19-Dec-2022

ଲୋଇସିଂହା, (ବିନୋଦ କୁମାର ଦୀପ) ଆଜି ବଲାଙ୍ଗୀର ଜିଲ୍ଲାର ଶହ ଶହ ଦଳିତ ଯୁବକ ଯୁବତୀ ସମାନତା ଅଧିକାର ପାଇବାରୁ ବଞ୍ଚିତ ହେଉଥିବାର ଅଭିଯୋଗ ଆଣି ଆଗଲପୁର ପୋଲିସ ଓ ଲୋଇସିଂହା ପୋଲିସ ବିରୁଦ୍ଧରେ ଥାନା ଘେରାଉ କରିଛନ୍ତି ଲା ଜାତିଆଣ ବାଡ଼କୁ ପୋଲିସ ପ୍ରଶୟ ଦେଇ ଦଳିତ ମାନଙ୍କୁ ନ୍ୟାୟ ପାଇବାରୁ ବଞ୍ଚିତ ହେଉଥିବାର ଅଭିଯୋଗ ଆଣି ଥାନା ଘେରାଉ କରିଛନ୍ତି l ସୂଚନାନୁସାରେ ଆଗଲପୁର ଫାଣ୍ଡି ଅନ୍ତର୍ଗତ ଇଁସା ଗ୍ରାମର କିଛି ଦଳିତ ଯୁବକ ଗ୍ରାମରେ ଥିବା ସେଲୁନକୁ ବାଳ କାଟିବା ପାଇଁ ଯାଇଥିଲେ, ସେଠାରେ ସେମାନେ ବାଲ କାଟିବାକୁ କହିବାରୁ ସେଲୁନ୍ ମାଲିକ ତାଙ୍କୁ ଜାତିଆଣ ଆକ୍ଷେପ କରି ତମ ଵାଲ କାଟି ପାରିବି ନାହିଁ  ବୋଲି ମନା କଲା l ଫଳରେ ସେମାନେ ଆଗଲପୁର ଫାଣ୍ଡିରେ ଅଭିଯୋଗ କରିଥିଲେ, ହେଲେ ଆଗଲପୁର ଫାଣ୍ଡି ଅଧିକାରୀ କେସ ପଞ୍ଜୀକୃତ ନ କରି ଫେରାଇଦେଲେ l ସେମାନେ ନିରାଶ ହୋଇ ପୁଣି ଲୋଇସିଂହା ଥାନାର ଦ୍ବାରସ୍ଥ ହୋଇଥିଲେ ସେଠାରେ ମଧ୍ୟ ନ୍ୟାୟ ନ ମିଳିବାରୁ ଦଳିତ ଯୁବକ ଯୁବତୀ ମାନେ ଥାନା ଘେରାଉ କରିଛନ୍ତି l ଏହି ଅବସରରେ ଲୋଇସିଂହା ଆଦିବାସୀ ଭବନ ଠାରୁ ଏକ ବିରାଟ ପଟୁଆରରେ ଶହ ଶହ ଦଳିତ ଯୁବକ ଯୁବତୀ ମାନେ ପ୍ଲାଇକାର୍ଡ ଧରି ପୋଲିସ ବିରୁଦ୍ଧରେ ବିଭିନ୍ନ ନାରାବାଜି ଦେଇ ଥାନାକୁ ଆସିଥିଲେ l ଥାନାରେ ମଧ୍ୟ ନାରାବାଜି କରି ସମସ୍ତଙ୍କୁ ସମାନ ଅଧିକାର ସହିତ ନ୍ୟାୟ ଯୋଗାଇ ଦେବାକୁ ପୋଲିସ

ପ୍ରଶାସନକୁ ଅନୁରୋଧ କରିଥିଲେ।ଦେଶ ଆଜି ଅମୃତ ମହୋତ୍ସବ ପାଳନ କରୁଥିବା ବେଳେ ଆଜି ମଧ୍ୟ ଦଳିତ ମାନେ ନ୍ୟାୟ ପାଇବାରେ ବଞ୍ଚିତ l ଏହି ଥାନା ଘେରାଉ ସମୟରେ ଉପସ୍ଥିତ ଥିବା ସଦସ୍ୟ ମାନେ ହେଲେ ଶ୍ରୀ ଲବ ସୁନା ଉଦାରବାଦି ଗଣତାନ୍ତ୍ରିକ ସଂଘ ,ଜିଲ୍ଲା ବହୁଜନ ସମାଜ ପାର୍ଟି ସଭାପତି ଦ୍ରୋଣ କୁମ୍ଭାର,ଭୀମସେନ ରାଜ୍ୟ ପ୍ରଭାରୀ ରମାକାନ୍ତ ରାବଣ,ଭୀମ ସେନାର ସଂଘଠକ ଶ୍ରୀ ସୁବାସ ସୁନା ଓ ଏନ ଏଫ୍ ଆ ଇ ଡୀ ପ୍ରତିଷ୍ଠାତା ଶ୍ରୀ ପ୍ରଭାତ କୁମାର ମହାନନ୍ଦ l