28-Mar-2023

ବରଗଡ  –  ବିକାଶ ହାୟର ଏଜୁକେସ୍ନାଲ୍ ଇଂଷ୍ଟିଚ୍ୟୁସନ୍ସ କ୍ୟାମ୍ପସ୍ ପରିସରରେ ଛାତ୍ର ଛାତ୍ରୀ ମାନେ ‘ଇଣ୍ଡିଆ ଏଟ୍ ଓସ୍କାସ୍‌ର୍’ ଶୀର୍ଷକ କାର‌୍ୟ୍ୟକ୍ରମ ମାଧ୍ୟମରେ ଭାରତୀୟ ଚଳଚିତ୍ର ଜଗତର ଓସ୍କାର ବିଜୟ କୁ ଉତ୍ସାହ ସହିତ ନିଆରା ଢଙ୍ଗରେ ପାଳନ କରାଯାଇଛି । ବିକାଶ ହାୟର ଏଜୁକେସ୍ନାଲ୍ ଇଂଷ୍ଟିଚ୍ୟୁସନ୍ସ କ୍ୟାମ୍ପସ୍  ଅନ୍ତର୍ଗତ ଖେଳ ପଡିଆରେ ୩୫୦ ରୁ ଉର୍ଦ୍ଧ୍ୱ ଛାତ୍ର ଛାତ୍ରୀ ସମାଗମ ହୋଇ ଏସ୍‌.ଏସ୍‌. ରାଜମୈାଳିଙ୍କ ନିର୍ଦ୍ଦେଶିତ ‘ଆର୍ ଆର୍ ଆର୍‌’ ଚଳଚିତ୍ରରୁ ବିଶ୍ୱବିଖ୍ୟାତ ଏବଂ ଓସ୍କାର୍ ପୁରସ୍କୃତ ନାଟୁ ନାଟୁ ଗୀତର ହୂକ୍ ଷ୍ଟେପ୍‌କୁ ସାମୂହିକ ଭାବରେ ପ୍ରଦର୍ଶିତ କରିଥିଲେ । ବିକାଶ ଗ୍ରୁପ୍‌ର ଏକ୍‌ଜିକ୍ୱ୍ୟୁଟିଭ୍ ଡାଇରେକ୍ଟର ଶ୍ରୀ ଡି.ନାଗେଶ୍ୱର ରାଓ, ଡାଇରେକ୍ଟର୍ ଡ. ସମରେନ୍ଦ୍ର ନାଥ ପଣ୍ଡା, ଅଧ୍ୟକ୍ଷ ସମୂହ ଇଂ. ଅଜୟ ମହାପାତ୍ର, ଡ.କ୍ଷୀରୋଦ ପ୍ରଧାନ, ଡ. ବି.କେ ଦାସ୍‌, ପ୍ର. ଷ୍ଟେଲା ସମେତ ଉପାଧ୍ୟକ୍ଷା ଶ୍ରୀମତୀ ଦିପାଞ୍ଜଳୀ ପଟେଲ ଏବଂ ଅଧ୍ୟାପକ ତଥା କର୍ମଚାରୀଙ୍କ ଉପସ୍ଥିତିରେ ସଂଯୋଜିତ ଏକ ବର୍ଣ୍ଣାଢ୍ୟ ସାମୂହିକ ନୃତ୍ୟ ସମାଗମକୁ ଡ୍ରୋନ୍ ଦ୍ୱାରା ରେକର୍ଡ କରାଯାଇଥିଲା । ସନ୍ଧ୍ୟାରେ ‘ଇଣ୍ଡିଆ ଏଟ୍ ଓସ୍କାସ୍‌ର୍’ ଶୀର୍ଷକ ସାଂସ୍କୃତିକ କାର‌୍ୟ୍ୟକ୍ରମ ମାଧ୍ୟମରେ ବିଶ୍ୱ ଚଳଚିତ୍ର ଜଗତରେ ଭାରତୀୟ ଚଳଚିତ୍ର ‘ଆର୍ ଆର୍ ଆର’୍ ର ନାଟୁ ନାଟୁ ଗୀତକୁ ମିଳିଥିବା ଓସ୍କାର୍ ପୁରସ୍କାର୍ ସମେତ ‘ଦ ଏଲିଫେଂଟ ହ୍ୱିସ୍ପରର୍‌’ କୁ ମିଳିଥିବା ଓସ୍କାର ସମ୍ମାନ ଉପଲକ୍ଷେ ବିକାଶ ଉଚ୍ଚ ଶିକ୍ଷା କ୍ୟାମ୍ପସ ଉତ୍ସବ ମୁଖର ହୋଇ ପଡିଥିଲା । ଶ୍ରୀ ଡି. ନାଗେଶ୍ୱର ରାଓ ତାଙ୍କ ଅଭିଭାଷଣରେ କହିଥିଲେ ଯେ ଏହା ଆରମ୍ଭ ମାତ୍ର ଏବଂ ଆହୁରି ଅନେକ ଓସ୍କାର ପୁରସ୍କାର ଭାରତୀୟ ଚଳଚିତ୍ର ଜଗତକୁ ଗୈାରବ ଆଣିଦେବ ଏବଂ ଏହି ସତ୍‌ତା ଆମ ଭାରତୀୟଙ୍କ ଭିତରେ ଅଛି ବୋଲି ଆଶାବ୍ୟକ୍ତ କରିଥିଲେ । ଡ. ଏସ୍‌.ଏନ୍ ପଣ୍ଡା ଉକ୍ତ କାର‌୍ୟ୍ୟକ୍ରମକୁ ସଫଳ କରିଥିବା ଛାତ୍ର କୋରିଓ ଗ୍ରାଫର୍ ବୃନ୍ଦକୁ ଅଭିନନ୍ଦନ ଜଣାଇଥିଲେ । ପ୍ରତୀକ, ସୁରଭି ଏବଂ ତନିଶାଙ୍କ ନୃତ୍ୟ ନିର୍ଦ୍ଦେଶନାରେ ବିକାଶ ହାୟର ଏଜୁକେସ୍ନାଲ ଇଂଷ୍ଟିଚ୍ୟୁସନ୍ସ କ୍ୟାମ୍ପସର ଶହ ଶହ ଛାତ୍ର ଛାତ୍ରୀ ନାଟୁ ନାଟୁ ନୃତ୍ୟ ପ୍ରଦର୍ଶନ କରିଥିବା ବେଳେ ୪୦ରୁ ଉର୍ଦ୍ଧ୍ୱ ଛାତ୍ର ଛାତ୍ରୀ ଓପନ୍ ଷ୍ଟେଜ୍ ରେ ଭାରତ ଏବଂ ଓସ୍କାର ସହିତ ଜଡିତ ବିଭିନ୍ନ ଗୀତ ଆଧାରରେ ନୃତ୍ୟ ପରିବେଷଣ କରିଥିଲେ । ଛାତ୍ର ବ୍ରଜରାଜ, ଖୁଶି ଗର୍ଗ ଏବଂ ରାକେଶ ଙ୍କ ଉପସ୍ଥାପନା ଉକ୍ତ କାର‌୍ୟ୍ୟକ୍ରମକୁ ବେଶ୍ ବିନୋଦାତ୍ମକ କରିପାରିଥିଲା । ଉକ୍ତ କାର‌୍ୟ୍ୟକ୍ରମର ସଫଳତାରେ ଶ୍ରୀ ଜିତୁ ଗଣାତ୍ରା ଏବଂ ଶୁଭକାନ୍ତ ତ୍ରିପାଠୀଙ୍କ ସହଯୋଗ ରହିଥିଲା । ଉପାଧ୍ୟକ୍ଷ ଆର୍‌.ଏସ୍‌.ଭି କ୍ରୀଷ୍ଣା ଏବଂ ଡ. ପୁର୍ଣ୍ଣେନ୍ଦୁ ମିଶ୍ରଙ୍କ ତତ୍ୱାବଧାନରେ ଅଧ୍ୟାପିକା ଅଙ୍କିତା ଏବଂ ପୂଜା ଉକ୍ତ କାର‌୍ୟ୍ୟକ୍ରମର ସଂଯୋଜନା ଦାୟିତ୍ୱ ତୁଲାଇଥିଲେ ।