30-Mar-2023

ଭବାନୀ ପାଟଣା(ତ୍ରିନାଥ ବେଶ୍ରା )
କଂଗ୍ରେସ ନେତା ରାହୁଲ ଗାନ୍ଧୀଙ୍କ ସାଂସଦ ପଦ ରଦ୍ଦର ପ୍ରତିବାଦରେ କଳାହାଣ୍ଡି ଜିିଲ୍ଲା ଭବାନୀପାଟଣା ସ୍ଥାନୀୟ ଗାନ୍ଧୀପାର୍କ ଠାରେ ଜିଲ୍ଲା କଂଗ୍ରେସର ଆଦିବାସୀ ଶାଖା ତରଫରୁ ସତ୍ୟାଗ୍ରହ ଅନୁଷ୍ଠିତ ହୋଇଥିଲା। ଅଖିଳ ଭାରତୀୟ କଂଗ୍ରେସ କମିଟି ଓ ପ୍ରଦେଶ କଂଗ୍ରେସ କମିଟି ନିର୍ଦେଶ କ୍ରମେ, କଳାହାଣ୍ଡି ଜିଲ୍ଲା କଂଗ୍ରେସ କମିଟି ଆଦିବାସୀ ବିଭାଗ ତରଫରୁ ଆଜି ଭବାନୀପାଟଣା ସହର ସ୍ଥିତ ଗାନ୍ଧୀପାର୍କ ର ଗାନ୍ଧୀ ମୂର୍ତ୍ତି ତଳେ ଶାନ୍ତିପୂର୍ଣ ସତ୍ୟଗ୍ରହ ଓ ଗଣଧାରଣା ଶେଷଦେବ ମାଝୀ ଙ୍କ ସଭାପତିତ୍ୱ ରେ ବସିଥିଲା, ଏହି କାର୍ଯ୍ୟକ୍ରମ ରେ ରାଜ୍ୟ ଉପସଭାପତି ପରମାନନ୍ଦ ମାଝୀଙ୍କ ନେତୃତ୍ୟରେ କଂଗ୍ରେସ ନେତୃବୃନ୍ଦ ମହାତ୍ମା ଗାନ୍ଧୀଙ୍କୁ ପୁଷ୍ପମାଲ୍ୟ ଦେଇ ସତ୍ୟାଗ୍ରହ ଆରମ୍ଭ କରିଥିଲେ। ସଂସଦରେ ରାହୁଲ ଗାନ୍ଧୀ ଚଳିତ ମାସ ୭ ତାରିଖରେ ପ୍ରଧାନ ମନ୍ତ୍ରୀ ନରେନ୍ଦ୍ର ମୋଦି ଓ ଶିଳ୍ପପତି ଗୌତମ ଆଦାନୀଙ୍କ ସମ୍ପର୍କକୁ ନେଇ   ପ୍ରଶ୍ନ କରିଥିଲେ। ମାତ୍ର କେନ୍ଦ୍ର ସରକାରଙ୍କ ସଂସଦକୁ ଦୀର୍ଘଦିନ ଅଚଳ କରି ରଖିଥିଲେ। ଏକ ମାନହାନି ମାମଳାରେ କୋର୍ଟ ଦଣ୍ଡାଦେଶ ଦେବାପରେ ରାହୁଲଙ୍କ ଲୋକସଭା ପଦ ରଦ୍ଦ କରିଦିଆଗଲା । ବିଗତ ୯ ବର୍ଷ ଭିତରେ ଦେଶର ଗଣତନ୍ତ୍ରର ପରମ୍ପରାକୁ ସମ୍ପୂର୍ଣ୍ଣଭାବେ ଧୂଳିସାତ କରି ଦିଆଯାଇଛି। ଯେଉଁମାନେ ସରକାର ଓ ସରକାରଙ୍କ କାର୍ଯ୍ୟକଳାପ ବିରୋଧରେ ପ୍ରଶ୍ନ କରୁଛନ୍ତି ସେମାନଙ୍କୁ ବିଭିନ୍ନ ବାବଦରେ ଛନ୍ଦି ଦିଆଯାଉଛି ବୋଲି କଂଗ୍ରେସ ଆଦିବାସୀ ନେତା ଶ୍ରୀଯୁକ୍ତ ପରମାନନ୍ଦ ମାଝୀ ମନ୍ତ ପ୍ରକାଶ କରିଛନ୍ତି। ଏହି ସତ୍ୟାଗ୍ରହରେ ଏସଟି ସେଲ କଳାହାଣ୍ଡି, ସଭାପତି ଶ୍ରୀଯୁକ୍ତ ଶେଷଦେବ ମାଝୀ,
 ବ୍ରଜମୋହନ ସାହୁ, କୁମୁଦ ପଟ୍ଟନାୟକ, ସୁରେଶ ପଟ୍ଟନାୟକ, ଶ୍ରୀଯୁକ୍ତ
ସରୋଜ ବାଗ, ମହମ୍ମଦ ସାହେବ, ପ୍ରିତମ ବେହେରା, ପୂର୍ବତନ ମହିଳା କଂଗ୍ରେସ ଜିଲ୍ଲା ସଭାପତି ସୁକାନ୍ତି ସରାଫ, ସଚିନ ନାଏକ, କୃଷ୍ଣ ନାଏକ, କାର୍ତ୍ତିକ ଯାନୀ, ବୈକୁଣ୍ଠ ମାଝୀ, ପରମେଶ୍ୱର ଶବର, କବି ମାଝୀ, ପ୍ରଦୀପ ସାହୁ, ପାରେଶ୍ୱର ନାଏକ, କୁଳମଣି ଟାକରି, ଯଶୋଦା ସରାଫ, ସୁନନ୍ଦା ଭଏସଲ, ସତୁରା ଭଏସଲ, କନ୍ତିନି ବାଗ, ନର୍ଗୀ ମେହେରଙ୍କ ସମେତ କଂଗ୍ରେସର ଅନ୍ୟ ମାନ୍ୟାଗଣ ବ୍ୟକ୍ତି ପ୍ରମୁଖ ଉପସ୍ଥିତ ଥିଲେ l