20-Dec-2022

ବଲାଙ୍ଗୀର ଜିଲ୍ଲା ବଙ୍ଗୋମୁଣ୍ଡା ବ୍ଲକ ଅଲଣ୍ଡା ଧାନମଣ୍ଡି ରେ ୫ କେଜି ରୁ ୧୫ କେଜି ପର୍ଯ୍ୟନ୍ତ ଧାନ କଟନୀ ଛଟନୀ କୁ ନେଇ ଚାଷୀମାନଙ୍କ ସହ ରାଜ୍ୟ ବିଜେପି କୃଷକ ମୋର୍ଚ୍ଚା ସାଧାରଣ ସମ୍ପାଦକ ଲକ୍ଷ୍ମଣ ବାଗ ମଣ୍ଡି ସାମ୍ନାରେ ପ୍ରତିବାଦ ସ୍ୱରୂପ ଧାରଣାରେ ବସିଥିଲେ। ଚାଷୀମାନଙ୍କ ଠାରୁ ଅଭିଯୋଗ ପାଇ ସୋମବାର ୧୧ ଟାରେ ଅଳଣ୍ଡା ଧାନମଣ୍ଡି କୁ ଶ୍ରୀ ବାଗ ପହଞ୍ଚିଥିଲେ। ଶ୍ରୀ ବାଗ ପହଞ୍ଚିବା ଦେଖି ମିଲର ମାନଙ୍କ ତରଫରୁ ଆସୁଥିବା କର୍ମଚାରୀ ଛତ୍ରଭଙ୍ଗ ଦେଇ ଫେରାର ମାରିଥିଲେ ଏବଂ ସେ ସମୟରେ ଅଲଣ୍ଡା ଧାନମଣ୍ଡି ର ସମ୍ପାଦକ ମଧ୍ଯ ଅନୁପସ୍ଥିତ ଥିଲେ । ସେ ସମୟରେ ଧାନ ବିକ୍ରି କରି ଆସିଥିବା ଚାଷୀମାନଙ୍କ ସହ ଆଲୋଚନା କଲାପରେ ଅଧିକ ମାତ୍ରାରେ କଟନୀ ଛଟନୀ କୁ ନେଇ ମଣ୍ଡି ସାମ୍ନାରେ ଧାରଣାରେ ବସିଥିଲେ ଶ୍ରୀ ବାଗ। ତେବେ ସଂନ୍ଧ୍ଯା ୭ ଟାରେ ମିଲର ମାନେ ଓ ସମ୍ପାଦକ ପହଞ୍ଚି ଧାନର ମାନ ଦେଖି ୨ କେଜି ପର୍ଯ୍ୟନ୍ତ କାଟିବାର ପ୍ରତିଶୃତି ଦେଲା ପରେ ଧାରଣା ଶେଷ ହୋଇଥିଲା। ପ୍ରକାଶ ଥାଉକି ଅଲଣ୍ଡା ଧାନମଣ୍ଡିରେ ଝରିଆଲ ର ମଣ୍ଡି ମଧ୍ଯ ହେଉଛି । ତେଣୁ ଉଭୟ ଅଲଣ୍ଡା ଓ ଝରିଆଲ ମଣ୍ଡିର ଚାଷୀ ଅଲଣ୍ଡା କୁ ଧାନ ଆଣିଥାନ୍ତି। ଚଳିତବର୍ଷ ଡିସେମ୍ବର ୬ ତାରିଖ ରୁ ଡିସେମ୍ବର ୧୬ ମଧ୍ଯରେ ଝରିଆଲ ମଣ୍ଡିର ୧୦୬ ଜଣ ଚାଷୀଙ୍କ ୭ ହଜାର ୮ ଶହ ୪୯ ବସ୍ତାରେ ୩ ହଜାର ୭ ଶହ ୪୨ କ୍ବିଣ୍ଟାଲ ଧାନ ବିକ୍ରି ହୋଇଥିବା ବେଳେ ଅଲଣ୍ଡା ମଣ୍ଡିର ୮୩ ଜଣ ଚାଷୀଙ୍କ ୨ ହଜାର ୮ ଶହ ୨ କ୍ବିଣ୍ଟାଲ ଧାନ ବିକ୍ରି ହୋଇସାରିଛି। ତେବେ ଏଥିରେ ବହୁ ଚାଷୀ ସାମିଲ ହୋଇଥିବା ବେଳେ ଅନ୍ୟମାନଙ୍କ ମଧ୍ଯରେ ସିନ୍ଧେକେଲା ବିଜେପି ମଣ୍ଡଳ ସଭାପତି ମୁନିରାମ ନାଗ, ବଙ୍ଗୋମୁଣ୍ଡା ମଣ୍ଡଳ ସଭାପତି କ୍ଷୀରସିନ୍ଧୁ ବଛା , ସିନ୍ଧେକେଲା ଜୋନ ଜିଲ୍ଲାପରିଷଦ ସଦସ୍ଯ ଦାମୁ ସୁନା , ନରସିଂହ ଥନାପତୀ , ବାବୁଲାଲ ସାହୁ , ଭଞ୍ଜନ ତାଣ୍ଡି , ରିଙ୍କୁ ଛୁରା ପ୍ରମୁଖ ଉପସ୍ଥିତ ଥିଲେ ।