20-Dec-2022

ବଲାଙ୍ଗୀର(ପ୍ରେରଣା ଖବର) -ତରଭା ବ୍ଲକ ଅନ୍ତର୍ଗତ ମେଣ୍ଡା ତ୍ରୀବେଣୀଛକରେ ବାରପାହାଡ ମହୋତ୍ସବ ଓ କଂସଦରବାର ଉଦଯାପିତ ହୋଇଯାଇଛି । ଉଦଯାପନୀ ସଂଧ୍ୟାରେ ମୁଖ୍ୟଅତିଥି ଭାବରେ ଯୋଗଦେଇଥିବା ଅର୍ଥ ଓ ସଂସଦୀୟମନ୍ତ୍ରୀ ନିରଂଜନ ପୁଜାହାରୀ ଜାନୁୟାରୀ ମାସରେ ସେ ଉଚ୍ଚପ୍ରତିନିଧଦଳ ସହିତ ଦେବୀବାରପାହଡ ପୀଠର ପରିଦର୍ଶନ କରିବେ ଓ ଏହାର ଉନ୍ନତିକରଣ କରାଇବେ । ମେଣ୍ଡା,ଦେଉଳପଦର,ପାଇକବାହାଲ ପଞ୍ଚାୟତର ଉତ୍ସାହୀ ଯୁବକମାନଙ୍କ ଦ୍ୱାରା ଏହା ଆୟୋଜିତ ହେଉଥିବା ଏହି ମହୋତ୍ସବରେ ଏହି ଅଞ୍ଚଳର ପ୍ରାୟ ୬ଟି ପଞ୍ଚାୟତର ହଜାର ହଜାର ଲୋକ ସମ୍ମିଳିତ ହୋଇଥିଲେ । ମହୋତ୍ସବ ଅବସରରେ ମୀନାବଜାର ଲାଗିଥିଲା । ଫଳରେ ହଜାର ହଜାର ଦର୍ଶକ ଏଠାରେ ସମ୍ମିଳିତ ହେଉଛନ୍ତି । ମେଣ୍ଡା ଗଡତୀଅଞ୍ଚଳର ଇଷ୍ଟଦେବୀ ବାରପାହାଡଙ୍କ ନାମରେ ମହୋତ୍ସବ ନାମକରଣ କରାଯାଇଛି । ମହୋତ୍ସବରେ କଂସଦରବାର ସହିତ ସାଂସ୍କୃତିକ କାର୍ଯ୍ୟକ୍ରମ କରାଯାଉଛି । ଏହି ମହୋତ୍ସବରେ ସୁବର୍ଣ୍ଣପୁର ଜିଲ୍ଲାର ଲୋକପ୍ରତିନିଧିମାନଙ୍କ ସହିତ ପ୍ରଶାସନିକ ଅଧିକାରୀମାନେ ଯୋଗଦେଉଥିଲେ । ଶେଷ ସଂଧ୍ୟାରେ ସାମ୍ବାଦିକ ପୂର୍ଣ୍ଣଚନ୍ଦ୍ର ପଣ୍ଡାଙ୍କ ସଭାପତିତ୍ୱ ଓ ସଂଯୋଜନାରେ ଅନୁଷ୍ଠିତ କାର୍ଯ୍ୟକ୍ରମରେ ମୁଖ୍ୟଅତିଥି ଭାବରେ ଅର୍ଥ ଓ ସଂସଦୀୟ ବ୍ୟାପାରମନ୍ତ୍ରୀ ନିରଂଜନ ପୂଜାହାରୀ,ସମ୍ମାନୀତ ଅତିଥି ଭାବରେ ବରିଷ୍ଠ କଳାକାର କରମଚାନ୍ଦ ମହାନ୍ତି ଯୋଗଦେଇଥିଲେ । ମୁଖ୍ୟଅତିଥି ଶ୍ରୀ ପୂଜାହାରୀ ତାଙ୍କ ବକ୍ତବ୍ୟରେ ବାରପାହାଡ ରିଜର୍ଭଜଙ୍ଗଲରେ ଥିବା ଦେବୀ ବାରପାହାଡଙ୍କ ପୀଠର ଉନ୍ନତିକରଣ ଓ ପର୍ଯ୍ୟଟନସ୍ଥଳୀ ପାଇଁ  ହେଉଥିବା ଦାବିକୁ ଉପରେ ପଦକ୍ଷେପ ନେବେ ବୋଲି କହିଥିଲେ । କଳାକାର କରମଚାନ୍ଦ ତାଙ୍କ ନିଜସ୍ୱ ଶୈଳୀରେ ଏକ ଗୀତବୋଲିଥିଲେ ।  କଂସଦରବାରରେ କଂସ ଭୂମିକାରେ ଥିବା ବଲାଙ୍ଗୀର ଜିଲ୍ଲା ଫଟକରାଗ୍ରାମର ଅନୀଲ ନାଏକ ଓ ତାଙ୍କ ଟିମ୍‌ର ଅଭିନୟ ଖୁବ ଉଚ୍ଚକୋଟିର ହୋଇଥିଲା । ଶେଷଦିନରେ କଂସବଧ ହୋଇଥିଲା । ଅସତ୍ୟ ଉପରେ ସତ୍ୟର ବିଜୟକୁ ମନେପକାଇବାକୁ କଂସଦରବାର ଆୟୋଜିତ ହେଉଛି ।  ଯାହାକି ଦର୍ଶକଙ୍କୁ କାର୍ଯ୍ୟକ୍ରମ ପ୍ରତି ଲୋକଙ୍କୁ ଆକର୍ଷିତ କରୁଛି । ଶେଷଦିନରେ ଅଞ୍ଚଳର ବହୁ ମାନ୍ୟଗଣ୍ୟ ବ୍ୟକ୍ତି ମହୋତ୍ସବ ସ୍ଥଳିକୁ ପହଞ୍ଚି ଅଞ୍ଚଳର ବିକାଶ ପାଇଁ ମନ୍ତ୍ରୀ ଶ୍ରୀ ପୂଜାହାରୀଙ୍କ ସହ ଆଲୋଚନା କରିଥିଲେ । ମହୋତ୍ସବ କମିଟିର ଯୁବନେତା ରାଜେନ୍ଦ୍ର ପଣ୍ଡା,ତରଭା ବ୍ଲକଅଧ୍ୟକ୍ଷ ସରୋଜ କମ୍ପ,ପାଇକବାହାଲ ସରପଞ୍ଚଗଣନାଥ ସାହୁ,ସାଗରତଳଗୋଠର ରାମଶଙ୍କର ମହାପାତ୍ର,ଗଜେନ୍ଦ୍ର ମେହେର,ମେଣ୍ଡାର ପୂର୍ବତନ ସରପଞ୍ଚହୃଷିକେଶ ପାତ୍ର,ପାଇକବାହାଲର ଚକ୍ରଧର ସା,ରାଜପାଲିର ହୃଷିକେଶ ପଣ୍ଡା,ମଦନମୋହନ ପଣ୍ଡା,ବ୍ରାହ୍ମଣୀପାଲିର ଭାଗିରଥି ସାହୁ,ରାଜୀବ ପଣ୍ଡା ପ୍ରମୁଖ ପରିଚାଳନା କରିଥିଲେ ।