31-Dec-2022

ସମ୍ବଲପୁର, (ସଂଜୀବ ପାଣିଗ୍ରାହୀ)
୧୮୫୭ କ୍ରାନ୍ତିର ମୁକସାକ୍ଷୀ ସମ୍ବଲପୁର କୁଦୋପାଲି ଘାଟିରେ ଗୋଟିଏ ଦିନରେ ୫୩ ଜଣ ଇଂରେଜ ଗୁଲିରେ ଶହିଦ ହେବା ସହ ୫ ଜଣ ଫାଶିଖୁଣ୍ଟରେ ଝୁଲିବା ଇତିହାସରେ ବିରଲ ଘଟଣା।ବୀର ସୁରେନ୍ଦ୍ର ସାଏଂକ ଗରିଲା ଯୁଦ୍ଧର ଏକ ପ୍ରମୁଖ ଘାଟୀ ଭାବରେ ସମ୍ବଲପୁର ରୁ ମାତ୍ର ଆଠ କିମି ଦୁରରେ ବର୍ତ୍ତମାନ ସମ୍ବଲପୁର ମହାନଗର ନିଗମ ଅଧିନରେ ରହିଥିବା କୁଦୋପାଲି ଘାଟିରେ ଡିସେମ୍ବର ୩୦ ତାରିଖ ୧୮୫୭ ମସିହାରେ ଇଂରେଜମାନେ ଅତର୍କିତ ଆକ୍ରମଣ କରିଥିଲେ। କୁଦୋପାଲି ଘାଟି ଦାଯିତ୍ବ ରେ ରହିଥିବା ବୀର ସୁରେନ୍ଦ୍ର ସାଏଂକ ପଂଚମ ଭାଇ ଛବିଲ ସାଏଂକ ସହ ୫୩ ଜଣ ସେହି ଆକ୍ରମଣ ରେ ପ୍ରାଣ ହରାଇ ଥିଲେ। ଧରାପଡ଼ି ଛବିଲ ସାଏଂକ ସହଯୋଗୀ ଚାରିଜଣଂକ ସହ ବିଦ୍ରୋହୀମାନଙ୍କୁ ସହଯୋଗ କରିଥିବା ଜଣେ ଇଂରେଜ ସୈନ୍ଯ କୁ ମଧ୍ଯ ଫାଶି ହୋଇଥିଲା।କୁଦୋପାଲି ଗାଁର ବାଲକି ଗଣ୍ଡା, ବାଲ ମୁକୁନ୍ଦ କନ୍ଧ,ଚୁନ୍ଦି କୁଡା, ବୁଧୁ ଗଣ୍ଡା, ହାଡୁଗଣ୍ଡା ପ୍ରମୁଖ ସଂଗ୍ରାମୀ ସେହିଦିନ ଇଂରେଜ ଗୁଲିରେ ପ୍ରାଣ ହରାଇଥିଲେ। ରକ୍ତ ରଂଜିତ ସେହି କୁଦୋପାଲି ଘାଟିକୁ ବିଭିନ୍ନ ପ୍ରମୁଖ ବିଭିନ୍ନ କାର୍ଯ୍ୟକ୍ରମରେ ସାମିଲ ହୋଇଆସିଛନ୍ତି । ଶହୀଦ ମାନଂକ ସ୍ମୁତିର ସୁରକ୍ଷା ନେଇ ସେଭଲି ବ୍ୟବସ୍ଥା କରାଯାଇ ପାରି ନାହିଁ। ଆଜି କୁଦୋପାଲି ଗାଁରେ ପଶ୍ଚିମାଞ୍ଚଳ ଏକତା ମଂଚ ତରଫରୁ ଆୟେଜିତ ଶ୍ରଦ୍ଧାଞ୍ଜଳି କାର୍ଯ୍ୟକ୍ରମ ରେ ଏହାକୁ ନେଇ ଆଲୋଚନା କରାଯାଇଥିଲା।ପ୍ରଦ୍ୟୁମ୍ନ ସେଠଂକର  ସଭାପତିତ୍ବରେ ଅନୁଷ୍ଠିତ କାର୍ଯ୍ୟକ୍ରମ ରେ ବୀର ସୁରେନ୍ଦ୍ର ସାଏଙ୍କ ନାମରେ ୧୯୮୬ ମସିହାରେ ପ୍ରତିଷ୍ଠା ହୋଇଥିବା ପ୍ରାଥମିକ ବିଦ୍ୟାଳୟ ଛାତ୍ରଛାତ୍ରୀ ଅଭାବ ଦର୍ଶାଇ ବନ୍ଦ କରି ଦିଆଯିବାକୁ ନେଇ ଅସନ୍ତୋଷ ପ୍ରକାଶ ପାଇଥିଲା। ଗ୍ରାମବାସୀ ସ୍କୁଲକୁ ପୁଣି ଖୋଲିବା ପାଇଁ ଦାବି କରାଯାଇ ଥିଲା।ଯଦି କୌଣସି କାରଣବସତ ସ୍କୁଲ ଖୋଲା ନଗଲେ ସେଠାରେ ସଂଗ୍ରହାଲୟ ସ୍ଥାପନ କରାଯାଇ ଅଂଚଲର ଇତିହାସ କୁ ସ୍ଥାନିତ କରିବା ପାଇଁ ବୈଠକ ରେ ମତ ପ୍ରକାଶ ପାଇଥିଲା। ପଶ୍ଚିମାଞ୍ଚଲ ଏକତା ମଂଚର  ଆବାହକ ଭବାନୀଶ ଭୋଇଂକ କାର୍ଯ୍ୟକ୍ରମ ପରିଚାଳନା କରିଥିବା ବେଲେ ପ୍ରଫୁଲ ଭୋଇ ଧନ୍ଯବାଦ ଅର୍ପଣ କରିଥିଲେ। ଶ୍ରଦ୍ଧାଞ୍ଜଳି କାର୍ଯ୍ୟକ୍ରମ ରେ ତ୍ରୀଲୋଚନ ମହାନନ୍ଦ,ତରଣୀ ସେଠ,ସୁଦାମ ସେଠ,ରାମ ସାଗର ସାହୁ, କାନ୍ତି ମେହେର, ପଂକଜିନୀ ମେହେର, ସଂଜୀବ ମିଶ୍ର,ବିଜୟ ସେଠ, ଆଦିତ୍ୟ ବାରିକ, ସଚିଦାନନ୍ଦ ବାରିକ, ଅରୁଣ ସେଠ, ଉପେନ୍ଦ୍ର ସେଠ, ଅଭିଷେକ ମହାରଣା ରାଧିକା ସେଠ,ବୀଣାପାଣି, ଶାନ୍ତିଲତା ତାଣ୍ଡି , ପ୍ରେମଶିଳା ବାରିକ, ପ୍ରମୁଖ ସାମିଲ ହୋଇଥିଲେ।