19-Jul-2021

ନୟାଗଡ଼, (ପ୍ରଦୀପ କୁମାର ପଣ୍ଡା): ଛତିଶଗଡ଼ରୁ ଆସି ନୟାଗଡ଼ ଜିଲ୍ଲା ଓଡ଼ଗାଁ ଅଞ୍ଚଳରେ ନାବାଳକ ଫସିବା ଖବରପ୍ରକାଶ ପାଇବା ପରେ ଚାଇଲ୍ଡ ଲାଇନ ପକ୍ଷରୁ ତତ୍ପରତା ପ୍ରକାଶ ପାଇଛି । ଚାଇଲ୍ଡ ଲାଇନ ସଦସ୍ୟ ଚନ୍ଦ୍ରଶେଖର ବେହେରା ଓ ଓଡ଼ଗାଁ ପୁଲିସ ଗୈାଡ଼ପୁଟ ପଞ୍ଚାୟତ ଗୁଆନ୍ଦ ଗ୍ରାମର ବାଣୁଆସାହିରେ ପହଞ୍ଚି ନାବାଳକଙ୍କୁ ଉଦ୍ଧାର କରିଛନ୍ତି । ନାବାଳକ ଉକ୍ତ ଗ୍ରାମର କୈଳାସ ନାୟକଙ୍କ ଘରେ ଆଶ୍ରୟ ନେଇଥିଲା । ଛତିଶଗଡ଼ର ଟୋଲା ଅଞ୍ଚଳର ହଟକା ଗ୍ରାମର ରାମ ଲାଲ ଏବଂ କଲେଶ୍ରୀଙ୍କ ପୁଅ ବୀର ବଲ୍ଲ ଓରଫ ବିରୁ କିଛି ସାଙ୍ଗ ସାଥିଙ୍କ ସହ ଭଦ୍ରକ ଜିଲ୍ଲାକୁ କାମ କରିବାକୁ ଆସିଥିଲେ । କରୋନା ପାଇଁ କାମ ନମିଳିବାରୁ ତାଙ୍କ ସାଙ୍ଗସାଥିମାନେ ତାଙ୍କୁ ହଜାରେ ଟଙ୍କା ଦେଇ ବିଦା କରି ଦେଇଥିଲେ । ଭଦ୍ରକରୁ କୈାଣସି ଉପାୟରେ ନାବାଳକଟି ଆସି ଓଡ଼ଗାଁର ଗୁଆନ୍ଦ ଗ୍ରାମରେ ୫ ଦିନ ତଳେ ପହଞ୍ଚିଥିଲା । ଆଜି ନାବାଳକ ଉଦ୍ଧାର ହୋଇଥିବା ବେଳେ ତାକୁ ଶିଶୁ ମଙ୍ଗଳ ସମିତିରେ ହାଜର କରାଯାଇଛି । ସେଠାରୁ ନାବାଳକୁ ଶିଶୁ ଗୃହକୁ ପଠାଇ ଦିଆଯାଇଛି । ତା ପରିବାର ସହ ଯୋଗାଯୋଗ ହେବା ପରେ ନାବାଳକକୁ ଛତିଶଗଡ଼ ପଠାଯିବାର ବ୍ୟବସ୍ଥା କରାଯିବ ବୋଲି ସୂଚନା ମିଳିଛି ।