30-Dec-2022

ନବରଂଗପୁର (ମିହିର ଶଙ୍କର ପାତ୍ର,) ଭାରତର ପ୍ରଧାନମନ୍ତ୍ରୀ ମାନ୍ୟବର ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଙ୍କ ମାତା ହୀରାବେନ୍ ମୋଦୀ ଦେହାନ୍ତ ହୋଇ ଯାଇଛି। ଏହି ଖବର ପ୍ରଚାରିତ ହେବା ପରେ ଡାବୁଗାଁ ଅଞ୍ଚଳରେ ମଧ୍ୟ ଶୋକ ର ବାତାବରଣ ସୃଷ୍ଟି ହୋଇଛି। ଡାବୁଗାଁ ହିନ୍ଦୁ ମହାସଂଘ ପକ୍ଷରୁ ବୋରିଗାଁ ଠାରେ ଅମର ଆତ୍ମାର ସଦଗତି ପାଇଁ ନିରବ ପ୍ରାର୍ଥନା କରା ଯାଇଛି। ଏହି ଅବସରରେ କେନ୍ଦ୍ରୀୟ ସମିତି ପ୍ରମୁଖ ଜୟନ୍ତ କୁମାର ପାତ୍ର, ମାର୍ଗଦର୍ଶକ ମଣ୍ଡଳୀ ଅଧ୍ୟକ୍ଷ ବ୍ରହ୍ମ ଅବଧୂତ ସୌଭାଗ୍ୟ ବାବା ଏବଂ ଜିଲ୍ଲା ଉପ ସଭାପତି ସୁରଥ ଚନ୍ଦ୍ର ଜେନା ଉପସ୍ଥିତ ଥିଲେ। ହିନ୍ଦୁ ମହାସଂଘ କେନ୍ଦ୍ରୀୟ ସମିତି ପ୍ରମୁଖ ଜୟନ୍ତ କୁମାର ପାତ୍ର  ନିଜ ବକ୍ତବ୍ୟରେ ସ୍ବର୍ଗତ ହୀରାବେନ୍ ମୋଦୀ ସମଗ୍ର ଭାରତବର୍ଷ ପାଇଁ ଆଦର୍ଶ ଥିଲେ ବୋଲି ବ୍ୟକ୍ତ କରିଥିଲେ। ଅନ୍ୟ ମାନଙ୍କ ମଧ୍ୟରେ ଧନ ମାଳୀ, ଜନଜାତି ହିନ୍ଦୁ ମହାସଂଘ ପ୍ରମୁଖ ବିନୋଦ ସାନ୍ତା , ବୋରିଗାଁ ଯୁବ ହିନ୍ଦୁ ମହାସଂଘ ସଭାପତି ଭାଷ୍କର ପନକା, ଅଯୋଧ୍ୟା ମାଳୀ, ରାହୁଲ୍ ପନକା ପ୍ରମୁଖ ଉପସ୍ଥିତ ଥିଲେ। ସମସ୍ତ ଆୟୋଜନ ଭକ୍ତ ଅଯୋଧ୍ୟା ମାଳୀ କରିଥିଲେ।