31-May-2023

ପାଟଣାଗଡ଼(ଦିଲୀପ ପଣ୍ଡା): ଓଡିଶା କେନ୍ଦୁପତ୍ର କର୍ମଚାରୀ ସଂଘର ଆହ୍ବାନ କ୍ରମେ ଆଜି ପାଟଣାଗଡ ଡିଭିଜନ ପକ୍ଷରୁ ଓଡ଼ିଶା କେନ୍ଦୁପତ୍ର କର୍ମଚାରୀ ସଂଘର ରାଜ୍ୟ ସମ୍ପାଦକ ଶିବାନନ୍ଦ ପରିଛାଙ୍କ ନେତୃତ୍ବରେ  ଏକ ବିଶାଳ ଶୋଭାଯାତ୍ରା ମାରୱ।ଡି ଧର୍ମଶାଳା ଠାରୁ ବାହାରି ସହର ପରିକ୍ରମା କରି ଉପ ଜିଲ୍ଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ପହଞ୍ଚିଥିଲା । ଏହି ଅବସରରେ ସେଠାରେ ଏକ ସଭା  ଅନୁଷ୍ଠିତ ହେବାପରେ ମୁଖ୍ୟମନ୍ତ୍ରୀଙ୍କ ଉଦ୍ଧେଶ୍ୟରେ ଉପଜିଲ୍ଲାପାଳ ଓ ସହକାରୀ ଜିଲ୍ଲାପାଳ ଅନୁପସ୍ଥିତ ଥିବାରୁ ତହସିଲଦାର ଲକ୍ଷ୍ମଣ ମାଝିଙ୍କ ଜରିଆରେ ଦାବିପତ୍ର ପ୍ରଦାନ କରାଜାଇଥିଲା। କେନ୍ଦୁପତ୍ର ତୋଳାଳୀଙ୍କୁ ଥରେ ବୋନସ ଦେବାବନ୍ଦ ହେଲେ ଭବିଷ୍ୟତ ପାଇଁ ଏହି ବ୍ୟବସ୍ଥା ଆଉ ରହିବନାହି । ବୋନସ କେନ୍ଦୁପତ୍ର ଶ୍ରମିକଙ୍କ ହକ ଓ ଅଧିକାର ଅଟେ । କେନ୍ଦୁପତ୍ର ତୋଳାଳୀ ଓ କର୍ମଚାରୀ ଦୟାର ପାତ୍ର ନହୋଇ ପୁର୍ବ ଅଧିକାରକୁ ସାବ୍ୟସ୍ତ କରିବେ । କେଏଲଡିବି ବୋର୍ଡର ମତାମତ ନନେଇ ଏକଚାଟିଆ ଭାବରେ ନିଆଯାଉଥିବା ବିଭିନ୍ନ ନିଷ୍ପତ୍ତି ଓ ଘୋଷଣା ଶ୍ରମିକଙ୍କ ହିତ ବିରୋଧରେ ଜାଉଥିରୁ ଏହାକୁ ବିରୋଧ କରିବା ସହ ତୁରନ୍ତ କେଏଲଡିବି ବୈଠକ ଆହ୍ବାନ ପାଇଁ ଦାବିକରୁଛୁ ବୋଲି ଓଡ଼ିଶା କେନ୍ଦୁପତ୍ର କର୍ମଚାରୀ ସଂଘ ରାଜ୍ୟ ସମ୍ପାଦକ ଶିବାନନ୍ଦ ପରିଛା  ଅନୁଷ୍ଠିତ ସଭାରେ ମତବ୍ୟକ୍ତ କରିଥିଲେ । ସେହିପରି କେନ୍ଦୁପତ୍ର ଉପରେ ଲଗାଯାଉଥିବା ଜିଏସଟି ଉଚ୍ଛେଦ ସହ କେନ୍ଦୁପତ୍ର ସସ୍ଥାର ଘରୋଇ କରଣରୁ ସରକାର ନିବୃତ ରହିବା ପାଇଁ ଅନୁଷ୍ଠିତ ସମାବେଶରେ ଓଡିଶା କେନ୍ଦୁପତ୍ର ୱ।