29-Mar-2023

ନବରଙ୍ଗପୁର:-(ମିହିର ଶଙ୍କର ପାତ୍ର,)ଡାବୁଗାଁ ଥାନା ଅଧୀନ ହଳଦୀ ଗ୍ରାମରେ  ଖୁଡୁଖୁଡି ଖେଳ ଉପରେ ପୋଲିସ ଚଢାଉ କରି ୨ ଜଣଙ୍କୁ ଗିରଫ କରିଛି | ଡାବୁଗାଁ ଥାନା ହଳଦୀ ଗ୍ରାମରେ ବାଲିଯାତ୍ରା ଚାଲିଥିଲା  ଏବଂ ସେଠାରେ  ଖୁଡୁଖୁଡି ଖେଳ ଚାଲିଥିବା  ଖବର ପାଇ ଡାବୁଗାଁ ଥାନା ପୋଲିସ ଚଢାଉ କରିଥିଲା | ଏଥିରେ ସମ୍ପୃକ୍ତ ଡାବୁଗାଁ ଥାନା ଅଧୀନ ଚାରଗାଁ ଗ୍ରାମର ବଳଦେବ ବିନ୍ଧାଣି (୨୩) ଓ ମାନସିଂ ବିନ୍ଧାଣି (୨୮) ଙ୍କୁ ଗିରଫ କରିଛି | ଏହାସହ ଖୁଡୁଖୁଡି ଖେଳରେ ବ୍ୟବହୃତ ସାମଗ୍ରୀ  ପାଲି -୧ଟି, ୬ଟି ଗୋଟି  ଏବଂ ୬୨୦୫ ଟଙ୍କା ଜବତ କରାଯାଇଛି | ଏହି ଚଢାଉରେ ଡାବୁଗାଁ ଥାନା ସବଇନିସ୍ପେକ୍ଟର ଚନ୍ଦନ ସାହୁଙ୍କ ନେତୃତ୍ୱରେ ଏଏସଆଇ ପୁଷ୍ପଲତା ସୁନାନୀ ଓ ପୋଲିସ କର୍ମଚାରୀ ମାନେ ସାମିଲ ରହି ଛଡାଉ କରିଥିଲେ | ଏନେଇ ଥାନା କେସ ନଂ ୫୮/୨୩ ରେ ଏକ ମାମଲା ରୁଜୁ କରାଯାଇଛି |ପୂର୍ବରୁ ମଧ୍ୟ ଶିବରାତ୍ରି ଚାଲିଥିବ ସମୟରେ ଡାବୁଗାଁ ଥାନା ଅଧିନ ବୁଟିଆଗୁଡା ଗ୍ରାମରେ ସବଇନିସ୍ପେକ୍ଟର ଚନ୍ଦନ ସାହୁ ଏବଂ ତାଙ୍କ ଟିମ ଖୁଡୁ ଖୁଡି ଖେଳ ଉପରେ ଛଡ଼ାଉ କରି କିଛି ଖୁଡିଖୁଡି ମାଫିଆଙ୍କୁ ଗିରଫ କରିଥିଲା।ଡାବୁଗାଁ ଅଞ୍ଚଳରେ ଦିନକୁ ଦିନ ଖୁଡ଼ଖୁଡି ଏବଂ ଦେଶୀ ମଦ କାରବାର ଯୋଗୁଁ ବହୁ ଅସାମାଜିକ କାର୍ଯ୍ୟ ବଡିବାକୁ ଲାଗିଛି ପୋଲିସ ପ୍ରଶାସନ ଏଥିପ୍ରତି ବିଶେଷ ଧ୍ୟାନ ଦେଲେ ସାଧାରଣ ଜନତା ଉପକୃତ ହୋଇ ପରିବେ।ଏହି ସବୁକୁ ରୋକିବା ପାଇଁ ଜିଲ୍ଲା ପ୍ରଶାସନ ମଧ୍ୟ ଧ୍ୟାନ ଦେବା ଅଵଶ୍ୟକ ହୋଇ ପଡିଛି।