11-Jul-2021

କଣ୍ଟାବାଞ୍ଜି (ଆନନ୍ଦ କୁମାର ମୋଟେ): ପରିବେଶକୁ ସବୁଜ ସୁନ୍ଦର କରିବା ପାଇଁ କଣ୍ଟାବାଞ୍ଜି ସ୍ଥିତ ନୂଆପଡା ଲକ୍ଷେଘର ଗଣ୍ଡାସମାଜର ମଙ୍ଗଳଭବନ ପରିସରରେ ବୃକ୍ଷ ରୋପଣ କରାଯାଇଥିଲା।ଗଣ୍ଡାସମାଜର ସଭାପତି ଦୁଃଖୀଶ୍ୟାମ ରାଏଙ୍କ ପ୍ରଚେଷ୍ଟାରେ ହୋଇଥିବା ବୃକ୍ଷ ରୋପଣ କାର୍ଯ୍ୟକ୍ରମରେ ଅତିଥିଭାବେ କଣ୍ଟାବାଞ୍ଜି ବନାଞ୍ଚଳ ଅଧିକାରୀ ଶ୍ରଦ୍ଧାଦେବ

ବଡମାଳି, ପ୍ରକୃତିବନ୍ଧୁ ତଥା ଜୁନିୟର ରେଡକ୍ରସ ପରାମର୍ଶଦାତା ବିରଞ୍ଚି ନାରାୟଣ ଦାଶ, ଫରେଷ୍ଟର ବିନୋଦ ବିହାରୀ ଧରୁଆ, ପ୍ରକୃତିବନ୍ଧୁ ଡୋଳାମଣି ମହତ ଯୋଗ ଦେଇଥିଲେ। ସମସ୍ତଙ୍କ ଉପସ୍ଥିତିରେ ପରିସରରେ ଆମ୍ବ, ଅଁଳା,ବେଲ, ଜାମୁ, କଦମ୍ବ, କରଞ୍ଜ, ହରିଡା ଆଦି ଅନେକ କିସମର ବୃକ୍ଷ ରୋପଣ କରାଯାଇଥିଲା। ଯେଉଁଠି ଜଙ୍ଗଲ ସେଇଠି 

ମଙ୍ଗଳ ସ୍ଳୋଗାନ ଦେବା ସହିତ ବୃକ୍ଷ ରୋପଣରେ ଅରୁଣ କୁମାର ବାଗ, ଚନ୍ଦ୍ରଶେଖର ନାଗ, ଅଭିମନ୍ୟୁ ବାଗ, ଭୀଷ୍ମ ମହାନନ୍ଦ, ସତ୍ୟ ନାରାୟଣ ରାଏ, ପ୍ରେମରାଜ ପାଣିଗ୍ରାହୀ, ଆଶିଷ ଜୈନ, ଲଳିତ ନାଗ, ରୋହିତାଶ୍ୱ ବାଗଙ୍କ ସମେତ ଅନ୍ୟ ବୃକ୍ଷପ୍ରେମୀମାନେ ସହଯୋଗ କରିଥିଲେ।