11-Apr-2023

ବୀରମହାରାଜପୁର,( ବିନୋଦ ପାଣ୍ଡେ) : ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ବନାଞ୍ଚଳ ଅଧିନସ୍ଥ ସୁବଳୟା ରେଞ୍ଜ ଅନ୍ତର୍ଗତ ଚନ୍ଦଳି  ସଂରକ୍ଷିତ ଜଙ୍ଗଲରେ ଥିବା ଫରେଷ୍ଟ ବିଟ ହାଉରେ ଫରେଷ୍ଟ ଗାର୍ଡ ରହୁନଥିବା ଦେଖିବାକୁ ମିଳିଛି। ଉକ୍ତ ସଂରକ୍ଷିତ ଜଙ୍ଗଲର  ସୁରକ୍ଷା ତଥା ବନ୍ୟଜନ୍ତୁ ଶିକାର ଉପରେ ସୁରକ୍ଷା ପାଇଁ ଫରେଷ୍ଟ ଗାର୍ଡ ନିଯୁକ୍ତି ସହ ରହିବା ପାଇଁ ସରକାରଙ୍କ ରାଜସ୍ବରୁ ଲକ୍ଷାଧିକ ଟଙ୍କା ବ୍ୟୟରେ ବାସ ଗୃହ ନିର୍ମାଣ କରାଯାଇଛି। ହେଲେ ଏଠାରେ ନିର୍ମାଣ ଦିନ ଠାରୁ ଦିନ ଟିଏବି କୈାଣସି କର୍ମଚାରୀ ରହିନାହାନ୍ତି। ଏହି ଗୃହଟି ୨୦୧୨ ମସିହାରେ ନିର୍ମାଣ ହୋଇଥିଲେ ମଧ୍ୟ ପ୍ରତ୍ୟେକ ବର୍ଷ ଘର ମରାମତି ନାଁ ରେ ଲକ୍ଷାଧିକ ଟଙ୍କା ବ୍ୟୟ ବରାଦ କରାଯାଉଛି। ଏଠାରେ କାର୍ଯ୍ୟରତ ଫରେଷ୍ଟ ଗାର୍ଡ ରହୁନଥିବା ସୁଯୋଗ ନେଇ କାଠ ମାଫିଆ ମାନେ ଦିନ ଦ୍ବିପହରରେ ମୂଲ୍ୟବାନ ଗଛ କାଟି ନେଉଥିବା ଅଭିଯୋଗ ହେଉଛି। ଏବଂ ସନ୍ଧ୍ୟା ହେଲେ ଶିକାରୀ ମାନେ ନିରିହ ବନ୍ୟଜନ୍ତୁଙ୍କୁ  ଶିକାର ଉଦ୍ଦେଶ୍ୟରେ ଚନ୍ଦଳି ପାହାଡ଼ରେ ରହୁଥିବା ଜଣାଯାଇଛି। ଏନେଇ ଫରେଷ୍ଟ ଗାର୍ଡ ଙ୍କୁ ଫୋନ ଯୋଗେ ଯୋଗାଯୋଗ କରାଯିବାରୁ ମୋବାଇଲ ସୁଇଅପ୍ ରହିଥିବାରୁ ପ୍ରତିକ୍ରିୟା ମିଳିପାରିନାହିଁ। ଜିଲ୍ଲା ପ୍ରଶାସନ ଓ ବିଭାଗର ଉଚ୍ଚ କର୍ତ୍ତୃପକ୍ଷ ଏଥିପ୍ରତି ଦୃଷ୍ଟି ଦେବା ସହ ବିହିତ ପଦକ୍ଷେପ ନେବାକୁ ଜନସାଧାରଣ ଦାବି ହେଉଛି।