ଲଫେୟାର ବୋଡ ଉପଦେଷ୍ଟା ତଥ ସଂଘ ସମ୍ପାଦକ ସଞ୍ଜୀତ ମହାନ୍ତି ମଧ୍ୟ ମତବ୍ୟକ୍ତ କରିଥିଲେ । ରାଜ୍ୟ ସଭାପତି ଓ ସମ୍ପାଦକ ଙ୍କ ଉପସ୍ଥିତିରେ ବକ୍ତାମାନେ ବିଭିନ୍ନ ଦାବି ଉପସ୍ଥାପନା କରିଥିଲେ । କେନ୍ଦୁପତ୍ର ତୋଳାଳୀ ,ସିଜିନାଳ କର୍ମଚାରୀ ଏବଂ ବନ୍ଧେଇ ଶ୍ରମିକ ମାନେ ୨୦୧୪-୧୫ ମସିହାରେ ତଥା ପ୍ରୋତ୍ସାହନ ଏବଂ ସାମାଜିକ ନିରାପତ୍ତା ମୂଳକ ବିଭିନ୍ନ ସହାୟତା ୨୦୨୨ ମସିହା ପର୍ଯ୍ୟନ୍ତ ପାଇଛନ୍ତି । ତେବେ ୨୦୨୨ ବର୍ଷ କେନ୍ଦୁପତ୍ର ସଂସ୍ଥାର ଲାଭାଂଶ ବାବଦ ବୋନସ ଦିଆଜାଉନାହି । ଏଭଳି ସ୍ଥିତିରେ କେନ୍ଦୁପତ୍ର ତୋଳାଳୀ, ସିଜିନାଳ କର୍ମଚାରୀ ଓ ବନ୍ଧେଇ ଶ୍ରମିକ ମାନେ କ୍ଷତିଗ୍ରସ୍ତ ହେବାକୁ ଯାଉଛନ୍ତି । ଆର୍ଥିକ ସହାୟତା ନାମରେ ଦିଆଜାଉଥିବା ୧ ହଜାର ଟଙ୍କା ଏବଂ ୧୫ ସହ ଟଙ୍କା ସରକାର ନିଜରାଜ କୋସରୁ ଦେଲେ ସଂଘ ତାକୁ ସ୍ଵାଗତ କରିବ । କିନ୍ତୁ ବୋନସ ନଦେଲେ ଳକ୍ଷଳକ୍ଷ ତୋଳାଳୀ ଏବଂ ଅଧିକାଂଶ କର୍ମଚାରୀ ଖ୍ୟତିଗ୍ରସ୍ତ ହେବେବୋଲି ଏହି ଅବସରରେ ମତପ୍ରକାଶ ପାଇଥିଲା । କନ୍ୟା ବିବାହ ପାଇଁ ୫୦ ହଜାର ଟଙ୍କା ସାମାଜିକ ନିରାପତ୍ତା ସହାୟତା, ଦୀର୍ଘ ୫ ବର୍ଷ ହେଲା ସିଜିନାଳ କର୍ମଚାରୀ ଙ୍କ ମାସିକ ମଜୁରୀ ବୃଦ୍ଧି କରାଯାଉନାହିଁ । ଅତିଶିଘ୍ର ସର୍ବନିମ୍ନ ମଜୁରୀ ଘୋଷଣା ପାଇଁ ଦାବିକରାଜାଉ । ମୁଖ୍ୟମନ୍ତ୍ରୀ ଘୋଷଣା କରିଥିବା ଛାତ୍ର ବୃତ୍ତି ଓ ବିଜୁ ସ୍ଵାସ୍ଥ୍ୟ କଲ୍ୟାଣ ଯୋଜନା ବର୍ତ୍ତମାନ ଅଧାପନ୍ତରିଆ ରହିଥିବାରୁ ଏହାକୁ ଅତିଶିଘ୍ର କାର୍ଯ୍ୟକାରୀ କରିବାକୁ ଦାବିପତ୍ରରେ ଉଲ୍ଲେଖ ରହିଛି । ଏହି ସୋଭାଯାତ୍ରାରେ ପାଟଣାଗଡ଼ ଡିଭିଜନର ହଜାର ଜଜାର ତୋଳାଳୀ , ସିଜିନାଳ କର୍ମଚାରୀ ଙ୍କ ସହ ବନ୍ଧେଇ ଶ୍ରମିକଙ୍କ ମାନେ ଉପସ୍ଥିତ ଥିଲେ ।