18-May-2023

ବଲାଙ୍ଗିର(ଦେବାଶିଷ ବହିଦାର) ଆଜି ସ୍ଥାନୀୟ ରେଲୱେ ଷ୍ଟେସନ ସ୍ଥିତ କରାଟେ ସ୍କୁଲରେ ବଲାଙ୍ଗିର ଜିଲ୍ଲା ଯୁବ କୁଲୁତା ସମାଜ ତରଫରୁ ଏକ ପ୍ରସ୍ତୁତି ବୈଠକ ଅନୁଷ୍ଠିତ ହୋଇଯାଇଛି । ଆସନ୍ତା ମେ ୧୭ ରୁ ୨୦ ପର୍ଯ୍ୟନ୍ତ ପଶ୍ଚିମ ଓଡିଶା ଅନ୍ୟତମ ପର୍ଯ୍ୟଟନ ସ୍ଥଳି ଭୀମଡୁଙ୍ଗୁରି ଠାରେ ଭୀମ ପାହାଡ ମହୋତ୍ସବ ଅନୁଷ୍ଠିତ ହେବାକୁ ଯାଉଛି । ଏହି ଉତ୍ସବରେ ଆସନ୍ତା ୨୦ ତାରିଖ ରେ ଶ୍ରଦ୍ଧାଳୁ ମାନଙ୍କ ପାଇଁ  ବଲାଙ୍ଗିର ଜିଲ୍ଲା ଯୁବ କୁଲୁତା ସମାଜ ତରଫରୁ ଏକ ଅନ୍ନଛତ୍ର ଖୋଳାଯିବା ପାଇଁ ସ୍ଥିରିକୃତ ହୋଇଛି । ଏଥି ପାଇଁ ଭୀମପାହାଡ ମହୋତ୍ସବ କମିଟିକୁ ଜଣାଇଦିଆଯାଇଥିବା ଜିଲ୍ଲା ଯୁବ କୁଲୁତା ସମାଜ ସଭାପତି ଅସୀମ କୁମାର ଭୋଇ ସୂଚନା ଦେଇଛନ୍ତି । ଆଜିକାର ଏହି ପ୍ରସ୍ତୁତି ବୈଠକରେ ସଂପାଦକ ଭୁବନେଶ୍ୱର ଭୋଇ, ସହ-ସଂପାଦକ ରୋହିତ ବିଶ୍ୱାଲ, ଉପ- ସଭାପତି ରୋଶନ ପଧାନ ଓ ଜିତେନ୍ଦ୍ର ବିଶ୍ୱାଲ, କୋଷାଧ୍ୟକ୍ଷ ଅମିତ ବାରିକ, ଜିଲ୍ଲା ସଭ୍ୟ ପ୍ରକାଶ ପ୍ରଧାନ, ଅସ୍ମିତ ପ୍ରଧାନ, ଉପେନ୍ଦ୍ର ପ୍ରଧାନ, ସୁଧିର ସା, ମୁକେଶ ପ୍ରଧାନ, ଦିନେଶ ପ୍ରଧାନ, ଗଙ୍ଗାଧର ସା, ବାସୁଦେବ ସାହୁ, ସୁଦାମ ପ୍ରଧାନ, ଝୁନୁ ପ୍ରଧାନ ଓ ଉପଦେଷ୍ଟା ଶ୍ରୀମନ୍ତ ଗଡତ୍ୟା ପ୍ରମୁଖ ଉପସ୍ଥିତ ଥିଲେ ।