19-Mar-2023

ବଲାଙ୍ଗୀର-ବଲାଙ୍ଗୀର ଜିଲ୍ଲା ସଦର ବ୍ଲକ ଚୁଡାପାଲି ନିକଟସ୍ଥ କୟାଘାଟ ନଦୀପଠା ରେ ବଲାଙ୍ଗୀର ଜିଲ୍ଲା ପେଷାଦାର ସାମ୍ବାଦିକ ସଂଘ ର ସାଧାରଣ ପରିଷଦ ବୈଠକ ଅନୁଷ୍ଠିତ ହୋଇଯାଇଛି । ସଂଘ ର ସଭାପତି ଆନନ୍ଦ ଚନ୍ଦ୍ର ସାହୁ ଙ୍କ ଅଧ୍ୟକ୍ଷତାରେ ଆୟୋଜିତ ଏହି ବୈଠକ ରେ ଲୋଇସିଂହା,ଆଗଲପୁର, କଣ୍ଟାବାଞ୍ଜି, ବଙ୍ଗୋମୁଣ୍ଡା, ପାଟଣାଗଡ଼,ଚୁଡାପାଲି ଅଞ୍ଚଳ ରୁ ସାମ୍ବାଦିକ ମାନେ ଯୋଗ ଦେଇ ବିଭିନ୍ନ ଆଲୋଚନା ରେ ଅଂଶଗ୍ରହଣ କରିଥିଲେ । ଆସନ୍ତା ଏପ୍ରିଲ ୨୬ ତାରିଖ ଦିନ ହରିଶଙ୍କର ଠାରେ ସଂଘ ର

ଭବିଷ୍ୟତ କାର୍ଯ୍ୟପନ୍ଥା ପାଇଁ ପ୍ରସ୍ତୁତି ବୈଠକ କରାଯିବା ପାଇଁ ନିଷ୍ପତ୍ତି ନିଆଯାଇଛି । ପ୍ରତି ଉପଖଣ୍ଡ ସ୍ତର ରେ ବିଭିନ୍ନ କାର୍ଯ୍ୟକ୍ରମ ପାଇଁ ପ୍ରସ୍ତାବ ଗୃହୀତ ହେବା ସହିତ ସଂଘ ର ଏକ ନିଜସ୍ଵ କାର୍ଯ୍ୟାଳୟ ପାଇଁ ଜିଲ୍ଲାପାଳ ଙ୍କୁ ଲିଖିତ ଭାବେ ଜଣାଇବା ପାଇଁ ବୈଠକ ରେ ସହମତି ପ୍ରକାଶ ପାଇଥିଲା । ଏହି ଅବସର ରେ ବରିଷ୍ଠ ସଦସ୍ୟ ବ୍ୟାସଦେବ ଥନାପତି  ଏବଂ ଉତ୍କଳ ସାମ୍ବାଦିକ ସଂଘ ର ରାଜ୍ୟ କାର୍ଯ୍ୟକରିଣୀ କୁ ମନୋନୀତ ହୋଇଥିବା ଶ୍ୟାମ ସୁନ୍ଦର ମେହେର ଙ୍କୁ ସଂଘ ପକ୍ଷରୁ ସମ୍ବର୍ଦ୍ଧିତ କରାଯାଇଥିଲା । ଏହି ବୈଠକରେ ସାଧାରଣ ସମ୍ପାଦକ ବିମଳେନ୍ଦୁ ସାହୁ ପ୍ରାରମ୍ଭିକ ସୂଚନା ଦେଇଥିଲେ । ଅନ୍ୟ ମାନଙ୍କ ମଧ୍ୟରେ ବରିଷ୍ଠ ସଦସ୍ୟ ସନ୍ଦୀପ କଁଅର,କାର୍ଯ୍ୟକାରୀ ସଭାପତି ଅଶ୍ୱିନୀ ନାଏକ, ଅଜିତ ମିଶ୍ର, ସୁଧାକର ଦାସ, ବିଜୟାନନ୍ଦ ଦାସ,ଶ୍ୟାମପ୍ରସାଦ ଗୁରୁ,ସୁବାଷ ମିଶ୍ର, ବିରଞ୍ଚି ନାୟକ, ସୁଶୀଲ ମିଶ୍ର, ଅନ୍ତର୍ଯ୍ୟାମୀ ସାହୁ, ହୁଲେଶ୍ୱର ହଂସ, ରାଧେଶ୍ୟାମ ମେହେର, ତ୍ରିନାଥ ସାହୁ, ଦୀପକ ଖମାରୀ, ଅଜିତ ପୁରୋହିତ, ଅନ୍ତିମ ପାଣିଗ୍ରାହୀ, ଦେବରାଜ ନାହାକ, ବିମଲ ଦାସ, କୈଳାସ ସଗରିଆ ପ୍ରମୁଖ ଉପସ୍ଥିତ ରହି ଆଲୋଚନା ରେ ଅଂଶଗ୍ରହଣ କରିଥିଲେ । ପରିଶେଷ ରେ ବ୍ୟାସ ଦେବ ଥନାପତି ଧନ୍ୟବାଦ ଅର୍ପଣ କରିଥିଲେ ।

(ବଲାଙ୍ଗିର ଜିଲ୍ଲାରୁ ଅନ୍ତର୍ଯ୍ୟାମୀ ସାହୁଙ୍କ ରିପୋର୍ଟ)