୁଡାରୀରୁ ଯାତ୍ରୀଙ୍କୁ ନେଇ ଭୁବନେଶ୍ବର ଯାଉଥିଲା ସରକାରୀ ବସ । ସେହିପରି ବ୍ରହ୍ମପୁରରେ କନ୍ୟା ଯାତ୍ରୀଙ୍କୁ ଛାଡ଼ି ଘରୋଇ ବସ୍‌ ଖଣ୍ଡ ଦେଉଳି ଯାଉଥିଲା।ବିବାହ ଭୋଜିରୁ ଫେରୁଥିବାବେଳେ ଚାଲିଗଲା 12ଜଣ ଙ୍କ ନିରୀହ ଜୀବନ। କନ୍ୟା ସୋନେଲିର ବିବାହ  ଭୋଜିରେ ଯୋଗ ଦେବାକୁ ଯାଇଥିଲେ ପରିବାର ଓ ନିକଟ ସମ୍ପର୍କୀୟ । ଖୁବ୍ ଧୁମଧାମରେ ସମ୍ପନ୍ନ ହୋଇଥିଲା ବିବାହ । ଝିଅକୁ ବିଦାୟ ଦେଇ ଭୋଜି ଖାଇ ଫେରୁଥିଲେ ପରିବାର ଲୋକେ ଓ ସମ୍ପର୍କୀୟ । ଦୁଇଟି ଗାଡିରେ ଫେରୁଥିବାବେଳେ ଘରକୁ ପହଞ୍ଚିବାକୁ ମାତ୍ର କିଛି କିଲୋମିଟର ଥିବାବେଳେ ଧକ୍କା ଦେଇଥିଲା ସରକାରୀ ବସ୍ ଚାଲିଯାଇଛି ନିରୀହଙ୍କ ଜୀବନ  କିଏ ଜାଣିଥିଲା କାଳ ଛକିବସିଥିଲା ବାଟରେ ନେବାକୁ ଜୀବନ???? ମୃତ ଯାତ୍ରୀମାନେ ହେଲେ ----ରୂପାଲି ପ୍ରଧାନ, ଶିବାନୀ ପ୍ରଧାନ, ୨୫ ବର୍ଷୀୟା ସୁଜ୍ଞାନୀ ପ୍ରଧାନ , ଦେବାଂଶୁ ପ୍ରଧାନ (୨ ବର୍ଷ ),୬୨ ବର୍ଷୀୟ ସୀତାରାମ ପ୍ରଧାନ, ୬୦

ବର୍ଷୀୟ ରମେଶ ପ୍ରଧାନ, ତ୍ରିପତି ପ୍ରଧାନ (୬୦ ବର୍ଷ) ଶ୍ରୀମଣି ପ୍ରଧାନ, ଆଦ୍ୱିକ ପ୍ରଧାନ (୧ ବର୍ଷ), ସଙ୍ଗୀତା ଡାକୁଆ (୨୫ ବର୍ଷ) ରମେଶ ପ୍ରଧାନ (୬୦ ବର୍ଷ) ସଞ୍ଜୟ କୁମାର (୫୨ ବର୍ଷ) ହସ ଖୁସିଭରା ପରିବେଶ ପାଲଟି ଗଲା  ମୃତ୍ୟୁ ର କୋଳାହଳ ରେ   ।ଗୁରୁତର ଆହତଙ୍କୁ ଉଦ୍ଧାର ପରେ ବ୍ରହ୍ମପୁର ଏମକେସିଜି ମେଡିକାଲରେ ଭର୍ତ୍ତି କରାଯାଇଛି । ସେମାନଙ୍କ ମଧ୍ୟରୁ ଜଣଙ୍କ ଅବସ୍ଥା ସଂକଟାପନ୍ନ ଥିବାରୁ ତାଙ୍କୁ କଟକ ଏସସିବି ମେଡିକାଲରେ ଭର୍ତ୍ତି କରାଯାଇଛି l