15-Jun-2023

ସମ୍ବଲପୁର, (ସଂଜୀବ ପାଣିଗ୍ରାହୀ )
,କୁଣହାଁ ସମାଜ (କିସାନ, ମିର୍ଦ୍ଧI ,କୁଡ଼ା ଓ ମାଟିଆ) ରାଜ୍ୟ ସ୍ତରୀୟ କମିଟି ଦ୍ୱାରା ପ୍ରସ୍ତୁତ କରାଯାଇଥିବା ନିୟମାବଳୀ-୨୦୧୨ ର ଉପକାରିତା ଓ ଅପକାରିତା ଏବଂ ରାଜ୍ୟ ସ୍ତରୀୟ କମିଟିର କାର୍ଯ୍ୟକାରିତା ନେଇ ଆଜି ଏକ ଆଲୋଚନାଚକ୍ର ଅନୁଷ୍ଠିତ ହୋଇଯାଇଛି I ସ୍ଥାନୀୟ ତପସ୍ପିନି ପ୍ରେକ୍ଷାଳୟରେ ଓଡିଶା କୁଣହାଁ ସମାଜ (କିସାନ, ମିର୍ଦ୍ଧI ,କୁଡ଼ା ଓ ମାଟିଆ) ସଚେତନତା ମଞ୍ଚ କେନ୍ଦ୍ର,  ସମ୍ବଲପୁର ପକ୍ଷରୁ ଅନୁଷ୍ଠିତ ଏହି ଆଲୋଚନା ଚକ୍ରରେ ରାଜ୍ୟରେ ବସବାସ କରୁଥିବା ୧୪ଟି ଜ଼ିଲ୍ଲାର ପ୍ରତିନିଧି ମାନେ ଅଂଶ ଗ୍ରହଣ କରି ଏହି ନିୟମାବଳୀର ଆବଶ୍ୟକ୍ୟୟ ସଂଶୋଧନ ସମାଜ ପାଇଁ କେତେ ଉପଯୋଗୀ ମତ ପୋଷଣ କରିଥିଲେ I ଏହି ନିୟମାବଳୀର ଅନେକ ନିୟମ ସାମାଜିକ ସାମ୍ବିଧାନିକ ମୌଳିକ ଅଧିକାର, ଭାରତୀୟ ପିଙ୍ଗଳ କୋଡ଼, ମାନବାଧିକାର ଓ ହିନ୍ଦୁ ଆଇନ୍ ଏବଂ ଅଦାତଲ ର ଆଦେଶନାମା ଗୁଡିକ ଉଲଘଂନ କରୁଛି ବୋଲି ମତ ପ୍ରକାଶ ପାଇଥିଲା I ଏହା ସହିତ ବିଗତ ୨୦୦୧ ମସିହାରୁ ମଦନ ଲାଲ କିସାନ ନିଜକୁ ରାଜ୍ୟ ସଭାପତି ବୋଲାଇ ବିଭିନ୍ନ ଆଦେଶନାମା ଜାରୀ କରୁଥିବାରୁ ବୈଠକରେ ନିନ୍ଦା କରାଯାଇଥିଲା I ଆଜିକାର ଏହି ଆଲୋଚନା ଚକ୍ରରେ ବୈଠକର ନିବେଦକ ମଣ୍ଡଳୀ ସର୍ବଶ୍ରୀ ପ୍ରଫୁଲ୍ଲ କୁମାର ମିର୍ଦ୍ଧା, ସତ୍ୟ ନାରାୟଣ ପ୍ରଧାନ, ଆକାଶ ମିର୍ଦ୍ଧା, ଦିବ୍ୟରାଜ ପ୍ରଧାନ, ଅଶୋକ କୁମାର ପିଙ୍ଗ, ପରଦେଶୀ କିସାନ, ପ୍ରଭାକର କିସାନ, ରତିଲାଲ ପ୍ରଧାନ, ଭବାନୀ ଶଙ୍କର ବାଘ, ସରୋଜ କୁମାର ପ୍ରଧାନ, ବଂଶୀଧର ବାଘ, ସହଦେଵ କିସାନ, ଡ଼ା.ମହେନ୍ଦ୍ର ଏକ୍କା ପ୍ରମୁଖ ମଞ୍ଚାସିନ ଥିଲେ I ପରିଶେଷରେ କୁମର ମଣି କିସାନ ଧନ୍ୟବାଦ ଅର୍ପଣ କରିଥିଲେ I