18-Apr-2023

ବୀରମହାରାଜପୁର, (ବିନୋଦ ପାଣ୍ଡେ) : ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ବ୍ଲକ ଅନ୍ତର୍ଗତ ଜଟେସିଂହା ହରିହର ଜୋର ପୋଲ ଉପରେ ଗର୍ତ୍ତ ସୃଷ୍ଟି ହୋଇ ବିପଦ ସଙ୍କୁଳ ଅବସ୍ଥିତ ରହିଥିଲା। ଏଠାରେ ତିନି ଜଣ ବାଇକ ଚାଳକ ଗର୍ତ୍ତରେ ପଡ଼ି ଦୁର୍ଘଟଣା ଶିକାର ହେବା ସହ ଆହତ ହୋଇଥିବା ଜଣାଯାଇଥିଲା। ଏକ ସମସ୍ୟା ଭିତ୍ତିକ ଖବର 'ମଣିଷ ମଲେ ଚେତିବ ପୂର୍ତ୍ତ ବିଭାଗ '  ନେଇ ଗତକାଲି ‌'ପ୍ରେରଣା' ଖବରକାଗଜରେ ପ୍ରକାଶିତ ହୋଇଥିଲା। ଏହାକୁ ନେଇ ସାମାଜିକ କର୍ମୀ ରମେଶ କୁମାର ମେହେର 'ମୋ ସରକାର' , ଜିଲ୍ଲା ପ୍ରଶାସନ ଓ ବିଭାଗୀୟ ଅଧିକାରୀଙ୍କୁ ଟୁଇଟ ଯୋଗେ ଅଭିଯୋଗ କରିଥିଲେ। ଖବର ପ୍ରକାଶିତ ୧୨ ଘଣ୍ଟା ଭିତରେ ବିଭାଗୀୟ ଅଧିକାରୀଙ୍କ ନିର୍ଦ୍ଦେଶ କ୍ରମେ ତୁରନ୍ତ ମରଣଯନ୍ତା ଗର୍ତ୍ତକୁ ମରାମତି କରିଥିବା ଦେଖିବାକୁ ମିଳିଛି।‌ ଏନେଇ ସ୍ଥାନୀୟ ଜନସାଧାରଣ ତଥା ପଥଚାରୀମାନେ  ଖବରକାଗଜକୁ ସାଧୁବାଦ ଜଣାଇଛନ୍ତି।