17-Aug-2022

ବରଗଡ଼ : ସ୍ବାଧିନତାର ୭୫ବର୍ଷ ପୂର୍ତ୍ତି ଅବସରରେ  ଆଜାଦି କା ଅମୃତ ମହୋତ୍ସବ କ୍ରମରେ  ସରକାରୀ ଉଚ୍ଚ ବିଦ୍ୟାଳୟ, ବିଜେପୁର  ତରଫରୁ  ଏକ ବିଶାଳ ତ୍ରିରଙ୍ଗା ଶୋଭାଯାତ୍ରା ଅନୁଷ୍ଠିତ ହୋଇଥିଲା। ସରକାରୀ ଉଚ୍ଚ ବିଦ୍ୟାଳୟ  ପ୍ରାଙ୍ଗଣରୁ ଶୋଭାଯାତ୍ରା ବାହାରି  ଭାରତ ମାତାର ଗାଥା ଗାଇ ଗାଇ ବିଜେପୁର ସହରର ପରିକ୍ରମା କରାଯାଇଥିଲା। ଭାରତ ମାତା ର ଜୟ ଜୟକାର ଧ୍ୱନିରେ ବିଜେପୁର ସହର ପ୍ରକମ୍ପିତ ହୋଇ ଉଠିଥିଲା। ବିଦ୍ୟାଳୟର ସମର ଶିକ୍ଷାର୍ଥୀ ବାହିନୀ ଓ ସ୍କାଉଟ ଦଳର ଛାତ୍ରମାନେ ଶାନ୍ତି ଶୃଙ୍ଖଳା ରକ୍ଷା ତଥା ଶୋଭାଯାତ୍ରାର ନେତୃତ୍ବ ନେଇଥିଲେ। ସହରର ବିଭିନ୍ନ ସ୍ଥାନରେ ଛାତ୍ରଛାତ୍ରୀମାନେ ଦେଶାତ୍ମବୋଧକ ସଙ୍ଗୀତ ରେ ନୃତ୍ୟ ପରିବେଷଣ କରିଥିଲେ।ଏହି କାର୍ଯ୍ୟକ୍ରମରେ ବିଦ୍ୟାଳୟର ପ୍ରଧାନ ଶିକ୍ଷକ ଶ୍ରୀଯୁକ୍ତ ମନୋଜ ବେହେରା, ବିଜେପୁର ଗୋଷ୍ଠୀ ଶିକ୍ଷା ଅଧିକାରୀ, ବିଜେପୁର ସାଧନ କର୍ମୀ ଶ୍ରୀଯୁକ୍ତ ସୁଧାଂଶୁ ଜାଲ, ଶିକ୍ଷକ ଶ୍ରୀଯୁକ୍ତ ଭବାନୀ ଶଙ୍କର ସାହୁ, ଶିକ୍ଷକ ଜୟନ୍ତ ପଧାନ, ଜିତେନ୍ଦ୍ର ପଧାନ, ସୁବ୍ରତ ପଧାନ, ରୂପକ ପଧାନ, ରାହୁଲ ମହାନନ୍ଦିଆ, ଶିକ୍ଷୟିତ୍ରୀ ଶ୍ରୀମତୀ ମମତା କିଷାନ, ବନ୍ଦନା ପଧାନ, ଜିନି ଛତର ଓ ରଶ୍ମିରେଖା ମେହେର , ଫିରୋଜା ବାନୁ ତଥା ବିଦ୍ୟାଳୟ ର ସମସ୍ତ ଛାତ୍ରଛାତ୍ରୀ ଅଂଶ ଗ୍ରହଣ କରିଥିଲେ।