18-Apr-2023

ଧର୍ମଗଡ଼ ( ଜ୍ୟୋତିରଞ୍ଜନ ବେମାଲ )
କଳାହାଣ୍ଡି ଜିଲ୍ଲା କୋକସରା ଥାନା  ନୂନପାଣି ଗ୍ରାମରେଏକ ଅଭାବନୀୟ ଘଟଣା ଦେଖିବା କୁ ମିଳିଛି। ପ୍ରେମିକର ଦେଇଥିବା ବିଷ ଖାଇ ଜଣେ ନାବାଳିକା ଙ୍କ ମୃତ୍ୟୁ ହୋଇଥିବା ଅଭିଯୋଗ ହୋଇଛି lସୂଚନା ମତେ ନୁନପାଣି ଗ୍ରାମର ରିମା ନାଗ( ଛଦ୍ମନାମ) ନାମକ ନାବାଳିକାଙ୍କ ବୁର୍ଲା ଠାରେ ଚିକିତ୍ସା ଅବସ୍ଥାରେ ମୃତ୍ୟୁ ହୋଇଛି।ସୂଚନା ଯେ,ରିମା ନାଗ ଓ ଗ୍ରାମର ସମୀର ପୁଝାରି ନାମକ ଯୁବକଙ୍କ ସହ ଦୀର୍ଘ ୨ବର୍ଷ ଧରି ପ୍ରେମ ସମ୍ପର୍କ ଗଢି ଉଠିଥିଲା।ତେବେ ଉଭୟ ଭିନ୍ନ ଜାତିର ହୋଇଥିବା ଯୋଗୁଁ ପ୍ରେମ ରେ ଏକ ପ୍ରକାର ଫାଟ ସୃଷ୍ଟି ହୋଇଥିଲା।ରିମା ନିଜର ସର୍ବସ୍ବ ସମୀର ପାଖରେ ଅର୍ପଣ କରିଥିବା ବେଳେ ବିବାହ ବନ୍ଧନ ରେ ବାନ୍ଧି ହେବା କୁ ଅଡି ବସିଥିଲ।ହେଲେ ସମୀର ଭିନ୍ନ ଜାତିର ହୋଇଥିବା ନେଇ ବିବାହକୁ ଅସ୍ଵୀକାର କରି ରିମାକୁ ଶେଷ ରେ ବିଷ  ପିଇ ମରିଯିବା କୁ କହି ବିଷ ଆଣି ଦେଇ ଥିବା ପରିବାର ଲୋକେ ଅଭିଯୋଗ କରିଛନ୍ତି।ଶେଷରେ ପ୍ରେମିକା ରିମା ନିରାଶ ହୋଇ ସମୀର ଦେଇଥିବା ବିଷକୁ ଗତ ମାସ ୧୯ତାରିଖ ଦିନ  ସମୀରଙ୍କ ଘର ଆଗରେ ପିଇଥିଲେ। ଗୁରୁତର ଭାବେ ଉଦ୍ଧାର  କରି ସମୀର ର ବାପା ମାଆ ପ୍ରଥମେ ଧର୍ମଗଡ, ପରେ ଭବାନୀପାଟଣା ଆଉ ଶେଷରେ ବୁର୍ଲା ଡାକ୍ତରଖାନା ରେ ଭର୍ତ୍ତି କରି ଚିକିତ୍ସା କରାଇ ଥିଲେ। ଶେଷରେ ମୃତ୍ୟୁ ସହ ସଂଗ୍ରାମ କରୁଥିବା ରିମା  ଚିକିତ୍ସା ଅବସ୍ଥାରେ ମୃତ୍ୟୁ ହୋଇଥିଲା।ମୃତ ଦେହ ଗାଁ କୁ ୧୭ ତାରିଖ ସନ୍ଧ୍ୟାରେ ପହଞ୍ଚିବା ପରେ ରିମାର ପରିବାର ନିଜ ଘରକୁ ନ ଆଣି ସିଧାସଳଖ ସମୀରଙ୍କ ଘର ସମ୍ମୁଖରେ ରଖି ସମୀର ଙ୍କ ଗିରଫ ଦାବିରେ ଅଡ଼ି ରହିଥିଲେ। ଏହି ଘଟଣା କୁ ନେଇ ରିମାର ବାପା ଗତ ୨୨ତାରିଖ ଦିନ କୋକସରା ଥାନାରେ ଅଭିଯୋଗ କରିଥିଲେ। ପୋଲିସ ଘଟଣା ସ୍ଥଳ କୁ ଆସି ଉଭୟ ପରିବାର କୁ ବୁଝାସୁଝା ପରେ ମଧ୍ୟ ପ୍ରାୟ ୧୫ ଘଣ୍ଟା ପ୍ରେମିକର ଘର ଆଗରେ ଶବ ପଡ଼ି ରହି ଥିଲା। ଶବ ସତ୍କାର ପାଇଁ ଉଭୟ ପରିବାର ରାଜି ନ ହେବାରୁ   ଗଣମାଧ୍ୟମ ପ୍ରତିନିଧି ଆଗକୁ ଆସିଥିଲେ । ସାମ୍ୱାଦିକ ଲକ୍ଷ୍ୟଜ୍ୟୋତି ଜାଲ ,ସୋଭିତ ଗାନ୍ଧୀ, ଦିଲୀପ ଦୁରିଆ, ସୁଧୀର ଗୋପାଳ, ସୁବାସ ବାଗ,ବାଳକୃଷ୍ଣ ନାଏକ,ରାଜେଶ୍ ନାଏକ ,ଚନ୍ଦ୍ର ଲହଜଳ , ବେହେରା ସରପଂଚ ପ୍ରତିନିଧି ଭାବେଶ୍ ଗଇନ୍ତା, ସମିତି ସଭ୍ୟ କିଶୋର ନାଗ, ନାଏବ ସରପଂଚ, ପିଣ୍ଟ ତିୱାରୀ ଙ୍କ ସହଯୋଗରେ ଧର୍ମଗଡ଼ ତହସିଲଦାର ହରେକୃଷ୍ଣ ବରିହା ଓ କୋକସରା ଥାନା ଅଧିକାରୀ ପ୍ରସନ୍ନ ବେହେରା  ଙ୍କ ଉପସ୍ଥିତିରେ ଶବ ସତ୍କାର କରାଯାଇଥିଲା ।