11-Sep-2021

ରେଢ଼ାଖୋଲ ( ଅନିଲ କୁମାର ପୃଷ୍ଟି ) ସମ୍ବଲପୁର ଜିଲ୍ଲା ରେଢ଼ାଖୋଲ ବ୍ଲକ ଅନ୍ତର୍ଗତ ବୁର୍ଡା ପଞ୍ଚାୟତ ଆମ୍ବଝରି ଗ୍ରାମରେ ଏକ ଅଭାବନୀୟ ଘଟଣା ଘଟିଯାଇଛି। ସୂଚନା ଯୋଗ୍ୟ ଯେ ଆମ୍ବଝରି ଗ୍ରାମର ଶୁକ୍ରୁ ମିର୍ଦ୍ଧା (୫୫) ତାଙ୍କର ୩ ଟି ଝିଅ ଓ ୨ ଟି ପୁଅ ଅଛନ୍ତି। ଦୁଇପୁଅ ବାହାରେ ପରିବାର ଭରଣ ପୋଷଣ ପାଇଁ କାମ କରନ୍ତି। ସାନ ପୁଅ ଟଙ୍କଧର ମିର୍ଦ୍ଧା (୧୯) ଦୁଇ ଦିନ ତଳେ ଘରକୁ ଫେରିଥିଲା। ଶନିବାର ଅପରାହ୍ନରେ ଖାଇପିଇ ସାରିବା ପରେ କୌଣସି କାରଣରୁ ବାପ ପୁଅ ମଧ୍ୟରେ ବଚସା ହୋଇଥିଲା। ଫଳରେ ପୁଅ ଟଙ୍କଧର ମିର୍ଦ୍ଧା ନିଶାସକ୍ତ ଅବସ୍ଥାରେ ବାପ ଶୁକ୍ରୁ ମିର୍ଦ୍ଧାଙ୍କୁ ବେକରେ ନିର୍ମମ ଭାବରେ ଟାଙ୍ଗିଆରେ ତିନି ଚୋଟ ମାରିଥିଲା। ଫଳରେ ଘଟଣାସ୍ଥଳରେ ବାପ ଶୁକ୍ରୁଙ୍କ ମୃତ୍ୟୁ ହୋଇଯାଇଥିଲା। ଘଟଣା ସ୍ଥଳରେ ରେଢ଼ାଖୋଲ ପୋଲିସ ପହଞ୍ଚି ଶବ ଓ ଟାଙ୍ଗିଆକୁ ଜବତ କରିବା ସହ ପୁଅ ଟଙ୍କଧର ମିର୍ଦ୍ଧାଙ୍କୁ ଅଟକ ରଖି ଘଟଣାର ତଦନ୍ତ ଆରମ୍ଭ କରିଛି।