10-Apr-2023

ଭବାନୀ ପାଟଣା(ତ୍ରିନାଥ ବେଶ୍ରା )
 ତୁଳସୀ ଦୁଇ ପତ୍ରରୁ ବାସିବା ପରି ବାଳକ ଅବସ୍ଥାରୁ ହିଁ ସହଦେବ ବୁଦ୍ଧିଆ ଅଞ୍ଚଳରେ ସମସ୍ତଙ୍କର ପ୍ରିୟ ପାତ୍ର ହୋଇପାରିଥିଲେ। ବାପା ଲାଲସାଏ ବୁଦ୍ଧିଆ ମାତା ପ୍ରେମଲତା ବୁଦ୍ଧିଆଙ୍କ ଠାରୁ ୦୧/୦୧/୧୯୬୦ ମସିହାରେ କଳାହାଣ୍ଡି ଜିଲ୍ଲା କେସିଙ୍ଗା ବ୍ଲକ ଅନ୍ତର୍ଗତ ଅଧମୁଣ୍ଡା ପଞ୍ଚାୟତ ସୋରିଙ୍ଗପଦର୍ ଗ୍ରାମରେ ଜନ୍ମ ଗ୍ରହଣ କରିଥିଲେ । ପ୍ରଥମକରି ସୋରିଙ୍ଗପଦ ନିମ୍ନ ପ୍ରାଥମିକ ବିଦ୍ୟାଳୟରେ ବିଦ୍ୟା ଅଧ୍ୟୟନ ଆରମ୍ଭ କରିଥିଲେ। ଶିଶୁ ଅବସ୍ଥାରୁ ହିଁ ମିଷ୍ଠାଭାଷୀ, ସରଳ ଶାନ୍ତ ସ୍ୱାଭାବ୍ ର ହୋଇଥିବାରୁ ସମସ୍ତଙ୍କର ମନଜିଣି ପାରିଥିଲେ । ଯୁବକ ଅବସ୍ଥାରେ କର୍ଲାପଡା ଉଚ୍ଚ ପ୍ରାଥମିକ ବିଦ୍ୟାଳୟରେ ଅଧ୍ୟୟନ କରୁଥିବା ସମୟରେ ହିଁ ଶିକ୍ଷକ ହୋଇ ନିଜ ଜିଲ୍ଲାର ମାନବଢାଇବା ପାଇଁ ଶିକ୍ଷକ ହେବି ବୋଲି ମନରେ ଶପଥ ନେଇ କର୍ମମୟ ଜୀବନ ଆରମ୍ଭ କଲେ। ଶିକ୍ଷକ ରୂପରେ ୧୯୮୦ ମସିହାରେ ପ୍ରଥମେ କେସିଙ୍ଗା ବ୍ଲକର ତେନ୍ତୁଳିଚୁଆଁ ବିଦ୍ୟାଳୟ ଠାରେ ନିଜ ଶିକ୍ଷକତା ଆରମ୍ଭ କରି ଶିକ୍ଷାର ମାନ ବୃଦ୍ଧି ପାଇଁ ପ୍ରାଣେ ପ୍ରାଣେ ସତଚେଷ୍ଟା କରି ରାଜ୍ୟ ସରକାରଙ୍କର ଦ୍ୱାରା ହାତକୁ ନିଆଁ ଯାଇଥିବା ଯୋଜନାର ସଫଳରୂପ ଦେଇ କୃତକାର୍ଯ୍ୟ ହୋଇ ବିଭିନ୍ନ ସମୟରେ ଶିକ୍ଷା ପାଇଁ ବିଭିନ୍ନ ମହଲରେ ପୁରସ୍କାର ପ୍ରାପ୍ତ କରିଥିଲେ। ରାଜ୍ୟ ସ୍ତରୀୟ ସର୍ବ ଶ୍ରେଷ୍ଠ ବିଦ୍ୟାଳୟ ପରିଚାଳନା କମିଟି ପୁରସ୍କାର, ବୋରଗୁଡା ପ୍ରକଳ୍ପ ଉଚ୍ଚ ପ୍ରାଥମିକ ବିଦ୍ୟାଳୟ ପାଇବା ସହ
ପଛକୁ ଆଉ ଫେରି ନଚାହିଁ ପିଲାଟି ଦିନରୁ ଦେଖିଥିବା ସପନକୁ ସାକାର କରିବା ପାଇଁ ଲାଗିପଡ଼ି ଜିଲ୍ଲା ତଥା ରାଜ୍ୟ ସରକାରଙ୍କ ଦୃଷ୍ଟିକୁ ଆସିଥିଲେ ତାଙ୍କର କାର୍ଯ୍ୟ ପାଇଁ ୨୦୧୭ ମସିହାରେ ରାଜ୍ୟ ସରକାର (ରାଜ୍ୟପାଳ) ଶିକ୍ଷକ ପୁରସ୍କାରରେ ପୁରସ୍କୃତ କଲେ। ସେ ଶିକ୍ଷକ ଥିବା ସମୟରେ ତାଙ୍କ ମାସିକ ବେତନକୁ ମଧ୍ୟ ବିଭିନ୍ନ ବିଦ୍ୟାଳୟ ର ଉନ୍ନୟନ ମୂଳକ କାର୍ଯ୍ୟରେ ଲଗାଈ ସେ ଅଞ୍ଚଳରେ ଛାତ୍ର ଛାତ୍ରୀ ତଥା ଅବିଭାବକ ମହଲରେ ବହୁ ଲୋକପ୍ରିୟତା ହାସଲ କରିପାରିଥିଲେ। ତାଙ୍କର ପ୍ରଚେଷ୍ଠାରେ ସ୍କୁଲ ପାଚେରୀ, ରାସ୍ତା, ଲାଇବ୍ରେରୀ ହଲ ଏପରି ବହୁବିଦ୍ୟାଳୟ ମାନଙ୍କରେ ତାଙ୍କର ଛାପ ଛାଡି ଯାଇଛନ୍ତି । ଯାହା ଆଗାମୀ ପିଢ଼ି ପାଇଁ ଉଦାହରଣ ହେବ। ଥୁଆମୂଳ ରାମପୁର ବ୍ଲକପରି ଦୁର୍ଗମ ଅଞ୍ଚଳରେ ବିଦ୍ୟାଳୟର ତାଙ୍କର ଛାତ୍ରଛାତ୍ରୀ ଦେଇଛନ୍ତି। ଏ ଅଞ୍ଚଳ ଦୁର୍ଗମରୁ ଦୁର୍ଗମ ଅଟେ ରାସ୍ତା ଘାଟ ବାଧକ ଥିଲେ ମଧ୍ୟ ଲକ୍ଷଚୂତ୍ୟ ନହୋଇ ଶିକ୍ଷାର ମାନ ବଢାଇବା ପାଇଁ ପାଦରେ ଚାଲି ଚାଲି ଗ୍ରାମ ଗ୍ରାମ ବୁଲି ଶିଶୁମାନଙ୍କୁ ବିଦ୍ୟାଳୟରେ ନାମ ଲେଖାଇ ସରକାରଙ୍କ ଦ୍ୱାରା ପରିଚାଳିତ ହୋଇଥିବା ସୁରଭି କାର୍ଯ୍ୟକ୍ରମରେ ନିଜ ବିଦ୍ୟାଳୟରୁ ୯ ଜଣ ଛାତ୍ରଛାତ୍ରୀ ପ୍ରଥମ ପୁରସ୍କାର ପାଇ ପାରିଥିଲେ । ଏହା ତାଙ୍କ କାର୍ଯ୍ୟ ଦକ୍ଷତାର ପରିଚୟ ଚାରିଆଡେ ବିଛୁରିତ ହେଲା। ଏହା ଭିତରେ ସେ ବେସରକାରୀ ସଂସ୍ଥା ଙ୍କୁ ମଧ୍ୟ ନିଜ ମିଷ୍ଠାଭାଷ ଦ୍ୱାରା ନିଜରକରି ନିଜ ବିଦ୍ୟାଳୟ ର ଗଠନ ମୂଳକ କାର୍ଯ୍ୟରେ ସହଯୋଗ ପାଇଥିଲେ। ବିଦ୍ୟଲୟର ତଥା ଛାତ୍ରଛାତ୍ରୀଙ୍କ ସୁବିଧା ପାଇଁ ମୋ ସ୍କୁଲ କାର୍ଯ୍ୟକ୍ରମରେ ନିଜ ୫୦,୦୦୦ ଟଙ୍କା ଦାନ କରିବାରେ ପଛଘୁଞ୍ଚା ଦେଇନାହାନ୍ତି। ୩୧/୧୨/୨୦୧୯ ମସିହାରେ ଶିକ୍ଷକତା ଜୀବନୀରୁ ଅବସର ପ୍ରାପ୍ତ ଗ୍ରହଣ କଲେ। ତାଙ୍କ ବିଦାୟକାଲିନ ପରେ ମଧ୍ୟ ତାଙ୍କ ଲକ୍ଷ ଏବେ ମଧ୍ୟ ସରିନାହିଁ। ବିଦାୟ ପରେ ମଧ୍ୟ ନିଜ ଜନ୍ମ ଗ୍ରାମରେ ରହି ଶିକ୍ଷା ସହ ସମାଜର ବିଭିନ୍ନ ଉନ୍ନୟନ ମୂଳକ କାର୍ଯ୍ୟରେ ନିଜକୁ ନିୟୋଜିତ କରି ଶେଷ ଜୀବନଯାଏଁ କାର୍ଯ୍ୟ କରିବାକୁ ଆମ ଗଣମାଧ୍ୟାମ ପ୍ରତିନିଧିଙ୍କ ଠାରେ ପ୍ରକାଶ କରିଛନ୍ତି।