09-Sep-2021

ବଲାଙ୍ଗିର,(ପ୍ରେରଣା ଖବର)- ବଲାଙ୍ଗିର ଭାରତୀୟ ମଜଦୁର ସଂଘ, ବଲାଙ୍ଗିର ଜିଲ୍ଲା ତରଫରୁ କେନ୍ଦ୍ରୀୟ ଶ୍ରମିକ ସଂଗଠନ ଭାରତୀୟ ମଜଦୁର ସଂଘ ର ନିଷ୍ପତ୍ତି କ୍ରମେ ଦିଲ୍ଲୀ ଠାରେ ସ୍ଥିରକୃତ ହୋଇଥିବା ଦରଦାମ ବୃଦ୍ଧି ଏବଂ ଗ୍ୟାସ, ପେଟ୍ରୋଲ ଓ ଡିଜେଲ ଜିଏସ୍‌ଟି ରେ ଅନ୍ତଭୁକ୍ତ କରିବା ପାଇଁ ରାଜ୍ୟ ସରକାର ଏବଂ କେନ୍ଦ୍ର ସରକାର ବିରୋଧରେ ରାଷ୍ଟ୍ରବ୍ୟାପି ଆନ୍ଦୋଳନ କରାଗଲା । ବଲାଙ୍ଗିର ଜିଲ୍ଲାରେ ଭାରତୀୟ ମଜଦୁର

ସଂଘର କାର୍ଯ୍ୟକର୍ତ୍ତା ଏବଂ ବିଭିନ୍ନ ସଂଗଠନରୁ ଆସିଥିବା ନେତୃବୃନ୍ଦ ଏଥିରେ ଏକ ପ୍ରେସ ଇସ୍ତାହାର ଜିଏସ୍‌ଟି ଅନ୍ତର୍ଭକ୍ତ କରିବା ପାଇଁ ରନ୍ଧନଗ୍ୟାସ, ପେଟ୍ରୋଲ, ଡିଜେଲ ଓ  ଅତ୍ୟାବଶ୍ୟକୀୟ ଗୃହ ଉପକରଣ ପାଇଁ ଦୃଢ ଦାବି କରିଥିଲେ ଏବଂ ଜିଲ୍ଲାପାଳ କାର୍ଯ୍ୟାଳୟ ୧୦ ଦଫା ସମ୍ମଳିତ ଏକ ଦାବିପତ୍ର ଭାରତ ପ୍ରଧାନମନ୍ତ୍ରୀ ଏବଂ ରାଷ୍ଟ୍ରପତି ଉଦ୍ଦେଶରେ କେନ୍ଦ୍ରୀୟ ମନ୍ତ୍ରୀ ଶ୍ରମ ଓ ନିଯୁକ୍ତି, ପ୍ରଟ୍ରୋଲ ଏବଂ ନେଚୁରାଲ ଗ୍ୟାସ, ମହିଳା ଓ ଶିଶୁ, ଏଚ୍‌ଆରଡି, ଡିଫେନ୍ସ ଏବଂ ରେଲୱେ ଏବଂ ରାଜ୍ୟ ମୁଖ୍ୟମନ୍ତ୍ରୀ, ରାଜ୍ୟପାଳ ଏବଂ ବିଭିନ୍ନ ମନ୍ତ୍ରୀ ୧୦ ଦଫା ସମ୍ମଳିତ ଦାବିପତ୍ର ବଲାଙ୍ଗିର ଜିଲ୍ଲାପାଳଙ୍କ ମାଧ୍ୟମରେ ପ୍ରଦାନ କରାଯାଇଥିଲା । ଏଥିରେ ଭାରତୀୟ ମଜଦୁର ସଂଘର ରାଜ୍ୟ ଉପ-ସଭାପତି ଅରୁଣ ସାହୁ, ଜିଲ୍ଲା ସଭାପତି ରୁନୁ ଗୋପାଳ ସାହୁ, ଜିଲ୍ଲା ଉପ-ସଭାପତି ସନ୍ତୋଷ ପଧାନୀ, ସମ୍ପାଦକ ଆମୋଦ ମହାପାତ୍ର, କୋଷାଧ୍ୟକ୍ଷ ସୁରେନ୍ଦ୍ର ପୁରୋହିତ, ଡିମ୍ପଲ ନାଏକ ଏବଂ ଅଙ୍ଗନବାଡିି, ଆଶା କର୍ମୀ, ରେଲୱେ କ୍ୱାର୍କସ, ନିର୍ମାଣ ଶ୍ରମିକ ଇତ୍ୟାଦି ସଂଗଠନର କର୍ମୀମାନେ ଉପସ୍ଥିତ ଥିଲେ । ସରକାରଙ୍କର ଦରବୃଦ୍ଧି ତଥା ଅତ୍ୟାବଶ୍ୟକ ଜିନିଷ ଜିଏସ୍‌ଟି ଅନ୍ତଭୁକ୍ତ କରିବା ପାଇଁ ରାଜ୍ୟ ଉପ-ସଭାପତି ଅରୁଣ ସାହୁ ଦୃଢକ୍ତି ପ୍ରକାଶ କଲେ । ଭାରତ ବର୍ଷର ୭୪୭ ଜିଲ୍ଲାରେ ବିଏମ୍‌ଏସ୍ ତରଫରୁ ଦାବିପତ୍ର ଦିଆଯାଇଥିଲା । ଏଥିରେ ରେଲୱେ ୱାର୍କସ୍ ୟୁନିୟନ, ବଡମାଲ ୱାର୍କସ୍ ୟୁନିୟନ, ବଡମାଲ ଏବଂ ଟିଟିଲାଗଡ ଠାରେ ଦାବି ପତ୍ର ପ୍ରଦାନ କରିଥିଲେ ।